| | مطلوب عروسه..! |  |
|
+4dody magic شهد moh goda يوسف بلال 8 مشترك |
| كاتب الموضوع | رسالة |
|---|
يوسف بلال
مشرف ممتاز
عدد الرسائل : 702
العمر : 42
تاريخ التسجيل : 17/05/2008
| موضوع: مطلوب عروسه..!  الثلاثاء سبتمبر 09, 2008 4:28 am | |
| مطلوب عروسة طيبة..
ومتعلمة ومؤدبة..
ومؤمنة بالقضاء والقدر..
سنها من سني..
أصغر أو أكبر مني..
مش هنختلف..
وتكون بتحب القراءة..
وتهوي الرحلات..
وتعشق السفر..
مش عضو ف أي حزب..
وطبعاً عارفة إن الكذب حرام..
بتحب الكورة..
مهمومة بالدوري العام..
وملفوفة القوام..
حلوة وزي القمر..
شعرها ناعم حرير..
ملهاش أي مصلحة..
ف شارع القصر العيني..
أو مجمع التحرير..
وفاهمة كويس ميدان الجيزة..
مش متابعة جلسات مجلس الشعب..
ولا بتسمع البيان الختامي..
لأي مؤتمر..
وتكون من عيلة..
بتشتري راجل..
لا عايزة شبكة ولا مهر..
وأنا بقي..
خبرة ف المرمطة..
وجميع أشكال القهر..
مواطن من إنتاج مناهج..
وزارة التربية والتعليم..
ثانوية عامة..
النظام القديم..
أيام الأرنب الغضبان..
والخس والجزر..
وزي النسمة والله..
يعني تعتبرني من دلوقتي
مش موجود..
لا حس ولا خبر..
بس مخي نضيف..
وعاقل ورزين..
وعندي شوية نظر..
ورغم إني ياما إتزحلقت..
لكن لسه بفرح بالمطر..
علي فكرة..
أنا حاجز شقة بحري..
أربعين متر..
آخر طريق الواحات..
بس لسه ماحطوش الأساس..
عشان تقريباً..
مش لاقيين الحجر.. | |
|
| | |
moh goda
مشرف
عدد الرسائل : 222
العمر : 42
تاريخ التسجيل : 19/05/2008
| | موضوع: رد: مطلوب عروسه..! الأربعاء سبتمبر 10, 2008 2:20 am | |
| المطلوب عروسه والله حرام عليهم يعملوا فينا كده وعروسه ايه اللي هترضي بيك كده ياعم جو وعلي العموم مفيش حد بالمواصفات اللي انت طالبها ده هتوافق تعيش في شقه اربعين متر في الواحات الا اذا كانت من الواحات نفسها فاسهلي واسهلك نروح ندور هناك لانهم اكيد معندهمش نت | |
|
| | |
شهد
مشرف تحت التمرين
عدد الرسائل : 1428
العمر : 36
تاريخ التسجيل : 09/07/2008
| | موضوع: رد: مطلوب عروسه..! الأربعاء سبتمبر 10, 2008 2:51 am | |
| يوسف لحد ماتدينى الامان علشان ارد من غير زعل
لا تعليق | |
|
| | |
dody magic
مرشح للاشراف
عدد الرسائل : 524
تاريخ التسجيل : 02/07/2008
| | موضوع: رد: مطلوب عروسه..! الأربعاء سبتمبر 10, 2008 4:08 pm | |
| لا تعليــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــق | |
|
| | |
يوسف بلال
مشرف ممتاز
عدد الرسائل : 702
العمر : 42
تاريخ التسجيل : 17/05/2008
| | موضوع: رد: مطلوب عروسه..! الأربعاء سبتمبر 10, 2008 9:05 pm | |
| ممكن تردى ومعاكى الامان
انا مش ممكن ازعل من اخواتى ابدا
اختلف معاهم ويختلفوا معايا نزعل لا | |
|
| | |
snow white
مشرف تحت التمرين
عدد الرسائل : 1110
العمر : 38
تاريخ التسجيل : 02/08/2008
| | موضوع: رد: مطلوب عروسه..! الخميس سبتمبر 11, 2008 2:32 am | |
| لا فى بنات بالمواصفات دى وهنا مش فى الواحات
مش هقول انهم كتير بس موجودين
لكن المشكله مش بتكون فيهم لانها لو رضيت بالشقه الاربعين متر أهلها عمرهم ما هيوافقو
وان شاء الله ربنا هيكرمك بيها
الطيبون للطيبات
عدل سابقا من قبل snow white في الخميس سبتمبر 11, 2008 2:45 am عدل 2 مرات | |
|
| | |
rony
مرشح للاشراف
عدد الرسائل : 540
تاريخ التسجيل : 05/08/2008
| | موضوع: رد: مطلوب عروسه..! الخميس سبتمبر 11, 2008 2:39 am | |
| والله انت عريس لقطه مفيش احسن من كده وبتدور على عروسه ياسيدى تلقاهم عليك نمل ربنا يوفقك  | |
|
| | |
شهد
مشرف تحت التمرين
عدد الرسائل : 1428
العمر : 36
تاريخ التسجيل : 09/07/2008
| | موضوع: رد: مطلوب عروسه..! الخميس سبتمبر 11, 2008 3:04 am | |
| يوسف اى ارتباط سعيد لازم يكون مبنى على حب وتفاهم
وطالما فى حب هيكون فى جهاد من كلا الطرفين لارضاء الاخر
لكن الطلب ده انا شايفة فيه قلم ومسطرة ومازورة
بمعنى ادق كالمناقصة فيها كراسة للشروط
وبعدين ازاى تكون غير مهمومة بامور واحوال وطنها
كده محتاج الة مش قلب يسعد
الارتباط السعيد ليس به كراسة شروط ومواصفات
تقبل ردى واسفة على الاطالة
يارب مش تزعل انا طلبت الامان قبل ان اطلق العنان لقلمى | |
|
| | |
alaapepo
مشرف ممتاز
عدد الرسائل : 739
العمر : 41
تاريخ التسجيل : 19/05/2008
| | موضوع: رد: مطلوب عروسه..! الخميس سبتمبر 11, 2008 4:01 am | |
| ايه يا جو نسيت تقول عاوزها مقاس كام ولونها ايه | |
|
| | |
الهدوء المزعج
مشرف
عدد الرسائل : 499
الموقع : maadi
تاريخ التسجيل : 17/05/2008
| | موضوع: رد: مطلوب عروسه..! الخميس سبتمبر 11, 2008 4:12 am | |
| فنان يابنى والله
بس انت ياجوو المفروض تقف وتنقى
كش تطلب عروسه
انت متعرفش انت مين ياصاحبى ولا ايه
ده انا كاتب فيك لوحدك بيت شعر لا يقل عن 20 سطر | |
|
| | |
| | مطلوب عروسه..! | |
|
