افتحى الشبابيك يا مصر واسمعى كلمة شبابك

عبر عن رايك بصراحه واحنا معاك هنقول بحماس افتح شباكك قول رايك يمكن كلمة تغير ناس
 
الرئيسيةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» فساتين خطوبة
الخميس يوليو 07, 2011 12:57 am من طرف الله ربى والاسلام دينى

» لفات طرح جديدة
الخميس سبتمبر 23, 2010 9:59 pm من طرف الله ربى والاسلام دينى

» عظه لكل فتاه
الجمعة سبتمبر 17, 2010 8:53 pm من طرف الله ربى والاسلام دينى

» بنت لا تتجاوز السنتين (شوفو المعجزة)
الجمعة سبتمبر 17, 2010 6:03 pm من طرف الله ربى والاسلام دينى

» نصائح لجمالك
الخميس سبتمبر 16, 2010 11:11 pm من طرف الله ربى والاسلام دينى

» اختر من 1 الى 20 وشوف حظك
الخميس سبتمبر 16, 2010 9:46 pm من طرف الله ربى والاسلام دينى

» بيقولو كلام بنات.....!
الخميس سبتمبر 16, 2010 8:39 pm من طرف الله ربى والاسلام دينى

» هى دية حقيقة البنت
الخميس سبتمبر 16, 2010 8:30 pm من طرف الله ربى والاسلام دينى

» اعرفي اسم شريك حياتك قبل مايجي
الخميس سبتمبر 16, 2010 8:17 pm من طرف الله ربى والاسلام دينى

الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 مقدمه واسئله الضيف الرابع,,عالم التاريخ(ظــــاظــــــــا)

اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس أكتوبر 30, 2008 2:47 am

ماشي يا سيدي بدل ما تخلص الخميس تخلص علي الاحد
حلو كدة
يوم زيادة من عندي
بس انت تدخل يا باشا وتستمر
اي خدعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 36
تاريخ التسجيل : 17/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   السبت نوفمبر 01, 2008 3:45 am

اولا بحب اهنيك على اجاباتك الجامدة دة
براءة ان شاء الله
1 .انت ليه عصبى زيادة عن اللزوم ؟ ومش شايف ان عصبيتك دة بتزعل ناس كتير منك؟
2. طبعا انت الاخ الاصغر لينا مبسوط ولا كان نفسك تبقى الاكبر او يبقالك على الاقل اخ اصغر منك؟
3. اخوك الكبير د / امام بيمثلك ايه ؟
4. اكتب فيما لايزيد عن سطر عن هؤلاء الاشخاص
اولا داخل اشله
مصطفى عصام
علاء رضا
محمد امين
نادر
محمد جودة
يوسف بلال
عمرو شومان
ثانيا خارج الشله
جمال مبارك
احمد عز
هشام طلعت مصطفى
حسن شحاته
محمد حسنين هيكل
معمر القذافى
عمرو خالد

5. من هو اقرب الاصدقاء الى قلبك ؟
6 . من هو الاسواء من وجهه نظرك ؟ السؤال واضح طبعا الاسواء عموما واختر شخصيه تعليقا على كلامك
7. كلمنا عن شخصيه رخمه انت مش طايقها ولكن مجبر على التعامل معاها؟
8. من هو كاتبك المفضل ؟ وايه هو اخر كتاب قريته ؟ وايه هى المجالات اللى بتحب تقراها.

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأحد نوفمبر 02, 2008 1:31 am

اذيك ياعصام والله بفرح لما بشوفك
اسئلتك طويلة ومملةبس طعمها مختلف ومكلفة نجاوب بقى
من خلال تعاملى معاك بحس دايما انك كاره العصر اللى انت عايش فيه
قولى كلامى ده صح ولا غلط؟ ولو كارهه العصر ايه اللى مضايقك فيه؟
طبعا كلامك صح كارهه علشان الضغوط الموجود على الناس عارف اغنية عبد الباسط الاخيرة بتاعة كبرت فجأة انا اول ما سمعتها عيت الناس كلها مش انا بس كبروا من الضغوط الموجودة بص الناس فى الشوارع يا عصام كلهم بصين فى الارض ضهرهم انحنا مافيش حد بيبص على حد اغلب الناس شغالين شغلانه او اتنين انت نفسك شغال كام شغلانة انا طالب اى اللى يخلينى بشتغل الشغلة دى لو انا زمان من عشر سنين بس كنت هبقى طالب عادى واخلص كلية وهشتغل بعد ما خلص كلية عادى خالص وانا بشتغل كتير فى المدن الجديدة الغريب ان كلها فلل اللى يشوفها يحس ان مصر كلها اغنيه اللى يضيقك اكتر ان الناس كلها ما عندهاش ضمير ولما تقولهم الضمير يرد يقولوا احنا سمعنا الكلمة دى فين قبل كدة الزمه والمشكاة واللى مكرهنى فى حال البلد الناس نفسهم حاسس انهم ارتضوا باللى هما فيه
3- فى مرة كنت بتفرج علي برنامج فى التليفزيون لقيتك معدى من قدام الكاميرا
وكان ماشى معاك واحده لابسة احمر
مين دى
وليه لابسة احمر؟
لية التشريد دى يا عصام ياعم الحكاية ومافيها احنا كنا فى الامتحانات وبعد ماخلصنا الامتحان راحنا انا والبنت دى نوصل بنت للباب الرئيسى بس واحنا رجعين ودخلين اداب تانىكان فى مذيعة وبتسجل احنا ماكناش شايفنها وجينا فى الكاميرا وبعد ما عديناها فى رجل قالى تعالى سجل فطبعا رفضت علشانها متكسفش بس يا سيدى وبعدين كانت لابسه بلوزه حمرا عادى يعنى متخليش الناس تفتكر حاجه وحشة
3- كلنا عارفين ان يوسف هو اخوك الكبير
امتى بتحس انك حظك من السما ان ده اخوك الكبير
وامتى بتحس انه عملك الاسود اللى عملته فى الدنيا؟؟؟
بحس ان حظى من السما انه اخويا لما عارفنى عليكوا علشان انتوا شباب زى العسل وبجد كنت فارحن بيكوا اوى يوم فرح اخويا ولولاكوا لا كان مافهوش اى حد تقريبا ولا رقص ولا اى حاجة
عملى الاسود اخر الشهر لانة دايما بيخلص مرتبه يوم 25 بالكتير ويخش عليا مش عارف اعملوا اية
4- سمعنا انك مخنوق من المنتدى حبتين وانه مش هو الفكرة اللى كنت متخيلها
اشرح العبارة السابقة بالتفصيل الممل
ياعم انا مش عايز اكبر الموضوع بس الحكاية ان انا كان نفسى يبقى المنتدى جديد لينا راى ودى شعارنا وكان نفسى كل مشرف على الاقل كل اسبوع يكتب بايده حاجه لكن اللى حصل ان المنتدى بقى كل مواضيعه منقول من منتيدات ومواقع اخرى والخوف وجمهورية عبده وانت فتهم والهيلفه اللى اعدت فترة دى بوجهه عام لكن اللى حصل معايا كمان زود التين بلى مواضيعى اللى اتشالت واللى ما اتقريتش فحسيت ان انا فى وادى والناس كلها فى وادى تانى بمنتهى البساطة وغير كده انا فترات كتيرة اوى مش ببقى فاضى فيها بسبب الشغل
5- طبعا كلنا دلوقتى سمعنا الرأى اللى مش عاجبك فى المنتدى
طب ليه مفكرتش انك بأسلوبك تدخل فى وسط الناس وتنشر افكارك اللى انت كنت بتسعى ليه
من وجهة نظرك هل انت مقصر فى حق المنتدى
اختر من بين الاقواص ( نعم - فعلا - اكيد )
وياريت تشرح الاجابة وتقول انت مقصر فى ايه
بعد كده تعترف بجريمتك وتقول خلاص حرمت مش هبعد عن المنتدى تانى
واللهى العظيم وباذن الله مش هبعد تانى عن المنتدى وانا كنت فعلا مقصر فى حق المنتدى واستسلمت بسرعة لكن باذن الله مش هبعد لان المنتدى دلوقتى اقرب مايكون من تصورى الاول عنه والفترة القادمه باذن الله يبقى احسن طول ما فى شباب زيكوا موجودين فيه

6- بما انك سياسى محنك زى اخوك الكبير
ايه رأيك فى عهد ما بعد الرئيس مبارك
مستقبل مجهول صعب التنبا بيه
يعنى الريس ده بشر لو مات ايه اللى هيحصل فى الفتره اللى هيكون مصر فيها من غير رئيس
بص يا درش علشان ما طواش عليك المستقبل السيلسى المصرى بعد حسنى مباركط مجهول تماما حتى الامريكان نفسهم مش عارفين وتوقعهم انه حاجه من التلاتة لاما رجل اعمال او اخوان او الجيش احساسى لو انتقال سلمى هيبقى رجل من رجالات الحزب اين كان من هو ولو اضطرارى بوفاة الرئيس هيبقى الجيش وربنا يستر على البلد بس المصريين بيعرفوا يتفقوا بسرعة ويلموا نفسهم مش عايزين نقلل وخلوها على الله
اكدب عليك لو قلت اعرف
وفى توقعك مين الرئيس القادم لمصر
مش شايف حد ينفع يكون رئيس
وتوقعاتك لعصر الرئيس القادم هيكون عامل أزاى
احاسسى هيكون افضل
ولو بأيدك انت تحدد رئيس جمهورية بعد الرئيس مبارك تختار مين
وليه.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا بحب اسامه الغزالى حرب علشان رجل محترم له وجهة نظر استطاع الاعتراض على الحزب الوطنى مع انه كان احد اعضائه

7- أسئلك سؤال تاريخى بقى من نفسى
مدبحة المماليك عام 1811
عجبتنى قوى دماغ محمد على لما عزم المماليك على العشا كلهم وكان عاملهم كمين
وقفل عليهم الباب ودبحهم
انا عايز بقى شرح للعزومة دى بالتفصيل
من ساعة ما أتصل ب الريس بتاع المماليك وقاله هات المدام وتعالى اتعشوا عندنا
لحد ما قفل الباب وقالهم اوعى تفتكرونى ملك ابن ناس لا ده انا ملك صايع
وقعد يدبح فيهم
اوعى تكون فاكرنى بهزر
لا والله بجد انا كنت عايز اعرف تفاصيل القصة لو عندك ليها تفاصيل
قصة طويل فحط
الموضوع ان محمد على لما مسك مصر كانت البلد بها اربعة فرق او احزاب العثمانين والانجليز والمماليك والقوى الجديده صاحبت الفضل علية الزعامه الشعبية بقيادة عمر مكرم
وبعد ان جاء الى الحكم بسنه عزله السلطان العثمانى ولكن القوى الشعبية وقفت بجانبة فاحس انه اقوى من العثمانين ننركز على المماليك والنجليز المتحلفين
جاءت حملة فريزر وهزمت زى ما عارفين وانتهى دورهم وزعماء المماليك الالفى والبرديسى كانوا قد توفوا قبل الحمله
كده فاضل الزعامه الشغبية والمماليك استطاع بفضل الدهاء وسياسة الوقيعةان يدس السم فى جسد القوى الجديده واستطاع ان يوقع بين عمر مكرم واتباعه من المشايخ والعلماء ونفى عمر مكرم الى دمياط تبقى المماليك
هم الان ضعاف جدا لا وجود لزعماء اقوياء مثلا البرديسى والالفى ولا حلفاء مثل الانجليز فالقصة المعروفة انه دعاهم بحجه مناقشه امرو الدولة وطريقة دفع الضرائب وعلى الباب اخذ اسلحتهم وغلقت الابواب وذبحهم جميعا طبعا طريقة القتل مش معروفه ولا حتى حد عارف فى حد نجى ولا لا
الفكرة كلها ان محمد على عندما اتى الى مصر كان يريد ان يصنع لنفسه مجدا وملكا عظيم ووجد ان وجود هذه القوى والفرق المختلفة سوف تحد من قوته ونفوذه واطروحه عمله فكان لابد من تصفية هذه القوى ثورة تصحيح تسميها ممكن تأمين الجبهه الداخلية ممكن انفراد بالسلطه جايز لكن هو عنده حق مش هقدر احكم وفيه فى البلد من هو اقوى منى [/size][/size]

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأحد نوفمبر 02, 2008 2:03 am

حمد الله على السلامه انت فبن من زمان ما علينا يالا بينا
اولا بحب اهنيك على اجاباتك الجامدة دة
براءة ان شاء الله
1 .انت ليه عصبى زيادة عن اللزوم ؟ ومش شايف ان عصبيتك دة بتزعل ناس كتير منك؟
يا عم يوسف انا مش عصبى ولا حاجة انا بس بتخنق بسرعة اوى وماليش طولت بال واللى بيضيقنى وبيخلى الناس تفتكر ان انا عصبى ان الناس بتعمل حاجات بالنسبة ليه خطوط حمرا لا يمكن تجاوزها ابدا
لما الناس بتعملها لازم اضايق وبالذات من الناس القريبين منى واالمفروض انهم فهمينى وفهمين اه اللى بيضيقنى
بس دلوقتى انا مش ذى الاوزل انا والحمد لله هديت كتير
2. طبعا انت الاخ الاصغر لينا مبسوط ولا كان نفسك تبقى الاكبر او يبقالك على الاقل اخ اصغر منك؟
والله مبسوط ان انا لية اخوات كبار بس كان نفسى يبقى ليه اخ صغير علشان لما اكون مضايق اضرب فيه
3. اخوك الكبير د / امام بيمثلك ايه ؟
بيمثلى القدوه والمثل والاخ والاب وكل حاجه اتعلمتها فى حياتى كان ليه دور فيها
4. اكتب فيما لايزيد عن سطر عن هؤلاء الاشخاص
اولا داخل اشله
مصطفى عصام:لازل فة جعبته الكثير ونفسى فى القصيده ايها نفسى تكتبها وما تخفش وخليها على الله
علاء رضا :كان نفسى اعرفك من زمان
محمد امين :شخصية سينمائية
نادر :من اطيب الناس اللى قبلتهم فى حياتى
محمد جودة:انت مش شايف ان انت ضيعت عمرك هدر
يوسف بلال:ركز شويه وفكر فى حياتك بطريقة مختلفة الحياه كلها مش قهوة ومش لازم تبقى الكبير ممكن تكون الصغير بس احسن واحد
عمرو شومان:انا عن نفسى ماشوفتش غى اخلاقه
ثانيا خارج الشله
جمال مبارك :مهياش عربية بابا علشان تاخد بيها لفة
احمد عز :بتحسسننى انها عزبة ابوك علشان بلد ما فيهاش كبير
هشام طلعت مصطفى :تشترى المتر بجنية يامفترى .الحمد لله اللى بيجى من حرام بيروح فى الحرام
حسن شحاته:انا عن نفسى بعتبرك مش فرويد اوى بس بركه والنبى سيبك من الخلافات الشخصية المرة دى امالنا الاخير
محمد حسنين هيكل:الكبير كبير تعملنا منك الكثير انت اخر الرجال المحترمين ربنا يخليك ويطول فى عمرك
معمر القذافى:انا مش هينفع اكلم عنه لانه اقل من انى اكلم عنه
عمرو خالد:اذا كنت تبتغى وجهه الله سبحانه جزاك الله عنا خير ربنا معاك

5. من هو اقرب الاصدقاء الى قلبك ؟
محمد فتحى ومحمد بدر ومحمدحسن ومحمود
6 . من هو الاسواء من وجهه نظرك ؟ السؤال واضح طبعا الاسواء عموما واختر شخصيه تعليقا على كلامك
الظلم والشخصية كلنا عارفنها
7. كلمنا عن شخصيه رخمه انت مش طايقها ولكن مجبر على التعامل معاها؟
علاء بدر بشتغل معاه ومش طايق لانه ما بيحبنيش ولا انا صراحه مش جيين مع بعض
8. من هو كاتبك المفضل ؟ وايه هو اخر كتاب قريته ؟ وايه هى المجالات اللى بتحب تقراها.
علاء الاسوانى وعبد الرحمن الابنودى وعمنا صلاح جاهين
اخر كتاب قراته فتاوى للشيخ الشعراوى
بحب الادب عموما والشعر خاصة والفقة والفلك وطبعا التاريخ

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الثلاثاء نوفمبر 04, 2008 12:56 am

وتمت بحمد الله
النهايه
والكل قال اللي نفسو فيه
ويبقي الكلمه الاخيرة للقاضي اسووووووووو
واستعد يابطل بالحكم
انت كنت كويس اوى
وبتجاوب علي كل الاسئله
بكل ادب واحترام وجاد شويا فالايجابات
بس كان اسبوع لذيذ
وبما انك جيت فكام يوم نشفت ريقي فيهم
ودول مش هيعدو بسهوله
حكمت المحكمه بالسجن لمدة 6 اشهر
لتاخيرك لو مكنتش بتتاخر كنت بقيت براءة
وانا بصفتي القاضي
باطالب من الرئيس(اللي هو مدير المنتدي)
يعملنا سجن فالمنتدي
علشان الناس دي تتسجن وتاخد العقوبات
وعايزة اوضه كبيرة للتعذيب
ومفيش حد لغايه الان اخد براءة غير سنو وايت
ولسه لما نشوف الباقي
دلوقتي تختار اللي بعدك دا حقك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alaapepo
مشرف ممتاز
مشرف ممتاز
avatar

عدد الرسائل : 739
العمر : 35
تاريخ التسجيل : 19/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الثلاثاء نوفمبر 04, 2008 9:44 am

كده يا اسو بتحكمى من غير ما اسال اسئلتى


قاضى ظالم

بس بما اننا فى السجن مع بعض يا ظاظا

انا برده هسئلك بس لما ارجع من الشغل اكتبلك اسئلتى

وهتجاوب عليها احنا زمايل زنزانه واحده

واعتبرها احكام اوفر تايم

_________________
اذا كانت السماء تمطر ذهبا فانت تمطر حبا وحنانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأربعاء نوفمبر 05, 2008 10:54 pm

[color=white][size=18]السلام عليكم ورحمة الله
اولا انا بحتج على هذا الحكم وهستئنف خلى بالك
بس والله التأخير ما كنش بسببى والله الاسبوع اللى فات كان ملغبط اوى
المهم انا مستنى اسئلتك يا عم علاء علشان انا اصلا زعلان منك
دلوقتى انا هختار العضو او المتهم القادم معلش مش كوسه
انا هختار الامبراطور البوب الكبير والكبير كبير
جججججوووووو(يوسف بلال)
وعلى فكرة انا كنت مبسوط جدا من الاسئلة وبجد كان فى اسئلة كانت على الجرح زى ما بنقول [/size

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 36
تاريخ التسجيل : 17/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأربعاء نوفمبر 05, 2008 11:24 pm

والله انا زعلت عليك جدا يا زيزو
وانا بشكرك على الترشيح
واقابلك فى السجن استنانى اوعى تخرج قبل ماجى

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شهد
مشرف تحت التمرين
مشرف تحت التمرين
avatar

عدد الرسائل : 1428
العمر : 31
تاريخ التسجيل : 09/07/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأربعاء نوفمبر 05, 2008 11:47 pm

ظاظا بص بقى انا اترددت كتير اسألك عى العاطفة نظرا لطلبك

بس بقى الفضول جاوب وانا التمس من سيادة القاضى العفو

وخلى علاء محبوس لوحده



ولو مش حابب تجاوب براحتك


Crying or Very sad Crying or Very sad Crying or Very sad


1-اول مرةتحب كان عندك كام سنه ؟؟؟؟؟؟؟


2- اسم اول حبيبة ليك ؟؟؟؟؟؟؟

3- عمرك حبيت من طرف واحد قبل كده ؟؟؟؟؟؟؟

4- فى الوقت الحالى بتحب ولامش بتحب ؟؟؟؟؟؟؟

5- حبيت كام مرة من طرف واحد ؟؟؟؟؟؟؟

6- مين ايلى كان نفسك تحبو ويحبك ومحصلش نصيب ؟؟؟؟؟؟؟

7- كام مرة حبيت واتجرحت او اتخنت او اتخدعت ؟؟؟؟؟؟؟

8- امتا كان نفسك يكون ليك حد تحبه ويحبك ؟؟؟؟؟؟؟

9- مين اكتر انسان حبيته وكان نفسك انه يحبك ؟؟؟؟؟؟؟

10- مين اكتر واحد حسيت انك لما تحبههتكون سعيد معاه ؟؟؟؟؟؟؟

12- هل تقدر تعيش من غير حب ؟؟؟؟؟؟؟

14- لو حبيت حد تقتدر تقول انا بحبك ولا هتكون مكسوف ؟؟؟؟؟؟؟

15- لو حبيت حد قبل كده وعرفت انى سعادتك هكون معاه ومش هتقدر تعيش من غيره وهو موش بيحبك هتعل ايه ؟؟؟

16-الحب من وجه نظرك شكلهاايه ؟؟؟؟؟؟؟

17- اول مرةتحب كنت حاسس بأيه ؟؟؟؟؟؟؟

18- لو عرفت ان فى حد بيحبك ومش قادر يقولك هتعمل معاه ايه هتروح وتكلمه ولا تستنى لما هو يجيلك ؟؟؟؟؟

19- لو حبيت حد وعرفت انه كان بيخدعك هتعمل معاه ايه ؟؟؟؟؟؟؟؟

20-امتا مر عليك وقت وانت مضايق او مخنوق من الدنيا وهمومها وكان نفسك يكون ليك حد بتحبه عشان تشكيله؟؟؟؟


بص بقى انا سالت عايز تجاوب جاوب مش عايز برده جاوب



_________________
Smile Smile Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس نوفمبر 06, 2008 1:12 am

هو دا عقابك يا ظاظا
انا رفقت بيك
امال اللي هيتعزب والتاني اللي لو وقفو في اي اشارة ممكن يتحبس سنه
احمد ربك
مفيش استئناف مرفوض
والمحامي اللي هتجيبو هيتحبس زيك
معلش بقي مش مشكلتي انا كنت رحيمه معاك لغايه ما قدرت
بس هو دا جزائك

وبالنسبه لاختيار يوسف هيشرفني فالمحكمه من بكرة هيتحط فالقفص
استعد يا بطل

واسئله شهد تقدر تجاوب عليها بس دي اخر حاجه
مينفعش حد ينزل اسئله تاني
لغايه دلوقتي علاء وانت اللي طلعتو روحي ربنا يستر بالباقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alaapepo
مشرف ممتاز
مشرف ممتاز
avatar

عدد الرسائل : 739
العمر : 35
تاريخ التسجيل : 19/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الخميس نوفمبر 06, 2008 2:06 pm

حبيب قلبى بتقول زعلان منى من ايه بس

انا مقدرش على زعلك

انا جى اسئللك سؤالين بس على الماشى

بس الاول ارحب بشهد بتقول لاسو سيبى علاء محبوس لوحده وبتطلبلك البراءه

شوفت يا ظاظا جو الموده والمحبه الموجود

ويا اسو بتقولى انا وظاظا طلعنا روحك ده اقل واجب على قاضى جزار زيك بس طيب فى نفس الوقت

المهم يا عم ظاظا

1-ايهما الاقرب اللى قلبك اخوك يوسف ولا البنت اللى بتحبها او هتحبها؟

اختار واحد بس

2-لو معاك رصاصه وقالولك اضربها على من تضربها اخوك يوسف ولا نفس البنت اللى
بتحبها؟

الازم تختار

3- لو مخنوق وعاوز تشتكى برده لمين اختار واحد من الاتنين اللى فاتوا مش هفضل اكتب اسامى كل شويه؟

ندخل على المعلومات العامه

من المعروف ان عجائب الدنيا 7 وفى مصر وحدها يوجد خمس عجائب من السبعه

4- اذكر الخمس عجائب الموجوده فى مصر موضح سبب جعلها عجيبه من عجائب الدنيا السبعه

5-مخترع الجنيه الفضه الجديد كان والده ..... اختار من الاتى

شحات - كومسرى- صاحب محل فيديو جيم

6-برج القاهره تم تجديده منذ فتره قريبه .اذكر اسم مقاول التشطيب

7-ماذا تعرف عن باراك اوباما وهل كنت متابع الاحداث وهل فرحت له

*اطلب منك تعمل رحله لحديقه الحيوان و تاخد كل اصحابك معاك وفعلا عملت الرحله والكل راح

ولكن وانت فى الرحله وخلاص هتمشى اطلب منك تحط كل صاحب ليك فى قفص من اللى موجودين فى الحديقه

8-من غير ما حد يزعل حدد اسم الصاحب وتقول هتحطه فى قفص ايه
خليك جرىء ومستبش حد الا لما تحطه فى قفص

ونسيت اقولك انك انت كمان هتتحط فى قفص تختاره برده شوفت الديمقراطيه

9-لو انت مع خطيبتك وقاعد اخر رومانسيه جه اخوك يوسف متعصب بسبب حاجه انت عملتها

وهو اتفاجىء وجه يلومك ولما دخل عليك ضربك بالقلم قدامها هتعمل ايه

10-اخيرا وبعد طول انتظار اصبحت رئيس الوزراء واطلب منك تشكل الوزاره

حدد اسم كل وزير للوزراه اللى هيصلح ليها وطبعا يكون من افرد الشله

بس امانه اوعى تنسى وزاره الحشيش علشان دى اهم وزاره

11-فى سنه 2050 قرر الرئيس حسنى مبارك الغاء الضرائب عن الشعب واقر بان دخل المواطن

المصرى لن يقل عن 100000 فى الشهر

ما صحه هذه المعلومه؟

12-ايهما الاطول عمرا

الملك خوفو - حسنى مبارك - يوكا سومو

13-سؤال محرج

لو اطلب منك تتجوز بنت مش انسه علشان تستر عليها هترفض ولا هتقبل ؟

14- تخيل لو عملت عمليه و اتحولت لبنت مين تختاره من الشله علشان تتجوزه؟

انا طبعا بقول تخيل يعنى هتجاوب هتجاوب

اخر سؤال

15 -لو مصطفى عصام بيغرق وانت بتغرق فى نفس الوقت وانا هنقذ واحد فيكوا بس علشان انتوا

مش جنب بعض

تفتكر مين اللى هنقذه فيكم؟

خلصت اسئلتى يا حبى ياريت تجاوب عليها كلها من غير دبلوماسيه

وكل سنه وانت طيب كمان مره بمناسيه عيد ميلادك واشوفك قريب يا ارشميدس البساتين

_________________
اذا كانت السماء تمطر ذهبا فانت تمطر حبا وحنانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأحد نوفمبر 09, 2008 1:47 pm

مع انى مش بحب لجاوب على الاسئلة دى
بس علشان خاطرك انت بس
1-اول مرةتحب كان عندك كام سنه ؟؟؟؟؟؟؟
16سنه
2- اسم اول حبيبة ليك ؟؟؟؟؟؟؟
مش هينفع اقول الاسم علشان هى حاليا مدام
3- عمرك حبيت من طرف واحد قبل كده ؟؟؟؟؟؟؟
لا لان انا حبيت مرتين بس
4- فى الوقت الحالى بتحب ولامش بتحب ؟؟؟؟؟؟؟
نعم ودى تانى مرة
5- حبيت كام مرة من طرف واحد ؟؟؟؟؟؟؟
ما انا قولتك ولا مرة
6- مين ايلى كان نفسك تحبو ويحبك ومحصلش نصيب ؟؟؟؟؟؟؟
بنت كانت زى القمر عندنا فى الجامعة اسمها اسراء
7- كام مرة حبيت واتجرحت او اتخنت او اتخدعت ؟؟؟؟؟؟؟
المرة الاولى اتخدعت علشان ما كنتش تستاهل
8- امتا كان نفسك يكون ليك حد تحبه ويحبك ؟؟؟؟؟؟؟
يييااااااااههههههههه
ايام كتير اوى بالذات سنة 2006
9- مين اكتر انسان حبيته وكان نفسك انه يحبك ؟؟؟؟؟؟؟
بصى علشان اريحك ممكن تكون متأكد من نفسك انك بتحب الشخصى دى بس عمرك ما هتتاكد انه بيحيك
10- مين اكتر واحد حسيت انك لما تحبه هتكون سعيد معاه ؟؟؟؟؟؟؟
الانسانه اللى بحبها دلوقتى ربنا يوقفنى ويجمع بيينا على خير
12- هل تقدر تعيش من غير حب ؟؟؟؟؟؟؟
ياسسلام طبعا عادى خالص انا اصلا مش فاضى
14- لو حبيت حد تقتدر تقول انا بحبك ولا هتكون مكسوف ؟؟؟؟؟؟؟
قولتها مرتين وما كسفتش لو الرجاله اكسفوا يبقى شكرا وقولى على الدنيا السلنكتيه
15- لو حبيت حد قبل كده وعرفت انى سعادتك هكون معاه ومش هتقدر تعيش من غيره وهو موش بيحبك هتعل ايه ؟؟؟
منحبنا حبنا ومن كرهنا كرهنا وبعدين انا رجل ما ينفعش اكون ضعيف
16-الحب من وجه نظرك شكلهاايه ؟؟؟؟؟؟؟
مش عارف بس بحس مش عارف
17- اول مرةتحب كنت حاسس بأيه ؟؟؟؟؟؟؟
كنت فرحان ومتفائل جدا
18- لو عرفت ان فى حد بيحبك ومش قادر يقولك هتعمل معاه ايه هتروح وتكلمه ولا تستنى لما هو يجيلك ؟؟؟؟؟
لو بحبه هروحه لكن لومش بحبه هروحله برده علشان ميتعلقش بحبال ديبه

19- لو حبيت حد وعرفت انه كان بيخدعك هتعمل معاه ايه ؟؟؟؟؟؟؟؟
ربنا يسمحه وما يخدعون الا انفسهم وكما تدين تدان
20-امتا مر عليك وقت وانت مضايق او مخنوق من الدنيا وهمومها وكان نفسك يكون ليك حد بتحبه عشان تشكيله؟؟؟؟
سنه 2006

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zaza
مشرف
مشرف
avatar

عدد الرسائل : 120
العمر : 31
تاريخ التسجيل : 22/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الجمعة نوفمبر 14, 2008 8:08 pm

ياعم علاء متزعش انا والله ماكنتش فاضى والله كنت باجى من الشغل يدوب اقدر انام
وبعدين فى سوال محيرنى وعطلنى وفى الاخر قررت ما اردش عليه
ايهما الاقرب اللى قلبك اخوك يوسف ولا البنت اللى بتحبها او هتحبها؟

اختار واحد بس
اخويا طبعا

2-لو معاك رصاصه وقالولك اضربها على من تضربها اخوك يوسف ولا نفس البنت اللى
بتحبها؟

الازم تختار
مش هينفع اختار ولا اخويا ولا البنت الغلبانة اللى رضيت تحب واحد مجنون زى

3- لو مخنوق وعاوز تشتكى برده لمين اختار واحد من الاتنين اللى فاتوا مش هفضل اكتب اسامى كل شويه؟
مش كتير بشتكى ليوسف ولا البنت علشان احنا يدوب لسه بنقول يارب
بشتكى لصحبى محمج فتحى
ندخل على المعلومات العامه

من المعروف ان عجائب الدنيا 7 وفى مصر وحدها يوجد خمس عجائب من السبعه
اولا فى مصر اثنان فقط من عجائب الدنيا السبع هما فنار الاسكندرية ودى انهار والهرم الاكبر فقط مش الاهرامات كلها وسبب اختيار الفنار ان هو كان قادر ان يرسل ضوئه على بعد30 كيلو جرام من الشاطى اما الهرم فدى قصته كبيرة وكل يوم بنعرف عنه الجديد

5-مخترع الجنيه الفضه الجديد كان والده ..... اختار من الاتى

شحات - كومسرى- صاحب محل فيديو جيم
كان ابوه طيار

6-برج القاهره تم تجديده منذ فتره قريبه .اذكر اسم مقاول التشطيب
طيب ليه ما سئاتش بالمرة عن لون السيراميم المستخدم فى التشطيب
بس تقريبا حسن علام او هشام طلعت

7-ماذا تعرف عن باراك اوباما وهل كنت متابع الاحداث وهل فرحت له
طبعا كنت متابع الانتخابات وفرحت جدا بس مش ليه للفكرة نفسها للحالة للتغيير اعرف عنه هو بركة حسين اوباما مواود فى كينيامن اب مسلم وام وثنية وافصلا وتربى فى شيكاغو ثم فى اندونيسيا ثم دخل الجامعة فى الينوى وعمل فى الجامعه نفسها الى ان وصل لان يكون رئيس قسم الحقوق فى جامعة هارفوردثم اشتغل فى المحاماة للدفاع عن الحقوق المدنيةوبعد ذلك انضم الى الحزب الديقراطى وانتخب سيناتور لالينوى ثم رئيسا للولايات المتحده
I belive in وكان شعاره
*اطلب منك تعمل رحله لحديقه الحيوان و تاخد كل اصحابك معاك وفعلا عملت الرحله والكل راح

ولكن وانت فى الرحله وخلاص هتمشى اطلب منك تحط كل صاحب ليك فى قفص من اللى موجودين فى الحديقه

8-من غير ما حد يزعل حدد اسم الصاحب وتقول هتحطه فى قفص ايه
خليك جرىء ومستبش حد الا لما تحطه فى قفص

ونسيت اقولك انك انت كمان هتتحط فى قفص تختاره برده شوفت الديمقراطيه


9-لو انت مع خطيبتك وقاعد اخر رومانسيه جه اخوك يوسف متعصب بسبب حاجه انت عملتها

وهو اتفاجىء وجه يلومك ولما دخل عليك ضربك بالقلم قدامها هتعمل ايه
مش هقدراعمل اى حاجه علشان اخويا الكبير مش هينفع احترمها وما احترمش اخويا الكبير

10-اخيرا وبعد طول انتظار اصبحت رئيس الوزراء واطلب منك تشكل الوزاره

حدد اسم كل وزير للوزراه اللى هيصلح ليها وطبعا يكون من افرد الشله

بس امانه اوعى تنسى وزاره الحشيش علشان دى اهم وزاره

11-فى سنه 2050 قرر الرئيس حسنى مبارك الغاء الضرائب عن الشعب واقر بان دخل المواطن

المصرى لن يقل عن 100000 فى الشهر
ما صحه هذه المعلومه؟
هى الحداية بتحدف كتاكيت
12-ايهما الاطول عمرا

الملك خوفو - حسنى مبارك - يوكا سومو
الواقع بيقول الحاج حسنى

13-سؤال محرج

لو اطلب منك تتجوز بنت مش انسه علشان تستر عليها هترفض ولا هتقبل
؟اية ياعم الكلام دى عموما لو انا اللى غلطت هصلح غلطتى لكن لو حد تانى انا بحبش الحاجات المستعملة

14- تخيل لو عملت عمليه و اتحولت لبنت مين تختاره من الشله علشان تتجوزه؟

انا طبعا بقول تخيل يعنى هتجاوب هتجاوب
كنت هجوز عمرو شومان علشان كان هستاذنى علشان احطلوا ياكل مش يامرنى طبعا هو انسان مهذب جدا

اخر سؤال

15 -لو مصطفى عصام بيغرق وانت بتغرق فى نفس الوقت وانا هنقذ واحد فيكوا بس علشان انتوا

مش جنب بعض

تفتكر مين اللى هنقذه فيكم؟
انا هشيلك من الحرج انا اصلا ما بنزلش المية علشان بخاف
بس اعتقد انك جدع وهنحاول تنقذنا احنا الاتنين مش هتفرق بينا

_________________
غمض عينيك وارقص بخفة ودلع ,الدنيا هى الشابة وانت الجدع ,تشوف رشاقة خطواتك تعبدك , لكن انت لو بصيت تحت رجليك تقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
baby_jow
مشرف ممتاز
مشرف ممتاز
avatar

عدد الرسائل : 337
تاريخ التسجيل : 23/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   السبت نوفمبر 15, 2008 5:08 am

basha happy birthday
men aktr wa7ed bet7bo fe 7ayatak
aktar sa7eb bet7bo
aktr shasya asret feek
7ad leh gemel 3andak bt3tbro fe r2abtak le7ad ma a5er el3omr
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alaapepo
مشرف ممتاز
مشرف ممتاز
avatar

عدد الرسائل : 739
العمر : 35
تاريخ التسجيل : 19/05/2008

مُساهمةموضوع: رد: مقدمه واسئله الضيف الرابع,,عالم التاريخ(ظــــاظــــــــا)   الأحد نوفمبر 16, 2008 2:53 pm

مع انك يا عم ظاظا مجاوبتش على الاسئله كلها

انت قولت سؤال واحد وانت مجوبتش على سؤالين او تلاته

بس مش زعلان علشان انت اهتميت وجاوبت على الاسئله

_________________
اذا كانت السماء تمطر ذهبا فانت تمطر حبا وحنانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مقدمه واسئله الضيف الرابع,,عالم التاريخ(ظــــاظــــــــا)
الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
افتحى الشبابيك يا مصر واسمعى كلمة شبابك :: الشباك العام :: محكمة شبابيك-
انتقل الى: