سائق تاكسى بروفيشينال

مره واحد أجنبي نزل لبلد عربي وركب تاكسي

كانت فيه اشارة حمراء وقطعها سائق التاكسي بعد خروجه من المطار

قال له الإمريكي هيه انتبه انت مجنون اشارة حمراء وتقطعها

قال له سائق التاكسي ... ماتخافشي ياخواجه انا بروفيشينال .. حريف

الإشارة الثانية كانت حمراء وقطعها صاحب التاكسي

قال الإمريكي ... اكيد انت مجنون ماتخاف على نفسك وعلى اللي معاك

قال له سائق التاكسي ماتخافشي ياخواجه... انا بروفيشينال

الإشارة الثالثة كانت خضراء

وقف صاحب التاكسي عند الإشارة

اتجنن الإمريكي من هذا التصرف

وقال الإمريكي ... اكيد انت مجنون كيف إشارة خضراء وانت واقف

قال له صاحب التاكسي ... لاتصير مجنون يا سيد

يمكن حد بروفيشنال جاي من هنا وإلا هنا

موضوع الاشارات ده فكرنى بحاجة (لازم كلنا نبقى سواقين بروفشنال فى مصر)
بس فى حاجة فى الاول عايزا اوضحها دايماً باباً لما بيركب معايا بيقول انى بسوق زى بتوع المكرباص
بس فى حاجة تانى انا عمرى ما كنت بروفشنال زى سواق التاكسى بتاع مؤمن الى بيمشى والاشارة حمرا
وامبارح بقة اخذت مخالفة علشان مطلعتش بروفشنال شوفتو بقة الحال فى مصر
فى اشارة عند المحكمة لو حد يعرفها ، الاشارة دى مبتعترفش بالضوء الاصفر يعنى اخضر احمر علطول
احنا ما شاء الله علينا مش محتجين اكتر من كدا
الاشارة خضرا وكله تمام وانا داخلة على الاشارة وخلاص وهعدى
الاشارة مره واحدة بقت حمراء فوقفت علطول وفى نفس الوقت كان فى واحد جمبى عدى الاشارة بسرعة زى البروفشنال
وقفت انا بقة وعملت فيها محترمة بس المشكلة انى وقفت على الخط الابيض شوفتو الحلاوه راح طلع الراجل الصول بتاع الاشارة من الكشك الى على جمب وبسرعة لقيته بياخد النمرة بتاعتى فى الدفتر الى على ايدة
يعنى لو كنت بروفشنال مكنتش اخدت مخالفة