افتحى الشبابيك يا مصر واسمعى كلمة شبابك

عبر عن رايك بصراحه واحنا معاك هنقول بحماس افتح شباكك قول رايك يمكن كلمة تغير ناس
 
الرئيسيةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» فساتين خطوبة
الخميس يوليو 07, 2011 12:57 am من طرف الله ربى والاسلام دينى

» لفات طرح جديدة
الخميس سبتمبر 23, 2010 9:59 pm من طرف الله ربى والاسلام دينى

» عظه لكل فتاه
الجمعة سبتمبر 17, 2010 8:53 pm من طرف الله ربى والاسلام دينى

» بنت لا تتجاوز السنتين (شوفو المعجزة)
الجمعة سبتمبر 17, 2010 6:03 pm من طرف الله ربى والاسلام دينى

» نصائح لجمالك
الخميس سبتمبر 16, 2010 11:11 pm من طرف الله ربى والاسلام دينى

» اختر من 1 الى 20 وشوف حظك
الخميس سبتمبر 16, 2010 9:46 pm من طرف الله ربى والاسلام دينى

» بيقولو كلام بنات.....!
الخميس سبتمبر 16, 2010 8:39 pm من طرف الله ربى والاسلام دينى

» هى دية حقيقة البنت
الخميس سبتمبر 16, 2010 8:30 pm من طرف الله ربى والاسلام دينى

» اعرفي اسم شريك حياتك قبل مايجي
الخميس سبتمبر 16, 2010 8:17 pm من طرف الله ربى والاسلام دينى

الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 صباح الخير يامصر.... صباح النور اهلا وسهلا موضوع جامد

اذهب الى الأسفل 
كاتب الموضوعرسالة
rony
مرشح للاشراف
مرشح للاشراف
avatar

عدد الرسائل : 540
تاريخ التسجيل : 05/08/2008

مُساهمةموضوع: صباح الخير يامصر.... صباح النور اهلا وسهلا موضوع جامد   السبت أكتوبر 04, 2008 6:56 am

على كورنيش الفراغ الكونى

ربما أقوم بوصف سلوكيات بعض البشر فى هيئة كلمات ..

لأننى بالطبع لا أفقه فنون الرسم

او أعبر عن خيال جامح مطلق فى أذهان البعض منكم وربما هى حقيقة

أترجمها بأسلوب اسقاطى ساخر بسيط او هى فقط قصة خرقاء

لاشئ يهم الآن فقط لنبدأ ماأريد الانتهاء منه

..........................

كلنا يزهى بماتعلمه ومايحمل من ثقافة

ودعونى اترك فن الحديث بالعربية الفصحى

حتى لايتهمنى البعض بأننى أمسكت طرف شعرة الغرور

وتغمغمون فى حنق وتنظرون الىّ وانتم تقولون

(( تبا لك أيها المتحذلق ))

هااااااااا نبتدى .؟؟؟

صباح الخير يامصر ... صباح النور اهلا وسهلا

النهارده بنتكلم عن مصر نفسها

ومش هنتكلم فى سياسة عشان بدأت أشوف
الابتسامه الصفرا.

على وشوش ناس كده واللى سن سكاكينه

وبكده هكون أحبط محاولتين .. أول واحده
انى احبط محاولة اعتقالى

والتانيه انى اروح فى داهية عشان ابسطكو

مااااااااااااااعلينا نشوف احنا هنتكلم فى ايه


فى مصر تتعدد الثقافات ... والاتجاهات

واحنا فى ثانوى كنا نعرف ان عندنا جامعة أمريكية

ومصاريفها قد كذا مثلا .. دلوقتى فى الجامعة البريطانية

والجامعه الألمانيه .. ثقافة ياجماعة
ودعوه عامه للتجهيل بالعربى

قصدى دعوه للتعليم المفتوح وخلق مدار فكرى جديد

يربط بين الشباب المصرى وأقرانة فى المجتمعات المختلفة


لكن .. وأعوذ بالله من كلمة لكن

اللى بتخلى الواحد يشك فى صوابع ايده

فى ثقافات جوانا احنا سلبية جدااااااااا

نتمنى لو نغيرها .. لكن هيهــــــات

دى حاجات بقت من سمات الشعب المصرى


ثقافة الفهلوة ... كلنا أبو العريف وبنفهم فى كل حاجه

كل الناس بتتكلم عن خطط بوش فى غزو إيران

وعن الايد اللى من بره اللى دخلت جوه وبتلعب

كلنا عارفين ان مصر عندها نووى بس مخبيين على العالم كله

وان صدام مش هو اللى اتشنق ..
وان احمد عز أجدع واحد فى مصر

انا بقصد الممثل طبعا .. عشان محدش دماغه تروح كده او كده


ثقافة فوت علينا بكره .. وكأن الروتين بقى مرض

انا بحس ساعات ان لو الموظف خد أجازة
هيسيب ورقة على مكتبه

كاتب فيها فوت علينا بكره .. أى مصلحة ليك بتتعطل
بدون سبب واضح

من غير مراعاة ان انت ممكن تكون محتاج وقتك ده ..

تضييع وقت مش اكتر بدافع الزهق ..
البيه ملوش مزاج يشتغل

ويطلع عنينا عشان خاطر الدمغة اللى عمرى
ماشفت ليها فايده


ثقافة الحقد والحسد .. هات أى مجموعة أشخاص واقفين

وانده واحد منهم واتكلموا فى أى حاجه ... أى حاجه

وقوله بس يـــــــاه يامصيلحى دى الدنيا بقت وحشه قوى

هيقولك اه والله .. الناس معدتش طايقة تبص فى وش بعض

عارف انت اللى واقفين هناك دول .؟؟ من قدامى حبايبى

لكن من ورايا مقطعين فروة اللى مخلفين أهلى

يــــــــــــــوه امتى الناس ترجع زى زمان

وتحب بعض وتخاف على بعض

وهكذا بقى .. وخاصة السيدات

كل واحده ست مفكره ان كل ستات العالم اتحدوا
عشان يكيدوا فيها

او يدبروا ليها فخ .. أو يفجروا فيها لغم ..
أو يدوسو عليها بدبابة

بقت أقل حاجه بتخوفنا من بعض وتخلينا نشك فى بعض


ثقافة اللامبالاة ... يـــــــــاسيدى قول كمان ومتعنى

هات واحد النهارده قوله بيتك وقع .. هتلاقيه قام ضاحك

ويقولك ايه يعنى .. انا بيتى احسن من بيت مين ؟؟

وتلاقيه بكل بساطه يقولك وبعدين مانا كده كده فى الشارع

جت على البيت .. مايقع ياعم ولايروح فى داهية

او مثلا الأسعار بتزيد اهو .. حد بيتكلم .؟؟

ولاااااااااا حياة لمن تنادى .. أهم حاجه الستر والصحة

وربنا يكفينا شر اللى بيعملو مظاهرات واللى بيجرالهم


فى بقى نوع بيستهوينى وبحبه قوى

ثقافة انى اعمل نفسى مثقف


هات اى برنامج تافه .. وهما كتير مش هتتعب وتدور

الضيف الأول من اليمين الحلزونى

والضيف التانى من اليسار المتعفن

هياخدوا ويدو فى الكلام شويه ..وهيقف الاحترام عند حد معين

وتبدأ حرب المصطلحات العشوائية

الضيف الأول ..انت اولا انسان كويزى متقوقع رافض للحياه

وكائن بيروقراطى هامشى مفلس الفكر

وعنصر فكرى متحجر تعانى من شيزوفرينيا مزمنه

ولاتقول على استاذك وأستاذ الجميع

هذا الكلام الرث المسئ الذى يندى له الجبين

انت انسان تعانى من الجبن

(( تلاجه وبراميلى واستانبوللى ونستو))

انت معقد نفسيا لأنك تغار من نجاح الافضل

انت ذراع مقطوع فى كيان الديالكاتيكيه الحديثه

انت جزء متعفن فى منظومة الراديكاليه المتحضره


والضيف التانى طبعا مش أقل منه حفظا للمصطلحات

هيبدأ الأول يتكلم عن عدم تكامل منظومة الحرية فى المجتمعات

وانه بيندم انه سمح لنفسه بالجلوس مع هذا التافه الشنقيط

وهيبدأ يتكلم عن رائحة الكوسه التى بدأت تلوح فى الافق

مع إن ريحة الكوسه بتتشم مش بتتشاف

وان انامل الكيان الصهيونى التى تعبث فى نتائج الانتخابات

هى من فرضت أمثال هذا البهلول على المجتمع

ويختتم كلامه بوصلة من الردح المثقف

يعنى اللهم ارحمنا من هذا التافه العقيم

انت تعانى من تسلخات فى الفص المخى الايمن

انت تحاول نشر التطبيع ياتافه ياعميل

انت صاحب تقلص فى السمانه تؤدى للعته الاغريقى المزمن

ويفضل المذيع حيران بين الضيفين

ويبص للكاميرا ويضحك .. اعزائى المشاهدين

فاصل قصير .. ثم نعود لنستكمل هذا الحوار الشيق

برنامجكم المفضل ... سلامتها أم حسن


وطبعا مش عل قد كده بس .. حاجات تانيه كتير طبعا

لكن ادينا بننتقد اللى بنقدر عليه

وطبعا فى حاجات اكتر ملناش دعوة بيها


وللحديث بقية
lع تحياتى انا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شهد
مشرف تحت التمرين
مشرف تحت التمرين
avatar

عدد الرسائل : 1428
العمر : 30
تاريخ التسجيل : 09/07/2008

مُساهمةموضوع: رد: صباح الخير يامصر.... صباح النور اهلا وسهلا موضوع جامد   الإثنين أكتوبر 06, 2008 12:36 am

رونى ياله من قلم ذكى بل قمة فى الدهاء

جمع كل الاهوال الموجودة بكلمات بسيطة تخطت حاجز الجمجمة ووصلت للعقل مباشرة

فعلا جمل وصفت واقع مرير للحبيبة مصر

وطبعا الاهوال واقعة من الكل ليست الحكومة فقط بل شعب ايضا

من موظفين وعمال ومدرسين الخ

المسأله فى الاول والاخر مسألة ضمير لو وُجد لانحلت جميع المشاكل

( تسلخات فى الفص المخى الايمن) بمناسبة الجملة دى فى 2 مخبرين مستنينك على باب المنتدى

موضوعك رائع روان ومحتارة اعلق على ايه ولا ايه

المهم انه رسم صورة حزينة وكئيبة للمحروسة ربنا يفك كربها

تسلم ايدك رونى جميل جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rony
مرشح للاشراف
مرشح للاشراف
avatar

عدد الرسائل : 540
تاريخ التسجيل : 05/08/2008

مُساهمةموضوع: رد: صباح الخير يامصر.... صباح النور اهلا وسهلا موضوع جامد   الإثنين أكتوبر 06, 2008 6:55 pm

فى 2 مخبرين مستنينك على باب المنتدى
انا قولت من الاول انا شايفه ابتسامه صفراء
اسعدنى مرووووك وتعليقك الخطير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: صباح الخير يامصر.... صباح النور اهلا وسهلا موضوع جامد   الثلاثاء أكتوبر 14, 2008 10:49 pm

بس بجد ده واقع واللى يناقض رايك يبقى بيهرب من الواقع وشكرا يا روني عالموضوع الجامد دا
lol! lol! lol! lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rony
مرشح للاشراف
مرشح للاشراف
avatar

عدد الرسائل : 540
تاريخ التسجيل : 05/08/2008

مُساهمةموضوع: رد: صباح الخير يامصر.... صباح النور اهلا وسهلا موضوع جامد   الأحد أكتوبر 19, 2008 5:35 am

نورنى واسعدنى وشرفنى مرورك الجميل اسو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صباح الخير يامصر.... صباح النور اهلا وسهلا موضوع جامد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
افتحى الشبابيك يا مصر واسمعى كلمة شبابك :: شباك مصر :: مصر الحلوه-
انتقل الى: