| يا بنات دلونى اعمل اية ؟؟ الولاد ملهمش دعوه... ماشى | |
|
|
كاتب الموضوع | رسالة |
---|
123mida مرشح للاشراف
عدد الرسائل : 249 العمر : 39 تاريخ التسجيل : 31/07/2008
| موضوع: يا بنات دلونى اعمل اية ؟؟ الولاد ملهمش دعوه... ماشى الأحد أغسطس 17, 2008 3:45 pm | |
| مش انا قولت الولاد ملهومش فية بس ماشى لو عندك رأى ياريت تقوله لو كان عندك خطيب قبل ما تتم الخطوبة كان ليكم قصة حب حوالى سنتين وبعدين حصل مشكلة وسبتو بعض وبعد سنه رجعتو لبعض تانى وبعد الخطوبة التانية سافر فى بلد تانية وعلى النت والتليفونات اتخانقتو تانى وفشكلتو الحكاية بس المره دى علشان كان شغل تسخين حموات وبعد سنة كمان ،وهو هناك وبرده على النت والتليفونات رجعتو تكلمو بعض تانى وتم الاتفاق بينكم بس ومحدش يعرف من الاهل حاجة "احنا اتفقنا على كدا علشان لما هيجى نشوف هنراضيهم مع بعض ازاى " وخلاص نازل اجازة وهنتمم الجوازة على طول ده حتى قبل ما يسافر بيوم كنا بنتكلم وهو رجع من حوالى اسبوعين ومتصلش ولا حس ولا خبر تفتكرو اية ؟؟ اصل الغريب فى حاجة انه كان بيتصل كتير قبل ما يجى مصر وكان فرحان اننا هنتجوز !!! مع العلم انى نسيت نمرة البيت بتاعتهم ومش معقولة هرولهم البيت علشان اسال علية اعمل اية يا بنات دلونى احط ايدى على خدى واستنى ولا اية | |
|
| |
snow white مشرف تحت التمرين
عدد الرسائل : 1110 العمر : 38 تاريخ التسجيل : 02/08/2008
| موضوع: رد: يا بنات دلونى اعمل اية ؟؟ الولاد ملهمش دعوه... ماشى الأحد أغسطس 17, 2008 4:51 pm | |
| noosazzz لو عندك رقم موبايله حاولى تتصلى بيه وتعرفى فى ايه
مش يمكن يكون فى مشكله او تعبان لاقدر الله او يكون عنده ظروف معذور فيها
المهم لازم تحاولى تفهمى الحكايه ايه علشان تعرفى تحددى موقفك بعدها
وكل اللى عايزه اقولهولك انه لو بيحبك بجد هيعمل المستحيل علشانك
واكيد انتى اكتر واحده ادرى بالموضوع ده
وان شاء الله لو ليكم نصيب فى بعض , مهما حصل هتكونوا لبعض
ربنا بجد يكرمك ويوفقك ويسعدك مع من تحبين | |
|
| |
tito مشرف ممتاز
عدد الرسائل : 858 العمر : 40 تاريخ التسجيل : 17/05/2008
| موضوع: رد: يا بنات دلونى اعمل اية ؟؟ الولاد ملهمش دعوه... ماشى الإثنين أغسطس 18, 2008 1:42 am | |
| انا مش عارف دى حكايتك ولا بتحكيها على حد حصله كده المهم لو الموضوع ده ليك انتى مفيش حاجه اسمها تقعدى وتحطى ايدك على خدك روحيله البيت اسالى عليه مفيهاش كسوف لو بتحبيه بجد مش تضيعيه اعرفى ايه ظروفه صعب جدا تلاقى يحبك ويتمسك بيكى كل ده لو هو عنده ظروف ساعديه لو هو منفض بمزاجه يبقى هو اللى خسران | |
|
| |
شهد مشرف تحت التمرين
عدد الرسائل : 1428 العمر : 36 تاريخ التسجيل : 09/07/2008
| موضوع: رد: يا بنات دلونى اعمل اية ؟؟ الولاد ملهمش دعوه... ماشى الإثنين أغسطس 18, 2008 2:19 am | |
| صعب الحب يتعوض وطالما اتمسكتو ببعض كل الوقت ده
يبقى لازم تتنازلى ولو لبعض الشىء وتسألى عنه
وبعد كده تقررى مصيرك معاه ده بعد اذن الرحمن
يمكن تكون فى ظروف قهرية منعاه يكلمك
اسأل الله ان يزلل العقبات | |
|
| |
123mida مرشح للاشراف
عدد الرسائل : 249 العمر : 39 تاريخ التسجيل : 31/07/2008
| موضوع: اعمل اية ؟ الإثنين أغسطس 18, 2008 9:35 am | |
| مع الاسف يا snow معنديش رقم موبايلة فى مصر كل الى عندى رقم تليفونة بره وده مقفول
