افتحى الشبابيك يا مصر واسمعى كلمة شبابك

عبر عن رايك بصراحه واحنا معاك هنقول بحماس افتح شباكك قول رايك يمكن كلمة تغير ناس
 
الرئيسيةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» فساتين خطوبة
الخميس يوليو 07, 2011 12:57 am من طرف الله ربى والاسلام دينى

» لفات طرح جديدة
الخميس سبتمبر 23, 2010 9:59 pm من طرف الله ربى والاسلام دينى

» عظه لكل فتاه
الجمعة سبتمبر 17, 2010 8:53 pm من طرف الله ربى والاسلام دينى

» بنت لا تتجاوز السنتين (شوفو المعجزة)
الجمعة سبتمبر 17, 2010 6:03 pm من طرف الله ربى والاسلام دينى

» نصائح لجمالك
الخميس سبتمبر 16, 2010 11:11 pm من طرف الله ربى والاسلام دينى

» اختر من 1 الى 20 وشوف حظك
الخميس سبتمبر 16, 2010 9:46 pm من طرف الله ربى والاسلام دينى

» بيقولو كلام بنات.....!
الخميس سبتمبر 16, 2010 8:39 pm من طرف الله ربى والاسلام دينى

» هى دية حقيقة البنت
الخميس سبتمبر 16, 2010 8:30 pm من طرف الله ربى والاسلام دينى

» اعرفي اسم شريك حياتك قبل مايجي
الخميس سبتمبر 16, 2010 8:17 pm من طرف الله ربى والاسلام دينى

الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 مقدمه واسئله الضيف الرابع,,عالم التاريخ(ظــــاظــــــــا)

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 23, 2008 3:44 pm

السلام عليكم ورحمه الله وبركاته
اعزائي شبابيك
مساء الخير عليكم جميعا
فها نحن من جديد نلتقي

مع رابع لقاء
مع الاخوة والمحبه الصادقه
تحت جدران منتدانا شبابيك
من اسبوع لاسبوع اخر ,سنظل في تميز
من الاعترافات
كرسي منير بوجودهم

هو ليس ضيف ولكن هو فرد من اسرة شبابيك

يحضر الينا من مكان بعيد.لا نعرف شكله

ولكن نعلم شخصه فنساله لكي تزيد معرفتنا به

النهاردة معانا ضيف متميز

معنا اليوم شخصيه متميزة في افكارها , اسلوبها,طرقتها
معنا اليوم التاريخ كلو

بالرغم من صغر سنو

لانو يعرف الكثير والكثير عن التاريخ

يعني معلومات كتير عن التاريخ

هنعرف منو الاجوبه علي كل اسئله التاريخ

وكثير عن تاريخ بلدنا


سهر الليالي ليحقق العلياء

وحقق ايضاء كثير لمنتدي شبابيك واهله الاحباء

لك اعظم تحيه خاصه بالنبلاء

يا طله القمر ينير لنا فالسماء

معنا اليـــــــــــــــــــــــــــــوم

المؤرخ الكبير
ظـــــــــــــــــاظـــــــــــــــــا*********************************************
الاسئله

علاقتك ايه بربنا راضي عنها الحمد لله ولا لاء؟

1_اذكر لنا ملخص حياتك في 10 اسطر كل حاجه عنك(اسمك . سنك. عنوانك.دراستك .........الخ)؟

2_اجمل لحظه بحياتك؟

3_ما رايك بكلا منSadالحب_ الرومانسيه_الجمال_رقه المشاعر_العراق_فلسطين_وطبعا طبعا مصر بلدك)

4_ما معني كلمه الخيانه في نظرك؟ وهل مريت بتجربه نهايتها خيانه؟

5_وانت ماشي في الشارع وشفت رجل قزم وشكله يفطس من الضحك(استغفر الله العظيم)وانت ابتسمت., وجاء يقولك انت ليه بتبتسم هتقولو الحقيقه انك ضحكت علي ايه ولا لاء؟

6_ما هي احلي كلمه قيلت لك؟

7_ماهو مثلك الاعلي في الحياه؟

8_ايه الشئ اللي بيخليك فرحان؟

9_ايه المكان اللي تحس انك مرتاح فيه؟

10_كلمه سمعتها ودايما علي بالك وما تقدرش تنساها؟

11_ايه الكلمه اللي دايما تقولها دائما فكلامك؟

12_اكتر اكله بتحبها وممكن تاكلها كل يوم ومتزهقش؟

13_ايه المكان اللي متحبش تروحو ولو روحتو تبقي مغصوب عليه؟

14_ندمت فحياتك قبل كدة علي حاجه معينه؟

15_الامنيه اللي بتتمناها؟

16_عرف كلا من:
*المجنون
*العاقل
*المتكبر
*المتواضع

17_هل انت راضي عن نفسك؟

18_ايه هيا المجالات اللي تتمني تاخذها منهاجا في حياتك؟

19_احسن مسلسل عجبك في رمضان؟

20_نوع جهاز موبايلك؟

21_معاك رصيد ولا لاء؟ولو معاك سلفني,

22_رايك ايه في منتدي شبابيك؟

23_احسن موضوع عجبك؟

24_اقرب عضو او مشرف ليك هنا فالمنتدي؟

25_معاك دعوة علي العشا لخمس اعضاء المنتدي او مشرفين تختار مين؟

26_بص كدة وصحصح معايا وفوق:
هل انت من اعضاء جماعه الاخوان المسلمين
وان كنت منهم فهل انت عضو كسلان ولا نشط
وان لم تكن منهم هل تفكر في يفالسؤال؟وم انك تبقي منهم ولا لاء
جاوب بسرعه متفكرش

27_وانت فالجامعه بقي
كنت بتحضر ولا لاء,,,,,,اكتر مادة بتحبها
اكتر مادة بتكرهها,,,,,,,,رسبت كام مرة ولا الحمد لله موفق
انت اللي اخترت كليتك ولا في تدخل من اشخاص تانيه ولا علشان مجموع الثانويه العامه غصب واقتدار

28_ايه هيا هوايتك؟

29_صحيح نسيت انت اهلاوي ولا زملكاوي؟

30_ايه هو لونك المفضل؟

31_بتمارس رياضه ولا لاء واي نوع تفضل؟

32_بص يا سيدي
المنتدي هيغرق ومعاك قارب ميتحملش غير 3 اشخاص بس
هتختار مين من المنتدي؟؟

33_هل يوجد فرق بين شخصيتك عالمنتدي وشخصيتك عالحقيقه؟

34_ايه اللي بيدور فبالك دلوقتي وانت قاعد؟ قول بصراحه احنا ستروغطي عليك وحلل واللي تشوفو بردوا

35_ايه السؤال اللي اول ما دخلت المحكمه وكنت خايف انو يتسالك ومتسالش؟

36_اة صحيح
انت من النوع اللي بيعترف بخطؤ ولا لاء؟

37_لو اتعينت رئيس جمهوريه اول قرار هتاخدو ايه؟

38_قرار تتمني ان تنفذو وتغير بيه الزمن؟
دا غير السؤال السابق علي فكرة

39_الفاكهه المفضله ليك؟

40_رايك فكلا من:
الوحدة العربيه
بوش يتحول نبيا ما رايك فالماقوله دي؟
انك ميت وهم ايضا ميتون ايه رايك فالكلام دا. تفتكر القصد منو ايه؟
41_اكتب نبذه عن الاتي:
بطل الحرب والسلام
انور السادات
,محمد علي باشا
,احمد عرابي
,محمد كريم
,حسن البنا
مؤسس جماعه الاخوان المسلمين
, الزعيم مصطفي كامل
,محمد نجيب
اول رئيس جمهوريه
دي حاجه بسيطه كدة

لسه التاريخ بقي واسالتو جايه,انا بجد ايدي وجعتني
ساعتين اكتب فالمقدمه والاسئله
دي حاجه لفتح النفس بس وعلشان تاخد علينا
انا هدخل تاني بس نتمني انك تكون موجود وتجاوب علينا ومتتاخرش عن اسبوعك
يلا يابني بالتوفيق وربنا يعينك علينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 23, 2008 4:49 pm

السسلام عليكم ورحمة الله وبركاته

اولا بحب اشكرك على اختيارك ليا

ويارب اعرف اجوب كويس

ثانيا بشكرك على تقديمك الجميل اللى انا مستحقوهش

والله انا غلبان جدا

ولو اتخرت فى الرد انا اسف بس ده بسبب شغلى لان انا ساعات برجع متأخر او تعبان اوى يدوب اقدر انام

ويمسهل يا رب

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع


عدل سابقا من قبل zaza في الخميس أكتوبر 23, 2008 7:18 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 23, 2008 6:54 pm



ي

[size=12]الانجاوب بقى.


اذكر لنا ملخص حياتك في 10 اسطر كل حاجه عنك(اسمك . سنك.عنوانك .دراستك.الخ)

الاسم: محمد بلال حسن على

السن :22سنة الا خمس ايام عيد ميلادى يوم 28 الشهر دى

دراستى :طالب فى كلية الاداب قسم التاريخ جامعة القاهرة الفرقة الرابعة

اما بقية حياتى بشغل فى الرخام

تركيب الرخام لسة مبقيتش صبايعى اوى بس علشان مبشغليش كتير علشان الدراسة

اعتقد ان باقى شخصيتى هتبان من الاسئلة

2.اجمل لحظة فى حياتك

لحظة انفراج ازمة عائلية ولحظة ما ابو تريكة جاب جون فى الصفاقسى فى النهائى

3. ما رايك فى كلا من .الحب .الرومانسية .الجمال .رقة المشاعر .العراق .فلسطين .وطبعا بلدك مصر

الحب لا اعرف تعريفه اللغوى ولا الاصطلاحى

الرومانسية بشفها فى الافلام بس

الجمال جمال الروح والطباع

رقة المشاعر العطف

العراق هيجرلهم اكتر من كده علشان طول عمرهم مش رجاله فى يوم كربلاء ويوم اعدام صدام الشعب الذى يرضى ان يحاكم العدو والمستعمر حاكمه ويفرح لذلك سيرى باذن الله اكثر من ذلك

فلسطين سنسأل عنها كانا يوم القبامة ولا نملك الا الدعاء

مصر الكلام عنها مش هيخلص بس للاسف احنا اللى مش مدينها حقها

.ما معني كلمه الخيانه في نظرك؟ وهل مريت بتجربه نهايتها خيانه.4

الخيانه هى عدم اخذ اى اعتبارات سواء العشرة او الصداقة والاخوه وممرت بتجربة بها شى من الخبانه وان كانت مبررة ولكن ان سمحته

5. وانت ماشي في الشارع وشفت رجل قزم وشكله يفطس من الضحك(استغفر الله العظيم)وانت ابتسمت., وجاء يقولك انت ليه بتبتسم هتقولو الحقيقه انك ضحكت علي ايه ولا لاء؟

اولا ان عمرى ما هتضحك على قزم لان اولا هذة خاقة الله ثانيا انا اصلا قصير 160 سم

يعبى لا تعيرنى ولا اعيرك يالى الهم طيلنى وطيلك

6. ما هى احلى كلمه قيلت لك ؟

كلمة ناس كتير بتقولها لى ان وشى بشوش وفى القبول

وشخص صعب اللى يشوفنى ويتعامل معايا ينسانى

7.من هو مثلك العلى فى الحياة ؟

اخوية الكبير والاسطى بتاعى فى الشغل وعلى فكرة هو حاصل على ليسانس اداب قسم التاريخ جامعة القاهرة من المفرقات الغربية

8. ايه الشئ اللي بيخليك فرحان؟

حاجات كتير منها ان انجح او اكون بذاكر كويس و مركز تانى حاجة ان يكون معايا فلوس وبشتغل كويس

9. ايه المكان اللي تحس انك مرتاح فيه؟

الكلية بتاعتى علشان الحاجة الوحيدة اللى فى حياتى اخترتها

وانى اكون قاعد مع اصحايى على القهوة علشان برضه انا اخترتهم

10. كلمه سمعتها ودايما علي بالك وما تقدرش تنساها؟

يابنى ادم افعل ما شيئت كما تدين تدان

11. ايه الكلمه اللي دايما تقولها دائما فكلامك؟

انت فاهم حاجة لو قصده اللازمه فهى دى

الكلمة اللى بقواها تعليق على مواقف كتير دى قلة ادب

12. اكتر اكله بتحبها وممكن تاكلها كل يوم ومتزهقش؟

البطاطس المحمرة باكلها كل يوم شئت ام ابيت بس انا اصلا بحبها

13. ايه المكان اللي متحبش تروحو ولو روحتو تبقي مغصوب عليه؟

ان اروح مكان فى شباب خنتريش واعدين مع بنات تعبانه وعملين نفسهم شادية وعبد الحليم

14. ندمت فحياتك قبل كدة علي حاجه معينه؟

اكيد ندمت كتير بس اكتر حاجة ندمت عليها هى ان انا سقطت فى سنة اولى فى الكلية

15.الامنية اللى بتتمناها؟

اولا اخلص الكلية السنة دى

ثانيا نفسى اشتغل مدرس تاريخ

16.عرف كلا من

المجنون : اكثر الاشخاص ضعفا لانه لم يستطيع مواجهة الحياة

العاقل :غافل لا يواجه الحياة ولكنه يسايسها

المتكبر : جاهل

المتواضع :اسمى الاشخاص من تواضع لله رفعة

17.هل انت راضى عن نفسك ؟

بالنسبة لحياتى فانا راضى عنها نسبيا اما علاقتى بالله فاذا رضيت عنها هلكت ولكن الحمد لله

انا اسف لم اجاوب السوال دى فوق مختش بالى اللى دلوقتى عموما دى الاجابة

18. ايه هيا المجالات اللي تتمني تاخذها منهاجا في حياتك؟

انا مش فاهم السوال

19.احسن مسلسل عجبك فى رمضان ؟

قمر بنى هاشم السيرة النبوية

20.نوع جهاز موبايلك اية ؟

نوكيا العادى 1112والله ما عارف بالظبط

21. معالك رصيد ولا لا. ولو معاك سلفنى ؟

معايا اتنين جنية وبريزة بالظبط ومستعد اسلفهملك عادى انا متعود اعد من غير رصيد ومن غبر تليفون خالص انا اصلا جبته من خمس شهور

[/size]

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rony
مرشح للاشراف
مرشح للاشراف
avatar

عدد الرسائل : 540
تاريخ التسجيل : 05/08/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 23, 2008 8:04 pm

اولا كل سنه وانت طيب يامحمد habby birth day
- لو ذهبت في رحله الى القمر ومسموح لك ان تاخذ معك عضو واحد فقط من تختار


2 - لو في مسابقه من سيربح المليون وفي سؤال المليون طلبت ان تستعين بصديق
من هو هذا الصديق


3 - لو انتقلت للاقامه في منزل جديد تحب مين من الاعضاء يكون جارك


4 - لو كنت في طريق صحراوي وتعطلت سيارتك وعندك فرصه واحده للاتصال بمن يساعدك
مــــــــــــــع ارق التحـــــــــيه
من الاعضاء من يكون


5 - لو كنت ذاهب الى رحله حول العالم في باخرة تأخذ 4 اعضاء معك من هم


6 - لو تعرضت الباخرة للغرق ومطلوب انك تقذف واحد من الاعضاء اللي اخذتهم معاك
فمن هو


7 - لو معك 3 رصاصات توجهها لمن من الاعضاء


8 - لو كنت قاضي ومطلوب انك تحكم على احد الاعضاء بالسجن المؤبد من هو


9 - لو كان أعضاء المنتدى في خطر و تقدر تنقذ شخص واحد فقط من الاعضاء تنقذ من
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 23, 2008 8:17 pm



[size=12]22_رايك ايه في منتدي شبابيك؟

كان ممكن يكون احسن من كده كتير احنا مقصرين فى حقه
23_
احسن موضوع عجبك؟
لقاء مؤمن بغبور كان انفراد هايل
24_
اقرب عضو او مشرف ليك هنا فالمنتدي؟
طبعا يوسف علشان اخويا وبحب علاء وعصام جدا وبحترم سنو وايت اوى
25_
معاك دعوة علي العشا لخمس اعضاء المنتدي او مشرفين تختار مين؟
عصام وعلاء وجوده و جووعمرو شومان
26_بص كدة وصحصح معايا وفوق:
هل انت من اعضاء جماعه الاخوان المسلمين
وان كنت منهم فهل انت عضو كسلان ولا نشط
وان لم تكن منهم هل تفكر في يفالسؤال؟وم انك تبقي منهم ولا لاء
جاوب بسرعه متفكرش
طبعا انا مش عضو ولا بفكر لان تاريخ الاسود معروف وهم اصلا جماعة منحلة وضاله
27_
وانت فالجامعه بقي
كنت بتحضر ولا لاء,,,,,,اكتر مادة بتحبها
اكتر مادة بتكرهها,,,,,,,,رسبت كام مرة ولا الحمد لله موفق
انت اللي اخترت كليتك ولا في تدخل من اشخاص تانيه ولا علشان مجموع الثانويه العامه غصب واقتدار
طبعا مابحضرش كتير او يمعتنى اصح بحضر لدكاترة ومواد معينة ورسبت فى سنة اولى

اكتر مادة بكرها تاريخ الاغريق

واكتر مادة بحبها تاريخ اوروبا الحديث والمعاصر انا اللى اخترت كليتى والقسم بتاعى وكلهم فى البيj تكانوا معترضين وخاصة ابويا كان عايز يدخلنى تجارة وانا مش بحيها

على فكرة انا جبت فى تاريخ الاغريق 2 من 20
28_
ايه هيا هوايتك؟
.زمان لما كنت فاضى كنت بقرا كتير لكن دلوقتى انا بعد على القهوة
29_صحيح نسيت انت اهلاوي ولا زملكاوي؟
اية السوال دى عيب كده طبعا اهلاوى والحمد لله
30_ايه هو لونك المفضل؟
البيجججج انا تقريبا لازم البس حاجة بيج
31_بتمارس رياضه ولا لاء واي نوع تفضل؟
حاليا طبعا قليل اوى بس كنت وبحب الكرة
32_بص يا سيدي
المنتدي هيغرق ومعاك قارب ميتحملش غير 3 اشخاص بس
هتختار مين من المنتدي؟؟
هاخد يوسف اخويا واى اتنين رفيعين علشان مانغرقيش علشان طبعا احنا معانا يوسف
33_هل يوجد فرق بين شخصيتك عالمنتدي وشخصيتك عالحقيقه؟
لاااااااااااااا
34_ايه اللي بيدور فبالك دلوقتي وانت قاعد؟ قول بصراحه احنا ستروغطي عليك وحلل واللي تشوفو بردوا
بفكر فى الشغل بكرة يوم الخمعة


35_ايه السؤال اللي اول ما دخلت المحكمه وكنت خايف انو يتسالك ومتسالش؟
مافيش سوال معين خايف منه بس فى اسئلة مش بحب اجاوب عليها بعتبرها حياتى الخاصة
36_اة صحيح
انت من النوع اللي بيعترف بخطؤ ولا لاء؟
لو اقتنعت ان انا غلطان حتى لو الناس كلها مقتنعة ان انا غلطان وانا مش مقتنع عمرى ما هعترف بخطئى ولا هتاسف
37_لو اتعينت رئيس جمهوريه اول قرار هتاخدو ايه؟
حاجات كتير اوى االواحد نفسه يعملها لكن اول قرار منحة لكل الشبا الذين تجاوزه 28عام لم يتزوجوا 30 الف ولا حا جة
38_قرار تتمني ان تنفذو وتغير بيه الزمن؟
دا غير السؤال السابق علي فكرة
ما فيش قرار يستطيع ان يغير مجرى الزمن والتاريخ
39_الفاكهه المفضله ليك؟
التين
40_رايك فكلا من:
الوحدة العربية :


وهم
بوش يتحول نبيا ما رايك فالماقوله دي؟


هى الحداية بتحدف كتاكيت
انك ميت وهم ايضا ميتون ايه رايك فالكلام دا. تفتكر القصد منو ايه؟


القصد منه الرئيس وكلاب السلطة
41_اكتب نبذه عن الاتي:
بطل الحرب والسلام
انور السادات
,محمد علي باشا
,احمد عرابى
,محمد كريم
,حسن البنا
مؤسس جماعه الاخوان المسلمين
, الزعيم مصطفي كامل
,محمد نجيب
اول رئيس جمهوريه


انور السادات :لا يستحق اضاعة وقتى فى الحديث عن هذا السادات ويا ريت محدش يسالنى فى الموضوع دى تانى

محمد على: عرف كيف يحكم المصريين ولكنه كان يحب نفسه اكثر منمصرؤوهو افضل من حكم مصر فى العصر الحديث

احمد عرابى : افشل قائد عسكرى فى التاريخ وعلى فكرة لما راح للخديوى كان يعرض علية مطالب الجيش وليس الشعب وعلى فكرة هو

متربى فى قصر عابدين وبعد ما رجع من المنفى كان الناس يبصقون على وجهه عندما يروه لانه هو من اعطى الفرصة الانجليز

لدخول مصر

حسن البنا : رحمه الله لو كان بيننا الان لتحسر وندم على ما يفعله الخوان اليوم

محمد كريم : كان من كثر الرجال حبا لمصر ولكن المصريين وقتها كان يجهلون حتى معنى كلمة المقاومة

الزعيم مصطفى كامل : كثيرا ما كنت اشك فى وطنيته وحبه لمصر لاننى اعتقد انه كان يحب ويعمل لاجلها فقط

محمد نجيب :كان برفان وغدر به ولم يرحموه الكرسى بيغرى



[/size]

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 23, 2008 8:25 pm

لو ذهبت في رحله الى القمر ومسموح لك ان تاخذ معك عضو واحد فقط من تختار

علاء

2 -
لو في مسابقه من سيربح المليون وفي سؤال المليون طلبت ان تستعين بصديق
من هو هذا الصديق


عصام

3 -
لو انتقلت للاقامه في منزل جديد تحب مين من الاعضاء يكون جارك

عمرو شومان

4 -
لو كنت في طريق صحراوي وتعطلت سيارتك وعندك فرصه واحده للاتصال بمن يساعدك
مــــــــــــــع ارق التحـــــــــيه

من الاعضاء من يكون


مؤمن طبعا

5 -
لو كنت ذاهب الى رحله حول العالم في باخرة تأخذ 4 اعضاء معك من هم
يوسف وعصام وعلاء ونادر


6 -
لو تعرضت الباخرة للغرق ومطلوب انك تقذف واحد من الاعضاء اللي اخذتهم معاك
فمن هو


نادر

7 -
لو معك 3 رصاصات توجهها لمن من الاعضاء
فى واحد اسمه اشراف كووورة الجزائرى دى يا خد التلته ونخلص


8 -
لو كنت قاضي ومطلوب انك تحكم على احد الاعضاء بالسجن المؤبد من هو

على بيبى جو علشان حرمنا منه

9 -
لو كان أعضاء المنتدى في خطر و تقدر تنقذ شخص واحد فقط من الاعضاء تنقذ من
طبعا اخويا يوسف

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 23, 2008 8:34 pm

اهه

فين الاسئله انتو اللى مش ملحقين عليا
ومتشكر يا رونى على اهداءك
وتهنيتك بعيد ميلادى
وعايز على بالليل الاقى اسئلة اسهر عليها
وهاخد براة يعنى ممدوح اسماعيل احسن منى

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شهد
مشرف تحت التمرين
مشرف تحت التمرين
avatar

عدد الرسائل : 1428
العمر : 30
تاريخ التسجيل : 09/07/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة أكتوبر 24, 2008 12:07 am

براءة ايه لسة بدرى

طبعا انت احسن من ممدوح اسماعيل ايدك مش ملطخة بدم الناس

المهم كل سنة وانت طيب

عيد ميلاد سعيد

نبتدى الاسئلة


*****************

1- ماذا يعنى لك الصديق ؟؟؟



2-ما ردة فعلك لو قال لكـ شخص ( أنا أكرهك) ؟؟


3-فـــتاة تتـــعرف عليــها من الــنت ........هل تتزوجها؟؟

4هل إعتذار الرجل من المرأة ينقص من قدره؟؟

5هل تحكم على اي بنت بمجرد النظر الى ملبسها وماهو حد الحشمة عندك...؟؟؟؟

6- مامدى تاثير اصدقائك على طباعك وشخصيتك...؟؟؟؟


7-هل تترُك لحواء حُرية الإختيار أم تفرض عليها رأيُك الخاص؟

8-عِندما تكونُ حواء أعلى رُتبةً مِنك في العمل هل تُنفذ أوامرها أم تستنفر ذلك؟


9-لماذا يلجأ البعض منا لكتمان همومه وأحزانه ....؟

10هل يمكن اصلاح القلب الذى انكسر ؟؟؟

11- ما رأيك فى الفتاة المدخنة ؟؟؟

12 - مااصعب كلمة ممكن تقولها لانسان ؟؟؟ ولماذا ؟

13- كلمة اسف ممكن تقولها ؟ ولو نعم لمين ؟


14 - هاقولك كلمات وانت تكتب لمين تقولها


انتظرك


افتقدك

سامحنى

اكرهك

اذهب الى الجحيم



اودعك

محال نتقابل

15- ماهو الطلب الملح الذي تطمع به من أسرتك ولم يتحقق حتى الآن؟

******************


بص بقى يا ظاظا انا كتبت الاسئلة اللى فاتو ومنعت القلم يسئل عن الحب لكن الفضول ياعزيزى

هاسال اسئلة مش محرجة اوى يعنى

لو مش هتقدر تجاوب بلاش واتسجن بقى


هل الغيرة فى الحب ضعف ؟


ما اهم شيئ بحياتك قلبك ام قلمك ؟

ممكن تدعي على شخص كان بيوم حبيبك ؟؟؟


هل وجدت في حياتك من يفهمك؟

***************


سؤال مهم

رسالة تحب توجهها لحد فى المنتدى تحب تقولها لمين وايه هى

يلا جاوب وليا عودة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة أكتوبر 24, 2008 1:51 am

اانا مش هعلق علي اي حاجه ولا اناقشك في اي اجابه خالص نهايه الجالسه

في حاجه واحدة بس تكبر الخط وانت ب تجاوب

هل تقدر أن تكتب لنا جملة واحدة مفيدة عن
عبد الله بن حذافة السهمي؟
أو أم سلمة؟
أو رابعة العدوية ؟
أو هاشم الرفاعي؟
أو عبد الحميد كشك؟

كم كان عمر الشيخ أحمد ياسين عندما استشهد رحمه الله؟

كان بيعمل ايه؟

مرت عليك هذه الأسماء: القصواء، ذو الفقار، الحاقب عرفنا ايه الاسامي دي؟

كم عدد الصحابة /الصحابيات الذين تقدر أن تحكلنا عنهم تقرير ومن سيرتهم عبر؟

اذكر لنا ما تعرف من أسماء الفواكه والخضار التي ذكرت في القرآن الكريم؟

كم ندوة لـ د. طارق سويدان استمعت؟


جاء في بالك يوم من الأيام إنك تخللي كافر يسلم على إيدك؟أو تهدي عاصي لطريق الصواب؟

عمرك عملت مقارنة بين عدد الأغاني التي تحفظها ومغنيها والاناشيد الدينيه وحفظ القران الكريم؟

من اول مخترع في التاريخ اخترع ميزان الحرارة؟

وانت عامل ايه دلوقتي lol! lol! lol! lol!
نكمل بقي باقي الاسئله

اذكر لنا اشهر 10 اشخاص تاريخيه؟

من هو أول من رسم خريطه العالم ؟

من هو صاحب سر رسول الله صلى الله عليه وسلم؟

كم يبلغ عدد عيون النحلة ؟ geek

من اول من رسم الحمامة كرمز للسلام ؟

من أول رئيس للجمهورية اليمنية بعد قيام الوحدة ؟

لماذا سمي الهنود الحمر بهذا الاسم؟

ماذا تعني كلمة الارجنتين؟

الى من نسبت الدولة الأموية، ومن أول حكامها؟

ماهي أول جريدة صدرت باللغة العربية ؟اللي اصدرها محمد علي باشا علي فكرة بس السنه مش متزكراها اوى احنا عاوزين اسم الجريدةهيا سنه 1838 او 1828

من أول رائد فضاء خرج الى الفضاء الخارجي؟

ماهو الاصل الحقيقي للارقام العربية
1,2,3,4,5........... اصلها ايه هندي , عربي, فارسي

من هو مؤسس مملكة الانسانية المملكة العربية السعودية بلاد الحرمين ؟

لماذا يطلق أحيانا على شبه الجزيرة العربية بالجزيرة العربية مع أن مياه البحر لا تحيط بها من جميع الجهات؟ scratch scratch

ما هي العبادة التي لا يمكن أن يقوم بها أكثر من شخص في وقت واحد ؟

ماهي عاصمة دولة جزر القمر؟ يا قمر lol!

ما هو تعريف الرياء وما حكمه؟


كفايه كدة المرة الجايه نجيب اسئله تانيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
snow white
مشرف تحت التمرين
مشرف تحت التمرين
avatar

عدد الرسائل : 1110
العمر : 32
تاريخ التسجيل : 02/08/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة أكتوبر 24, 2008 2:35 am


انت كمان شخصيه محترمه جدا

وبجد انت فعلا جدير بالاحترام

بس اولا قبل ما اسال احب اهنيك على عيد ميلادك وعقبال مليوووووووووووووون سنه يارب





ا


سنه حلوه يا جميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة أكتوبر 24, 2008 2:50 am

وردة حمرا فارق ايد
وشموع كتير كلها بتقيد
بتقول للقمر عيد سعيد
كل سنه وانت طيب يا باشا
عقبال 100 سنه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rony
مرشح للاشراف
مرشح للاشراف
avatar

عدد الرسائل : 540
تاريخ التسجيل : 05/08/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة أكتوبر 24, 2008 3:14 am

وردة حمرا فارق ايد
وشموع كتير كلها بتقيد
بتقول للقمر عيد سعيد
كل سنه وانت طيب يا باشا
عقبال 100 سنه
lol! lol! lol! lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
snow white
مشرف تحت التمرين
مشرف تحت التمرين
avatar