يا شهد مقدرش اروح انا الى اسأل علية ، علشان انا كدا هكون قدام عيلته واحده معندهاش كرامة لان اخر مره والدته غلطت فيا جامد وقالت كلام جامد قوى اى حد مكانى مينفعش يكمل بعد الكلام ده ، بس علشان هو انسان محترم وكويس وبيحبنى كان اتفاقنا سوا انه هيصلح كل المشاكل دى
على فكره يا تيتو المشكلة دى بتاعتى ولو اخدت بالك هتلقينى مش عارفة ارتب كلامى وانا بحكيلكم، ما هى لوكانت بتاعت حد تانى كنت هعرف احكيها احسن من كدا وزى ماقلت لشهد مقدرش اروح البيت عندهم انا قلتلكم كان فى مشاكل حموات يعنى ممكن اروح وحماتى تدينى مش وش خشب لا وش حديد ويبقى كدا الموضوع صعب على كرامتى قوى علشان المفروض ان هو الى كان هيحل المشاكل الى بين العلتين وبعدين انا خايفة من موضوع ان ممكن تكون عنده مشاكل مع والدته بسببى وهو مستانى مش عايز يكلمنى الا لما هى توافق وفى الحاله دى بردة الموضوع صعب انا عمالة افترض حاجات كتير لحد لما مخى ورم من التفكير فكروا معايا يمكن فى حل او تصرف ممكن اعملة !!! | |
|
| |
M.Amin مشرف ممتاز
عدد الرسائل : 111 العمر : 40 تاريخ التسجيل : 19/05/2008
| موضوع: رد: يا بنات دلونى اعمل اية ؟؟ الولاد ملهمش دعوه... ماشى الإثنين أغسطس 18, 2008 12:41 pm | |
| بصي -الرد بسيط جدا - الولد دة لو فية نية انة يخلص ويخطبك كان خلص من زمان ومن اول مرة انما الحكاية كدة شكلها فيها لعب | |
|
| |
123mida مرشح للاشراف
عدد الرسائل : 249 العمر : 39 تاريخ التسجيل : 31/07/2008
| موضوع: شكرا بجد انك رديت عليا الإثنين أغسطس 18, 2008 2:03 pm | |
| شكرا بجد انك رديت عليا واهتمت ، بس المشكلة انى عارفه اخلاقة كويس مبيكدبش وبيصلى ومش بتاع لعب انا متاكده ويمكن سبب انى متمسكة بية وعايزا اتجوزة علشان عمره ما هيخون اويكدب عليا فى حاجة مش بقول انه ملاك بس فى عيوب بعيدة عن الناحية دى | |
|
| |
alaapepo مشرف ممتاز
عدد الرسائل : 739 العمر : 41 تاريخ التسجيل : 19/05/2008
| موضوع: رد: يا بنات دلونى اعمل اية ؟؟ الولاد ملهمش دعوه... ماشى الأربعاء أغسطس 20, 2008 12:46 am | |
| برغم مصانع الحداد اللى بينا
بس هقول رائى واقبليه او ارفضيه براحتك
ومن الحب ما قتل
قتل التفكير عندك فى مستقبلك صحيح انا معرفش ايه اللى حصل بينكم
بس من الكلام اللى انتى كتباه انك بتضيعى سنوات من عمرك
حاولى تفكرى بدماغك فى الكلام اللى كان بيدور بينكم
حاولى توصليله عن طريق اى حد وتعرفى ايه الظروف اللى حصلت
علشان تحطى النقط على الحروف
ممكن يكون كلامه كان بصدق ومش بيضحك عليكى
واهله لما قالهم رفضوا وهو سمع كلامهم وبيتهرب منك
او حصل عنده ظروف
حافظى على كرامتك بس فى نفس الوقت حافظى على عمرك واعرفى راسك من رجلك
شوفى صحابه واوصلى ليهم وانشاء الله خير | |
|
| |
شهد مشرف تحت التمرين
عدد الرسائل : 1428 العمر : 36 تاريخ التسجيل : 09/07/2008
| موضوع: رد: يا بنات دلونى اعمل اية ؟؟ الولاد ملهمش دعوه... ماشى الأربعاء أغسطس 20, 2008 1:15 am | |
| نوسة انا لم اقصد انك انتى شخصيا تروحى له لا
ممكن اخ لكى او صديق مقرب له او عن طريق اى وسيلة غيرك
المهم تعرفى اللى حصل
انا مع علاء فى رأيه لازم تحطى النقط على الحروف وتملكى زمام امرك
فلا تبقى رهينة للظروف وخير من هذا كله
ابدأى صفحة جديدة من حياتك واغلقى صفحة المشاكل والنكد هتفضلى طول عمرك معاه فى مشاكل
طالما البداية كلها مشاكل
احسنى اختيارك وولا تهدرى عمرك انتظاراً
يارب يهديكى لحب يعوضك عن المشاكل اللى عيشتيها
تقبلى مرورى البسيط | |
|
| |
123mida مرشح للاشراف
عدد الرسائل : 249 العمر : 39 تاريخ التسجيل : 31/07/2008
| موضوع: رد الأربعاء أغسطس 20, 2008 9:50 am | |
| شكرا يا جماعة ليكم بجد انتم خلتونى افتح قلبى وعقلى ليكم التفكير الجماعى فى المشاكل مفيد جداً وبيخلى الواحد يرتاح واكيد انا استفت كويس من كلام كل الناس وبشكركم مره تانية وربنا يسهل ان شاء الله | |
|
| |
so what عضو جامد موت
عدد الرسائل : 64 تاريخ التسجيل : 19/07/2008
| موضوع: رد: يا بنات دلونى اعمل اية ؟؟ الولاد ملهمش دعوه... ماشى الخميس أغسطس 21, 2008 2:52 pm | |
| الي ايده في الميه مش زي الي ايده في النار انا حاسه بيكي بس عايزه اقلك حاجه مهمه وفكري فيها كويس جدا بصي انا قبل الرد حاولت اشوف ردودك على المواضيع واعرف شخصيتك عشان كلامي يكون مدورس بصي يا نوسه اولا انتو اتخانقتو كتير ورجعتو لبعض بعد فترات طويله يبقى بعد الجواز هتعملو ايه؟؟؟ ده نقطه فكري فيها بحزم القلب هنا ملوش مكان انا متأكده انك هتوصلي لاجابه بعد الكلام ده لانك بتلقطيها على الطاير تانيا انتي مبتحبيش النكد الكتير لدرجه بتصالحي الطرف التاني يعني من الآخر هتتعبي في حياتك لو اتشاكلتو كتير بس انتي بتحبيه فمقدرش اقول حاجه غير اني انصحك ثالثا انا عايزه اعرف سايبك لمده اسبوعين بيعمل ايه حتى لو يطمنك على الاقل انه شاريكي ومتمسك بيكي ولا ده بيعلقك وسايبك على نارك وانتي فعلا شخصيه مبتتحمليش الانتظار صح؟ لو عنده اراده وبيحبك كان كلمك من اول موصل وقالك متتصليش لحد ما اقنع أهلي انا عارفه ان اسبوعين مش داخله دماغك والا مكنتيش طلبتي رأينا ؟؟ انا بقول يا اما فقد الأمل وبرده لازم يتصل وينهي الموضوع ولاخايف من المواجهه او ممكن حصل معاه حاجه قويه منعته لاقدر الله بس اسبوعين يعني نص شهر وداخل على شهر !! بصي يا نوسه دي قواعد حياتيه لو متطبقتش يبقى للاسف مش عايزه اقول هيحصل ايه وابقي طمنينا عليكي لو حصل جديد لاني بعتبر نفسي اخت وصديقه ليكي ويهمني امرك موفقه يارب | |
|
| |
remy simsim
عدد الرسائل : 7 العمر : 33 تاريخ التسجيل : 29/09/2008
| موضوع: رد: يا بنات دلونى اعمل اية ؟؟ الولاد ملهمش دعوه... ماشى الإثنين سبتمبر 29, 2008 8:29 pm | |
| بصي يانوسه انا رأيي انكم مش لازم تضيعوا من ايد بعض بجد لازم تدوري عليه شوفي حد من صحابه او اي حد كان مشترك بينكم انتوا الاتنين,, وعايزه اقولك ان انتوا بس اللي بايدكم تبقوا مع بعض او تسيبوا بعض لان مافيش حد بيحدد مستقبل حد حتي ولو كان اقرب الناس ليه... وربنا يوفقك ونسمع خبر حلو قريب | |
|
| |
alaapepo مشرف ممتاز
عدد الرسائل : 739 العمر : 41 تاريخ التسجيل : 19/05/2008
| موضوع: رد: يا بنات دلونى اعمل اية ؟؟ الولاد ملهمش دعوه... ماشى الإثنين سبتمبر 29, 2008 9:37 pm | |
| يا سمسم
نوسه زمانها اتجوزت وسافرت الفلبين من زمان واللى كانت بتتكلم عليه زمانه طلع القمر
وانتى حاولى تشوفى اى حاجه تشيلى بيها التراب احسن تتاخدى فى المتحف كقطعه اثريه
الموضوع بقاله 3 سنين | |
|
| |
| يا بنات دلونى اعمل اية ؟؟ الولاد ملهمش دعوه... ماشى | |
|