عدد الرسائل : 1110
العمر : 32
تاريخ التسجيل : 02/08/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة أكتوبر 24, 2008 3:31 am

ثانيا بعد ما كلت التورته ولعبت بالبلالين
نبدا فى الجد بقى

بسم الله الرحمن الرحيم


1- متى بدأت الدخول للانترنت

2 -ايه المجال اللي تحب التكلم فيه .( غير التاريخ طبعا )

3 - هل انت من النوع اللذي يعشق المغامرة؟

4- شخصية تفتقدها في المجتمع

5- جمل بيت شعر اعجبك ؟

5- كلمة شكر تقدمها لمن

6- افضل مدينه اعجبتك جوه مصر وخارجها

7- افضل موضوع اعجبك ؟

8- افضل عضو في المنتدى

9- فى نظرك هل البنت الغير محجبه غير محترمه؟

10- هل مبادرتك بالكلام مع بنت محجبه تختلف مع مبادره كلام مع بنت غير محجبه ؟؟

11- من تحترمها اكثر بنت محجبه ولا بنت تقول انها تصلي ولكن غير محجبه؟؟


12- شخصية تعتز بها ولم تقابلها ؟


13-إذا اهديتك استيكه فماذا تمسح ؟

من التاريخ.......
من القوانين.......
من من الأمثال.......
لك حرية المسح حتى لو عايز تمسح اى شيء فى بالك انا مذكرتهوش

14- من من الأعضاء تقول هذه الكلمات؟

راحت عليـــــــــك !

لو لم تكن ذئباً اكلتك الذئاب !

15- من العضو الذي تعلمت منه الكثير

16- مالذي يعجبك ويجعلك تشتاق الى المنتدى

17 - من العضو الذي حصلك موقف معاه ...(موقف حلو)

18- كلمة تقولها للمشرفين والقائمين على هذا المنتدى

19- ملاحظه ان روحك حلوة فى استقبال الاسئله والجلوس على كرسى الاعتراف ممكن نعرف السبب؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة أكتوبر 24, 2008 5:29 am

اولا احب اشكر كل اللى بعتولى اهداءات

وتهنى بعيد ميلادى وانا حاسس ان اجابتى عجبتكم الحمد لله ضمنت البرأة
نخش على اسئلة الاخت العزيزة شهد

1- ماذا يعنى لك الصديق ؟؟؟
الشخص الذى استطيع الاعتماد عليه وقت الشدة


2-ما ردة فعلك لو قال لكـ شخص ( أنا أكرهك) ؟؟
مش هعلق على كلامه لانى مش هقدر اقنع حد ان انسان كويس

3-فـــتاة تتـــعرف عليــها من الــنت ........هل تتزوجها؟؟
من خلال النت فقط طبعا لا بس لو اتعرفت عليها شخصيا ممكن


4هل إعتذار الرجل من المرأة ينقص من قدره؟؟
الاعتراف بالق فضيلة وبعدين المرأة دى انسان فى الاول والاخر لازم احترمه


5هل تحكم على اي بنت بمجرد النظر الى ملبسها وماهو حد الحشمة عندك...؟؟؟؟
اعتقد ان البنت المحترمه هى اللى متخليش حد يكلم عليها وتجنبوا الشبهات


6- مامدى تاثير اصدقائك على طباعك وشخصيتك...؟؟؟؟
قليل جدا بس لهم تاثير خاصة فى طريقة تفكيرى


7-هل تترُك لحواء حُرية الإختيار أم تفرض عليها رأيُك الخاص؟
نفس الاجابة المراة انسان وله حريته وحقه فى الحياة
اعطاها الله له حتى فى اختياره هو سبحانه وتعالى فكيف اخذ حق قد اعطه الله له


8-عِندما تكونُ حواء أعلى رُتبةً مِنك في العمل هل تُنفذ أوامرها أم تستنفر ذلك
انفذ اوامرها ما دام فى صالح العمل


9-لماذا يلجأ البعض منا لكتمان همومه وأحزانه ....؟
فى بعض الاحيان خشية نظرة عطف من الناس تجرح كبرياه وحتى لا يفهم خطا


10هل يمكن اصلاح القلب الذى انكسر ؟؟؟
طبعا

11- ما رأيك فى الفتاة المدخنة ؟؟
حاجة تقرف

12 - مااصعب كلمة ممكن تقولها لانسان ؟؟؟ ولماذا ؟
انا اسف علشان انا نادرة ما اقتنع ان انا اخطات فى حق احد علشان بحسب كل حاجه قبل ما اعملها

13- كلمة اسف ممكن تقولها ؟ ولو نعم لمين ؟
لمحمد بلال علشان اخطأت فى حقه كتير

14 - هاقولك كلمات وانت تكتب لمين تقولها


انتظرك
ابنى


افتقدك
زميله لى فى الكلية كانت صديقة وافية


سامحنى
الى الله عز وجل


اكرهك
الشخص الذى يعرفنى للمصلحة الخاصة فقط


اذهب الى الجحيم
دز عبد الحليم حسن علشان ادانى 2 من 20 فى الاغريق


اودعك
للاسطى بتاعى واخويا الكبير وصديقى محمد بدر علشان مسافر بره مصر لمدة سنة هيوحشنى اوى


محال نتقابل
مسير الحى يتلاقى


15- ماهو الطلب الملح الذي تطمع به من أسرتك ولم يتحقق حتى الآن
ما فيش طلب معين
هل الغيرة فى الحب ضعف ؟

الانسان اللى مابغيرش مش راجل اصلا بس فى حدود ما لا يخل بالثقة فى الشخص الذى اتعامل معه


ما اهم شيئ بحياتك قلبك ام قلمك ؟
نفسى ثم قلمى ثم قلبى


ممكن تدعي على شخص كان بيوم حبيبك ؟؟؟
اللى يحب شخص اعتقد ان عمره ما هيكره مهما عمل


هل وجدت في حياتك من يفهمك؟
صديقى محمد فتحى
صسؤال مهم


رسالة تحب توجهها لحد فى المنتدى تحب تقولها لمين وايه هى
يلا جاوب وليا عودة
الى مصطفى عصام احب اقوله لحنا كلنا مقصرين ويارب نحاول نعلى بالمنتدى اكتر

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alaapepo
مشرف ممتاز
مشرف ممتاز
avatar

عدد الرسائل : 739
العمر : 35
تاريخ التسجيل : 19/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة أكتوبر 24, 2008 3:11 pm

حبيب قلبى ظاظا

مبروك على المحاكمه والعيش والحلاوه جاهزين ونزورك دايما طول ايام المحاكمه

كل سنه وانت طيب يا باشا

انا بعدك باربع ايام 2/11

انت عارف اسئلتى شكل تانى وليها رد مختلف

انا هستنى للروائه واسالك براحتى

وسيب الشعب يقطع فيك

بس يا جبل ما يهزك ريح

استمر يا بطل بتعجبنى الفلسفه بتاعتك

_________________
اذا كانت السماء تمطر ذهبا فانت تمطر حبا وحنانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shaz0o0z
مرشح للاشراف
مرشح للاشراف
avatar

عدد الرسائل : 607
العمر : 29
تاريخ التسجيل : 18/06/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة أكتوبر 24, 2008 5:32 pm

كل سنة وانت طيب ياااااااااااا zaza
عقبال المية يارب والحياة السعيدة

انا عندي سؤال واحد بس مشان عيك ميلادك :: شو بتتمنى باللحظة يلي رح تطفي فيا الشمع ؟


دلوقت صار دور علااااااااااااااااااااااء
ازيك ؟؟
اخبارك يه ؟؟
كل سنة وانت طيييييييييييييب يارب وعقبال المية كمان وعقبال ما نشوف الاعضاء كلهن معريسين يارب lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأحد أكتوبر 26, 2008 7:16 pm

انا اسف على التأخير بس والله الجهاز هو اللى بايز بقالوا يومين
يوسف ياعينى عمال يثتب ويندوز وطالع عينه
متشكر جدا ليك يا شذا وانت يا لورد وكل سنة وانت طيب
نخش على اسئلة اسوهل تقدر أن تكتب لنا جملة واحدة مفيدة عن
عبد الله بن حذافة السهمي؟
أو أم سلمة؟
أو رابعة العدوية ؟
أو هاشم الرفاعي؟
أو عبد الحميد كشك؟
رابعه العدوية كانت تعيش فى عصر الخليفة العباسى هارون الرشيدى وكانت ذاهدة وهى من ائمة الصوفين وقد التف حولها الناس حتى تعجب الرشيد من هذا وبداية حياتها كانت مليئة بالشبهات والله اعلم

كم كان عمر الشيخ أحمد ياسين عندما استشهد رحمه الله؟
82سنة تقريبا
كان بيعمل ايه؟
الزعيم والاب الروحى لحركة المقاومة الاسلامية حماس

مرت عليك هذه الأسماء: القصواء، ذو الفقار، الحاقب عرفنا ايه الاسامي دي؟
ذوالفقار هو سيف رسول الله واخذه منه يوم احد الصحابى الجليل ابو دجانة
اما الباقى فشكلهم برضه اسماء سيوف

كم عدد الصحابة /الصحابيات الذين تقدر أن تحكلنا عنهم تقرير ومن سيرتهم عبر؟
مش هقدر قول كام بالظبط بس كتير واكتيرهم مقتفات بسيطة

اذكر لنا ما تعرف من أسماء الفواكه والخضار التي ذكرت في القرآن الكريم؟
التين والزيتون التمر والرطب والبصل والفول والبقوليات

كم ندوة لـ د. طارق سويدان استمعت؟
لا تتعدى صوابع اليد الواحدة

جاء في بالك يوم من الأيام إنك تخللي كافر يسلم على إيدك؟أو تهدي عاصي لطريق الصواب؟
اخلى كافر يسلم لا ماجتش دى انما احاول اهدى عاصى كتير

عمرك عملت مقارنة بين عدد الأغاني التي تحفظها ومغنيها والاناشيد الدينيه وحفظ القران الكريم؟
عملتها طبعا الاغانى اكتر

من اول مخترع في التاريخ اخترع ميزان الحرارة؟
انا مالى بيه اعرفه لية

اذكر لنا اشهر 10 اشخاص تاريخيه؟
السوال صعب جدا وليه جوانب كتيرة انا مش عارف بالظبط انت عايزة الاجابة من انى زاوية من وجهة نظرى ولا اية قولى فكرتك وارد عليكى المرة القادمة

من هو أول من رسم خريطه العالم ؟
العالم العربى المسلم الادريسى وعلى فكرة رسمها بالشقلوب يعنى اتجاة الجنوب اعلى الرسمة والشمال العكس اناشوفتها على فكرة ورسم العالم القديم فقط اسيا وافريقيا واوروبا ورسمها لحاكم ايطالى

من هو صاحب سر رسول الله صلى الله عليه وسلم؟
حذيفة ابن اليمان

كم يبلغ عدد عيون النحلة ؟
5 عيون
من اول من رسم الحمامة كرمز للسلام ؟
بيكاسو

من أول رئيس للجمهورية اليمنية بعد قيام الوحدة ؟
على عبدالله صالح

لماذا سمي الهنود الحمر بهذا الاسم؟
علشان كولومبس اعتقد انه وصل الى الهند عندما وصل الى امريكا ووجد شعبها احمر الوجه مثل حمرة الشمس فاطلق عليهم هذا الاسم

ماذا تعني كلمة الارجنتين؟
ارض الفضة

الى من نسبت الدولة الأموية، ومن أول حكامها؟
امية بن خلف جد معاوية ,واول خلفاءها هو معاوية ابن ابى سفيان
,واخرهم مروان بن محمد الذى قتل فى مصر وكان عددهم 14 خليفة اشهرهم عمر بن عبد العزيز

ماهي أول جريدة صدرت باللغة العربية ؟اللي اصدرها محمد علي باشا علي فكرة بس السنه مش متزكراها اوى احنا عاوزين اسم الجريدةهيا سنه 1838 او 1828
الوقائع المصرية اعتقد سنة 28

من أول رائد فضاء خرج الى الفضاء الخارجي؟
والله مش عارفة انا اعرف يورى جاجارين اوا من دار حول الارض ونيل ارمستورنج اول واحد هبط على سطح القمر

ماهو الاصل الحقيقي للارقام العربية
1,2,3,4,5........... اصلها ايه هندي , عربي, فارسي
اعتقد انه لا فارسى لان الفارسى يك ودو سى
ولا هندى هى عربى

من هو مؤسس مملكة الانسانية المملكة العربية السعودية بلاد الحرمين ؟
عبد العزيز ال سعود سنة 32

لماذا يطلق أحيانا على شبه الجزيرة العربية بالجزيرة العربية مع أن مياه البحر لا تحيط بها من جميع الجهات؟
لان الرافدين مع البحر الميت تقريبا يسده الجهة الرابعة

ما هي العبادة التي لا يمكن أن يقوم بها أكثر من شخص في وقت واحد ؟
لا عرفها
ماهي عاصمة دولة جزر القمر؟ يا قمر
اسمها مورونى عرفتها من واحد من البلد التعبانةدى كان عمال يشتم ويتريق على مصر والمصريين

ماهو تعريف الرياء وما حكمه؟
الرياء هو ان يكون العمل لغير الله للمنظرة مثلا امام الناس وحكمه ان العبد المترائى لا يجازى على عمله

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأحد أكتوبر 26, 2008 7:24 pm

iونجى لاسئلة سنو
1- متى بدأت الدخول للانترنت
من 7سنين تقريبا بس كان قليل جدا وغير مفيد لكن من 7اشهر فقط استخدمته بشكل شبه يومى واستخدام جاد

2 -ايه المجال اللي تحب التكلم فيه .( غير التاريخ طبعا )
فى السياسة

3 - هل انت من النوع اللذي يعشق المغامرة؟
طبعا ويفوز بالملذات كل مغامرى

4- شخصية تفتقدها في المجتمع
الشيخ الشعراوى رحمه الله

5- جمل بيت شعر اعجبك ؟
كل رباعيات صلاح جاهين تقريبا وهقول منها
مرغم عليك يا صبح مغصوب ياليل
لا دخلتها برجليا ولا كان لى ميل
شايلنى شيل دخلت انا فى الحياة
وبكرة هخرج منها شليلنى شيل

5- كلمة شكر تقدمها لمن
الى القدر

6- افضل مدينه اعجبتك جوه مصر وخارجها
جوه مصر انا بحب القاهرة اوى ,بره مصر انا مخرجتش بره لكن نفسى اعيش فى لندن

7- افضل موضوع اعجبك ؟
المسابقة الرمضانية اسنو وايت
8- افضل عضو في المنتدى
سنو وايت

9- فى نظرك هل البنت الغير محجبه غير محترمه؟
مش دايما بعض المجبات ألعن من الغير محجبات ولكل قاعده شواذ

10- هل مبادرتك بالكلام مع بنت محجبه تختلف مع مبادره كلام مع بنت غير محجبه ؟؟
مش بتفرق معايا اوى

11- من تحترمها اكثر بنت محجبه ولا بنت تقول انها تصلي ولكن غير محجبه؟؟
اعتقد ان دى يبقى تناقض وانا لا احب هذا التناقض
هحترم البنت التى تعبر عن الذىبداخلها بصدق

12- شخصية تعتز بها ولم تقابلها ؟
احمد فؤاد نجم شاعرنا الكبير

13-إذا اهديتك استيكه فماذا تمسح ؟

من التاريخ.......
معاهدة السلام

من القوانين......
.الشقة من حق الزوجه

من من الأمثال.......
ادى الحلق للى بالى ودان علشان حرام

14- من من الأعضاء تقول هذه الكلمات؟

راحت عليـــــــــك !
الهدوء المزعج

لو لم تكن ذئباً اكلتك الذئاب !
علاء بييبو

15- من العضو الذي تعلمت منه الكثير
عصام وعلاء وسنو وامين

16- مالذي يعجبك ويجعلك تشتاق الى المنتدى
مافيش اكتر من ان انا من اول 3 شوفتة واعدت وجربته وفكرت وكتبت فية

17 - من العضو الذي حصلك موقف معاه ...(موقف حلو)
نانو وعمرو شومان اعدنا مع بعض يومبن فى الاسكندرية كانوا من اجمل ايام حياتنا وحصلت مواقف كتير حلوة ما ينفعش تتحكي كلها
بس اللى ينفع يتحكى مرة كان بقى تقريبا 50 ساعة ما نمناش ونزلنا البحر الصبح بدرى فنمنا كلنا ع الشاطى

18- كلمة تقولها للمشرفين والقائمين على هذا المنتدى
كلكم ناس محترمه جدا وياريت تكون معرفة وتلاقى مفيدة

19- ملاحظه ان روحك حلوة فى استقبال الاسئله والجلوس على كرسى الاعتراف ممكن نعرف السبب؟؟؟؟
لان انا انسان صريح جدا ومقتنع بكل ارائى واختياراتى ولدى حجة لما اقول

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شهد
مشرف تحت التمرين
مشرف تحت التمرين
avatar

عدد الرسائل : 1428
العمر : 30
تاريخ التسجيل : 09/07/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأحد أكتوبر 26, 2008 10:26 pm

ولينا عودة مع ظاظا من تانى

هل يسمح المتهم ببعض الاسئلة


*******

1كيف تكون أسعد الناس ؟؟؟

2- بماذا تفكر؟؟؟

3-_بماذا تقر وتعترف أمامنا الان ؟

4-هل ترضى أن يصارحك أحد بعيوبك ؟؟؟

5هل تستطيع التحكم فى مشاعرك ؟؟

6-صف لنا صورتك فى عملك فى نظر زملاؤك ؟ ووهل انت راض عنها ؟


7- احكى لنا موقف كرهت فيه نفسك ولن تنساه ؟

8- سؤال سياسى

ماذا تعنى لك كلمة وطن ؟ وماذا فعلت لاجل وطنك؟



9-هل لايشترط التوافق المادي بين المتحابين ام لا ؟

10-هل يشترط أن يسبق الحب الزواج ؟


11-هل يعني الحب الثقة العمياء في الطرف الآخر ؟

كفاية دول وليا عودة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الإثنين أكتوبر 27, 2008 1:03 am

سماح طالما كان غصب وبسبب الجهاز

اذكر لنا اشهر 10 اشخاص تاريخيه؟
ممكن تقول اشهرهم
الاسامي او نبذه مختصره عن كل واحد
اشهر 10 اشخاص السؤال موضح نفسو,,,اي 10 يعجبوك بس يكونو مشهورين
وانا هرجع تاني علشان الاسئله الجديدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alaapepo
مشرف ممتاز
مشرف ممتاز
avatar

عدد الرسائل : 739
العمر : 35
تاريخ التسجيل : 19/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الإثنين أكتوبر 27, 2008 1:38 am

يا حبيب قلبى انا داخل امسى عليك بس وخارج

شد حيلك شويه وجاوب على الاسئله السهله دى

الصعب جاى فى الطريق

وشكرا على نصيحه الذئب يا باشا

وكله بتوجيهات سعتك

_________________
اذا كانت السماء تمطر ذهبا فانت تمطر حبا وحنانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الثلاثاء أكتوبر 28, 2008 2:53 am

انت فين يا باشا

كل يومين اجي ادور عليك كدة
ميكرفون وعاملين قلق للجماعه اللي هنا
كل شويا تختفي,, ولا بتجهز لحفله عيد ميلادك ومشغول
طب ابقي شوفنا باي هديه من اللي هيجولك اي حاجه كدة ولا كدة

جاوب عالاسئله علشان نحط غيرها
انت شكلك عاوز تتحبس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 30, 2008 1:37 am

ونيجى لااسئلة شهد وطبعا اسف على التاخير
اكيد انتوا قريتوا الخبر والله بقالنا كلنا يومين
الحمد لله قدر الله وما شاء فعل
الحمد لله قدر الله 1كيف تكون أسعد الناس ؟؟؟
اكون اسعدهم عندما اصل الى حالة الرضى بالله سبحانه وتعالى وقدره وعلى فكرة كنت فى الحالة دى فى اواخر رمضان وكنت سعيدا جدا وتذكرت اشياء كثيره حدثت لى كنت احسبها شرا لكن الحمد لله على السراء والضراء وعسى ان تكرهوا شيئا وهو خيرا لكم

2- بماذا تفكر؟؟؟
افكر فى كيفية اختيار اقصر الطرق التى تصل بى الى ما اثبو اليه

3-_بماذا تقر وتعترف أمامنا الان ؟
اننى اخطأت كثيرا فى حق نفسى وفى حق الله سبحانه وتعالى

4-هل ترضى أن يصارحك أحد بعيوبك ؟؟؟
اكيد

5هل تستطيع التحكم فى مشاعرك ؟؟
ما هى دى مشكلتى ان انا كتوم جدا وقد اكون انسان بارد وحاد المشاعر وبتخلى الناس تشك فيه هو انا كدا ولا كدا ومشكاتى ان انا بتعامل بعقلى وبفكر كتير

6-صف لنا صورتك فى عملك فى نظر زملاؤك ؟ ووهل انت راض عنها ؟
بصى بقى الاول لازم تعريفى ان انا بشتغل فى صنعة مع صنايعى تقريبا كلهم مستوهم الفكرى والتعليمى معدوم زمان كنت بشتغل فى ورشه وكنا 6او 7 بس فى الورشه فكان التعامل سهل
بس لما اشتغلت فى المعمار بتعامل مع ناس اكتر الورشه زمان قبل ما شخصيتى تبان وتتكون انما المعمار لما شخصيتى تكونت بشكل معين وبقى لية اسلوبى الخاص واجهتنى مشاكل كتير فى التعامل مع الناس دى بس اخترت ناس معينة اشتغل معاهم هما اللى انا لقيت فية توافق بينا مش هكدب واقول ان انا قدرت ان اتعامل مع الناس بنجاح ممكن اكون ادرت اسايس امورى بشكل كويس واستخدمت فكرتى عن العاقل الذى يستطيع ان يسايس اموره انا عملت كدا انا طولت بس انا كان نفسى من زمان قول الكلام دى عموما الحمد نظرت الناس لية بيحترمونى جدا ومقدرين الاختلاف فى الشخصية وبتعملوا معايا كويس انا عايز قولك انا الناس اللى انا شغال معاهم تقريبا كل يوم معاهم فى البيت عندهم بعد مع العائلة كلها وبتفسح معاهم ومعهم اخواتهم البنات وزوختهم والناس دى بيحترمونى ويعزونى ويثقوا فيل اوى باختصار الحمد لله الناس فى الشغل بيحترمونى والحمد لله وطبعا راضى تماما على نظرة زملائى فى العمل

7- احكى لنا موقف كرهت فيه نفسك ولن تنساه ؟
مرة اختلفت مع والدى وترك البيت المشكلة مش فى كدة المشكلة ان امى عندها السكر وكانت هتخش فى غيبوبة بس الحمد لله دا الموقف اللى انا كرهت نفسى فية لان انا كنت غبى فى اللى انا عملته الموضوع ما كنش يستاهل اصلا

8- سؤال سياسى
ماذا تعنى لك كلمة وطن ؟ وماذا فعلت لاجل وطنك؟

وطنى هو المكان اللى فبه اهلى وناسى وتاريخى وهويتى
لم افعل له الكثير بس ان الله لا يغير ما بقوما حتى يغيروا ما بانفسهم هو دى مبدأى بحاول اغير من نفسى الاول وارضى ضميرى

9-هل لايشترط التوافق المادي بين المتحابين ام لا ؟
بصى من الاخر الفوارق لها وجود واحنا مش ملائكة خلينا واقعين الحب ما بيعيش طول العمر التربية والنشاة والمستوى هو الذى يبقى

10-هل يشترط أن يسبق الحب الزواج ؟
على الاقل تعارف وقبول

11-هل يعني الحب الثقة العمياء في الطرف الآخر ؟
طبعا

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 30, 2008 1:42 am

ماشى يا اسو هقولك من وجهتى نظرى المتواضعة اشهر 10شخصيات على مر التاريخ بس الاول
انا هخترهم على اساس التأثير فى االبشرية وتاريخهم او تأثير على الاسلام او مصر
وشخصية واحده هى اللى غريبه شوية
1_محمد (ص) مش انا اللى هتكلم على تاثير سيدنا محمد على البشرية كلها والمسلمين
2_ اينشتين : مخترع القنبلة النووية
3_كارل ماركس :صاحب الافكار الشيوعية والاشتراكية
4_كريسوفر كولومبس :مكتشف الامريكتين
5_هتلر :المتسبب فى الحرب العالمية الثانية
دول الخمسة الاكثر تاثيرا فى تاريخ البشرية نخش على العالم الاسلامى واخترت :
6_ صلاح الدين الايوبى : اخر من استطاع ان يلم شمل المسلمين فى مواجهة عدو واحد وهو الصليبين
ونيجى لمصر
7_تحتمس الثالث :معلش هى غريبة شوية بس برضة مش هو اللى انا قولت عليه المهم لية الرجل دى
الرجل دى حكم مصر اكثر من 70 عام كانوا اكثر السنوات رخاءا فى تاريخ مصر وصاحب اكبر واول امبراطورية فى التاريخ واول من عرف معنى الامن القومى والبعد الاستراتيجى الذى عرفه العالم فى القرن العشرين
واول مصرى يخرج لملاقة الاعداء خارج مصر وهو من اشهر القادة العسكرين فى التاريخ ومعركته مع الحيثين خير دليل على ذلك ياريت تقراه عنه يستحق
8_محمد على الكبير : صاحب اهم اطروحه فى بناء مصر الحديثة ولولا المتربصين اتغير مجرى التاريخ فى مصر والمنطقة كلها
9_جمال عبد الناصر :جمال العزه والفخر مش هينفع اتكلم عنه علشلن هتكلم كتير اوى
10_محمد محمد محمد ابو تريكة : هو ده الغريب
الحقيقة انا دورت على واحد تانى يكون العاشر لم اجد احدا احق منه
هو الرجل الذى غير كل المفاهيم للاعب الكره وللرجل وللمسلم وللمصرى وادخل البسمه والفرحه فى قلوب الملايين
هو يستحق ان يكون من اشهر واهم الناس فى تاريخ مصر كلها
اللى مستغرب شخصية من دول او مش فاهم انا اخترته لية الشخصيه دى يبعت يقولى

ما يكسفش انا زى اخوكوا الكبير
اسو انا عايزك تميدلى يومين او تلاتة علشان اعود اليومين بتوع الجهاز
واليومين اللى فاتوا وانشاغلنا بوفاة والدة عمرو بيبسى
وعلشان فى ناس كتير ما بعتوليش لسة

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tito
مشرف ممتاز
مشرف ممتاز
avatar

عدد الرسائل : 858
العمر : 34
تاريخ التسجيل : 17/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 30, 2008 2:41 am

ظاظااااااااااااااااا
حبيبى
عامل ايه فى المحكمة
شد حيلك
السجن للجدعان
معلش اتاخرت عليك بس انت عارف انا برجع بيتنا امتى
مبلحقش افكر فى اسئلة
المهم يا باشا
خد عندك

1- من خلال تعاملى معاك بحس دايما انك كاره العصر اللى انت عايش فيه
قولى كلامى ده صح ولا غلط؟ ولو كارهه العصر ايه اللى مضايقك فيه؟

3- فى مرة كنت بتفرج علي برنامج فى التليفزيون لقيتك معدى من قدام الكاميرا
وكان ماشى معاك واحده لابسة احمر
مين دى
وليه لابسة احمر؟

3- كلنا عارفين ان يوسف هو اخوك الكبير
امتى بتحس انك حظك من السما ان ده اخوك الكبير
وامتى بتحس انه عملك الاسود اللى عملته فى الدنيا؟؟؟

4- سمعنا انك مخنوق من المنتدى حبتين وانه مش هو الفكرة اللى كنت متخيلها
اشرح العبارة السابقة بالتفصيل الممل

5- طبعا كلنا دلوقتى سمعنا الرأى اللى مش عاجبك فى المنتدى
طب ليه مفكرتش انك بأسلوبك تدخل فى وسط الناس وتنشر افكارك اللى انت كنت بتسعى ليه
من وجهة نظرك هل انت مقصر فى حق المنتدى
اختر من بين الاقواص ( نعم - فعلا - اكيد )
وياريت تشرح الاجابة وتقول انت مقصر فى ايه
بعد كده تعترف بجريمتك وتقول خلاص حرمت مش هبعد عن المنتدى تانى Smile Smile


6- بما انك سياسى محنك زى اخوك الكبير
ايه رأيك فى عهد ما بعد الرئيس مبارك
يعنى الريس ده بشر لو مات ايه اللى هيحصل فى الفتره اللى هيكون مصر فيها من غير رئيس
وفى توقعك مين الرئيس القادم لمصر
وتوقعاتك لعصر الرئيس القادم هيكون عامل أزاى
ولو بأيدك انت تحدد رئيس جمهورية بعد الرئيس مبارك تختار مين
وليه.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

7- أسئلك سؤال تاريخى بقى من نفسى
مدبحة المماليك عام 1811
عجبتنى قوى دماغ محمد على لما عزم المماليك على العشا كلهم وكان عاملهم كمين
وقفل عليهم الباب ودبحهم
انا عايز بقى شرح للعزومة دى بالتفصيل
من ساعة ما أتصل ب الريس بتاع المماليك وقاله هات المدام وتعالى اتعشوا عندنا
لحد ما قفل الباب وقالهم اوعى تفتكرونى ملك ابن ناس لا ده انا ملك صايع
وقعد يدبح فيهم
اوعى تكون فاكرنى بهزر
لا والله بجد انا كنت عايز اعرف تفاصيل القصة لو عندك ليها تفاصيل

_________________
كل عين تعشق حليوه وانتى حلوه فى كل عين ** يا حبيبتى انا قلبى عاشق واسمحيلى بكلمتين ** كلمتين يا مصر يمكن هما اخر كلمتين** حد ضامن يمشى امن او مأامن يمشى فين؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مقدمه واسئله الضيف الرابع,,عالم التاريخ(ظــــاظــــــــا)
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
افتحى الشبابيك يا مصر واسمعى كلمة شبابك :: الشباك العام :: محكمة شبابيك-
انتقل الى: