افتحى الشبابيك يا مصر واسمعى كلمة شبابك

عبر عن رايك بصراحه واحنا معاك هنقول بحماس افتح شباكك قول رايك يمكن كلمة تغير ناس
 
الرئيسيةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» فساتين خطوبة
الخميس يوليو 07, 2011 12:57 am من طرف الله ربى والاسلام دينى

» لفات طرح جديدة
الخميس سبتمبر 23, 2010 9:59 pm من طرف الله ربى والاسلام دينى

» عظه لكل فتاه
الجمعة سبتمبر 17, 2010 8:53 pm من طرف الله ربى والاسلام دينى

» بنت لا تتجاوز السنتين (شوفو المعجزة)
الجمعة سبتمبر 17, 2010 6:03 pm من طرف الله ربى والاسلام دينى

» نصائح لجمالك
الخميس سبتمبر 16, 2010 11:11 pm من طرف الله ربى والاسلام دينى

» اختر من 1 الى 20 وشوف حظك
الخميس سبتمبر 16, 2010 9:46 pm من طرف الله ربى والاسلام دينى

» بيقولو كلام بنات.....!
الخميس سبتمبر 16, 2010 8:39 pm من طرف الله ربى والاسلام دينى

» هى دية حقيقة البنت
الخميس سبتمبر 16, 2010 8:30 pm من طرف الله ربى والاسلام دينى

» اعرفي اسم شريك حياتك قبل مايجي
الخميس سبتمبر 16, 2010 8:17 pm من طرف الله ربى والاسلام دينى

الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 رحله خااااااااصه جدا ومميزة مع الاديب الكبير(يوسف بلال)

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رحله خااااااااصه جدا ومميزة مع الاديب الكبير(يوسف بلال)   الخميس نوفمبر 06, 2008 1:27 am

اعزائى اعضاء ومشرفين

شبابيك الكرام


لقد عودنــــــــــــا من جديد

والمحبة مازالت عنواننا والترابط يظل شعارنا داخل شبابيك
عودنــــــــــا لاستقبال ضيوفا جدد يحيى الكرسى بوجودهم

لكى نغوص معهم في عالمهم الخاص ونحلق معهم في سماهم

واليوم اعزائى يتشرف الكرسى باستقبال ضيف

عزيز على قلوبنا جميعا

فهو المجادل والمحاور

المثقف صاحب الرأى

المشرف القدير

فهوالاب الروحى لقسم الادب والشعر

اعرفكو عليه اكتر
مشرف نعتبره ضمن لائحة الأقلام المشعة بالعطاء


ضيف كلي ثقه انه يستحق ان يكون ضيف معنا
وان نغوص معه في عالمه ونبحر في سماه
لنتعرف على تلك الشخصيه التي سحرتنا بأخلاقها أولاً
وحسن تعاملها وتميزها و بمشاركاتها المفيده معنا



تميز بمواضيعه الرائعة
شخصية إتصفت بتواضعها و حضورها
عضو محب للجميع و محب من قبل الجميع
رحبو معي بالنجم السوبر
يــــــــــــ بلال ـــــــــــــــوسف
&*&*&*&*&*&*&*&*&*&*&*&*&*&*&*&*&*&*&*&
الاسئله فلنبدا
********
*****
**

اسمك

سنك

احلامك باختصار

حققت منها

انطباعك عن حياتك اللى فاتت

انطباعك عن حياتك الجاية

انا والحظ

علاقتك بربنا

اكتر حاجة بتكرهها

اكتر حاجة بتحبها

هواياتك

اكلتك المفضلة

اكتر اكلة مش بتحبك

مشروبك المفضل

فاكهتك المفضلة

احلى فصل عندك

احلى وقت

بتحب تسمع ايه

احب اسم ولد عندك

احب اسم بنت

ما رايك بكلا من::تيتو,سنو وايت,علاء بيبو, شهد, زيزو, روان, ظاظا, بابي جو,شذي,الهدوء المزعج,سندريلا,امبوزة
مؤمن, نانو,محمد امين, أسو.

عضو هادى

عضو بتحسه عاقل

عضو طيب

عضو بتحسه بيبى

عضو عصبى

عضو بيعجبك مواضيعه

عضو بيعجبك توقيعه

عضو دمه خفيف

عضو روحه عاليه

عضو مثالي

عضو توجه له مسج

عضو زعلان منه
مش شرط عضو يعني ممكن يكون مشرف بردوا


معاك خمس ورود لمن تهديهم ؟

من هو الصديق المفضل اليك ؟

من اول من لفت انتباهك في المنتدى؟

مقلب من احد الاصدقاء ؟
من هو العضو الذي تحب الهزار معاه في المنتدى ؟

من هو الشخص الذي اذا غاب عن المنتدى تسأل علية؟

احسن موضوع شوفته فى المنتدى؟
اكتر عضو او عضوه تنتظر مواضيعه؟
اكتر عضو او عضوه تنتظر مروره على موااضيعك؟
هل دموعك اوريبه ؟ ومين الشخص اللى ممكن دموعك تنزل ادامه ؟


صفه في( شريكة حياتك \ صديقك \ اخوك ) لو اختفت منه ممكن بسببها تزعل
منه للابد؟


أول حاجه بتلفت نظرك في الشخص الي أدامك في أول لقاء؟


سؤال تحب تسأله لنفسك وخايف من الأجابه؟
حد متقدرش تتخيل حياتك من غيره؟

ايه اكتر حاجه مجنونه عملتها في حياتك؟

قلت لحد بكرهك قبل كده ؟


ذقت طعم الفشل في حياتك وليه وتتوقع في وسعك تجنبه؟

بتعتبر نفسك ناجح في حياتك العمليه وليه ؟

احلى يوم مر عليك في حياتك؟

شئ حزنت عند ضياعه وهل بامكانك استعادته؟
قول لى نكته 00 لازم تخلينى اضحك ؟

انضربت من باباك او مامتك قبل كدا ؟
بتتصرف ازاى لما بتتعرض لضغط عصبى ؟

ايه اللعبه اللى كنت بتحب تلعبها وانت صغير ؟

ايه احساسك لما تسمع

صوت موج البحر فى اخر الليل
لحن حزين اخر الليل- صوت المؤذن لصلاه الفجر
لما تشوف الشروق

لما تشوف الغروب

بتعرف تقرى العيون ؟ ايه مدى تاثرها عليك ؟
جرب نار الغيره ؟ جربتها يايوسف ولا لأ ؟

العواطف اصبحت مثل الأسفنجة تمتص الكثيرع
وبضغطة واحدة تفرغ الأسفنجة ماأمتصته وتجف !
عندك تعليق لى الكلام دا ؟؟


اكتر صفه تحب تكون فى خطيبتك فى المستقبل؟؟


انت نهاري ولا ليلي ؟
يعنى اى فتره بيبقى مودك احسن

تحب ان زوجتك تدخل على النت وتشترك فى منتديات؟ولو لا تقولى ليه؟

لما ربنا يرزقك ببنوته ترضى برضه انها تدخل علي النت؟

ما اقرب سور القران الى قلبك؟

مين القارئ اللي تحب تسمعلو؟
اكتر سورة ابكتك؟
حافظ كام جزء من القرأن؟
دعاء سمعته وأثر فيك؟

خطبه سمعتها وعملت بها ولمن كانت ولماذا اثرت فيك؟

حديث للرسول صلى الله عليه وسلم أعجبك؟

موقف للرسول صلى الله عليه وسلم أثر فيك؟

لو قدر الله لك ان تعيش في عهد الرسول صلى الله عليه وسلم ايه اول حاجه كنت هتعملها؟

ايه الدعاء اللي بتحب تدعي الله به دائما؟

ايه نوعيه الكتب الي بتحب تقرأها؟

قناه بتحب تتابعها دائما؟

نوعيه البرامج اللي بتحب تشاهدها؟

مين افضل شيخ بتحب تسمعله؟

ومين منشدك المفضل؟


بتشجع نادي ايه ؟

ليك في السياسه ؟ لو ليت ايه رأيك في النظام في مصر تفتكر هو رأس مالي ديمقراطي ولا اشتراكي ولا نظام لم يصل حد من العلماء بعد لتسميته نظرا ان بابا حسني هو بس الي متبعه وليه؟
نوع موبايلك؟ معاك رصيد ولا لاء؟
بص كفايه كدة علشان انا تعبت
ليا عودة مرة تانيه
انا عارفاهم كام سؤال تجاوب عليهم كلهم من غير تزويغ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
snow white
مشرف تحت التمرين
مشرف تحت التمرين
avatar

عدد الرسائل : 1110
العمر : 33
تاريخ التسجيل : 02/08/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الخميس نوفمبر 06, 2008 6:52 am

اهلا اهلا اهلا بأخونا الكبير الاستاذ يوسف بلال
ان شاء الله اسالتى تكون خفيفه عليك

بسم الله الرحمن الرحيم

1- انت تتخيل نفسك فى الجنة اكتر ام فى النار اكتر؟

2-عندما تزور المقابر اوتعبر امامها ،ما هو احساسك وقتها؟

3-هل انت شخصية ضعيفة ام قوية؟

4- قد اية بتتنازل علشان اللى بتحبه؟

5- بتحب اسمك؟

6-نفسك فى ايه علشان تكون سعيد و راضى؟

7- لو شفت اخوك بيعاكس البنات فى الشارع, اية حيبقى موقفك؟

8- لو شوفت اختك بتتعاكس من شباب طول بعرض ايه موقفك ؟

ولو البنت دى مكانتش اختك هل رد فعلك هيكون نفس رد الفعل اللى هتعمله مع اختك ولا هتقول ماليش دعوة ؟

9- ماذا تعنى كلمة "وطن"؟ (بالنسبة لك)

10- هل سبق وقلت في نفسك - ياليت كنت .. ؟

11- هل تستطيع مخاطبة مجموعة من الناس بمفردك؟

12- هل تود اعادة نسج خيوط شخصيتك من جديد؟؟

13- هل تشعر بهيبتك و أحترام الاخرين لك ؟

14- هل لديك مال في جيبك وتوفر منه شيئا للشدة..؟


15- اكمل الجمل الاتيه :

بعض الأشخاص يثيرون استيائي مهما حاولت أن .......

كل شخص يعاني من بعض المشاكل في حياته ، ولكن مشكلاتي .......

عندما تواجهني مشكلة تكون دائماً نتيجة .......

لا أشعر بالراحة في المواقف التي تحتاج .......

عندما أقرر تحقيق هدف معين أجد .......

أحتاج دائماً لتأييد الناس حتى .......

أحتاج لقوة دفع خارجية حتى أتمكن من .......

ينبغي أن أكون أنا في ..............

أتمنى لو ....... و آخذ .......

أنا أفضل من ..............

كم أريد أن يعرف الناس .......


وأخيرا هل انت مقتنع بان اجاباتك كلها صريحة وصحيحة ؟ ( بأمانه )

يارب ماكونش طولت عليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الخميس نوفمبر 06, 2008 4:12 pm

اجابه جزء من اسئله اسو
اسمك
يوسف بلال حسن
سنك
27 سنه
احلامك باختصار
احلام عاديه جدا انجح فى عملى واعمل حاجه كويسه
اتجوز طبعا واحلام تانيه كلها عاديه جدا
حققت منها
الى حد ما الحمد لله ماشى فى شغلى كويس
انطباعك عن حياتك اللى فاتت
مش كويس خالص بس الحمد لله
انطباعك عن حياتك الجاية
ان الله لايضيع اجر من احسن عملا
انا والحظ
مش عارف بصراحه ساعات احس ان انا محظوظ وساعات كتير لا
علاقتك بربنا
الحمد لله انا بحاول جاهدا ان اكون عابدا شاكرا وان اطيع ربى
اكتر حاجة بتكرهها
الخيانه والغباء
اكتر حاجة بتحبها
الصداقه والامانه والشخص الذكى
هواياتك
القراءة وكرة القدم والقهوة
اكلتك المفضلة
مكرونه بالبشاميل والجبنه الرومى
اكتر اكلة مش بتحبك
لوبيا واى خضار
مشروبك المفضل
الشاى
فاكهتك المفضلة
الموز
احلى فصل عندك
الشتاء
احلى وقت
الليل
بتحب تسمع ايه
يعنى ايه مش فاهم
احب اسم ولد عندك
محمد
احب اسم بنت
سلمى
ما رايك بكلا من:
:تيتو: مصطفى دة عامل زى على الزيبق ماشاء الله عليه حبيبى من الشخصيات القليله اللى بيهمنى رايهم ذكى مجامل مبدع جدا فيما يفعل لو بنهرج اشدا خفه دم لو بنلعب كرة اكثرا مهارة يتقن عمله جدا فنان فى كل حاجه
بس فى عيب خطير مابيعرفش يتحكم فى اعصابه ممكن لو اتعصب يزعل الناس منه وعندى جدا ومابيعرفش يعترف انه غلطان
,سنو وايت : من اكثر الشخصيات احتراما ذات شخصيه قويه طيبه جدا وصريحه ربنا يوفقها ويحققلها امنياتها وربنا يكرمها وتخلص الماجستير عاوزين نفرح بيها بقى
,علاء بيبو: من اجمل الشخصيات اللى عرفتها فى حياتى على رائ ظاظا ياريتنى قابلتك من زمان جدع وراجل خفيف الظل حاضر الذهن دائما
بس ياريت يبطل عصبيه
, شهد,: اختى الصغننه روحها جميله قطوطه نشيطه جدا من انشط الاعضاء فى المنتدى
زيزو, طيب جدع اكتر واحد بحب اخدمه بس مابتعجبنيش دماغه
روان, : روان اللى هى رونى بحس ان هى بنت مصريه بجد مهمومه بمصر جدا بلاقيها دايما عندما يغيب الاخرين
ظاظا, دة حبيبى اخويا الصغير بس بأمانه بتعلم منه كتير دماغه كويسه جدا
جدع قوى بتسند عليه كتير ربنا يكرمه ويوفقه
بابي جو الطيب بحس انه عامل زى البنات البكر بشتاق لقعدته جدا
راجل وشهم بحس انى بتعامل مع شخصيه مصريه اصيله
,شذي : شفافه اوى عفويه جدا لما غابت حسينا بغيابها على عكس ناس كتير
,الهدوء المزعج : شخصيه محيرة طيب وساعات شرير واضح وساعات غامض مش قادر افهمه بس بصراحه بحبه لانه جدع جدا وراجل يبان وقت الشدة موجود يعتمد عليه بحب اصلى وراة قوى صوته حلو جدا فى القرأن
,سندريلا: الساعه 12 جاءت عليها فغابت واختفت فترة وبعد كدة رجعت بس مش زى الاول فيها حاجه متغيرة ربنا معاها
,امبوزة جدع وواضح ومحترم بس غيابه علينا طال شويه
مؤمن مهذب خلوق منظم منمق هأدى الطباع لاتفارقه الابتسامه
, نانو: ياة طيب القلب جدا مفيش اطيب من كدة بحبه جدا يعرف عنى كل حاجه وانا كمان
,محمد امين:عبقرينو بحترمه وبنعجبنى دماغه جدا جدا دة حبيبى بس كييف نوم بطريق غريبه كتوم جدا جدا قوى الملاحظه مهوس تكنولوجيا
, أسو.: المعلمه بنت مصريه جدعه قوى بحس ان هى جارتى مابتخافش من حد صاحبه واجب بس بحس ساعات ان هى بتتكلم كتير بس دائما بستنى منها افكار جديدة اكتر مبدع حتى الان عندها كميه فظيعه من الافكار الجديدة باستمرا

عضو هادى
عمرو شومان
عضو بتحسه عاقل
ظاظا
عضو طيب
نانو
عضو بتحسه بيبى
شذا وشهد
عضو عصبى
علاء واسو
عضو بيعجبك مواضيعه
محمد امين واسو وبيبى جو
عضو بيعجبك توقيعه
سنو وايت
عضو دمه خفيف
اسو
عضو روحه عاليه
تيتو
عضو مثالي
سنو وايت
عضو توجه له مسج
عمرو بيبسى البقاء لله
عضو زعلان منه
محمد جودة
مش شرط عضو يعني ممكن يكون مشرف بردوا

معاك خمس ورود لمن تهديهم ؟
تيتو وسنو وجودة وشومان وعلاء
من هو الصديق المفضل اليك ؟
محمد جودة

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 09, 2008 4:50 pm


من اول من لفت انتباهك في المنتدى؟
انا من اول 3 على المنتدى واول من لفت انتباهى غزارة مواضيع امبوزة وحماسه
مقلب من احد الاصدقاء ؟
اكتر واحد عمل فى مقالب هو مجدى هرانى مقالب وكلها خاصه بالبنات
بس للاسف مش هيتفع احكيها
من هو العضو الذي تحب الهزار معاه في المنتدى ؟
كلهم بس اكتر واحد علاء وتيتو وزيزو
من هو الشخص الذي اذا غاب عن المنتدى تسأل علية؟
بيبى جو
احسن موضوع شوفته فى المنتدى؟
بصراحه وبدون تحيز هو موضوع ليا انا بتاع دار الايتام
اكتر عضو او عضوه تنتظر مواضيعه؟
محمد امين
اكتر عضو او عضوه تنتظر مروره على موااضيعك؟
تيتو وظاظا
هل دموعك اوريبه ؟ ومين الشخص اللى ممكن دموعك تنزل ادامه ؟
اولا قاضى مابيعرفش يكتب عربى اسمها دموعك قريبه
لا بس لو جيت ابكى فى يوم ممكن الوحيدة اللى تشوف دموعى هى والدتى
صفه في( شريكة حياتك \ صديقك \ اخوك ) لو اختفت منه ممكن بسببها تزعل
منه للابد؟
اولا انا مفيش حاجه تخلينى ازعل من حد فيهم للابد
أول حاجه بتلفت نظرك في الشخص الي أدامك في أول لقاء؟
اسلوب كلامه وطريقه تعامله مع الاخرين
سؤال تحب تسأله لنفسك وخايف من الأجابه؟
انت هتبطل السجاير امتى؟
حد متقدرش تتخيل حياتك من غيره؟
والدتى وشريكه حياتى
ايه اكتر حاجه مجنونه عملتها في حياتك؟
اولا انا مش من عشاق المغامرة ثانيا الذاكرة عندى مش مساعدنى على استرجاع المواقف دة بس الحاجه المجنونه اللى انا عملتهاوفاكرها لما طلعت اسكندريه فى شم النسيم دة حاجه مجنونه بجد
قلت لحد بكرهك قبل كده ؟
لا انا عمرى ماعرفت اكرهه
ذقت طعم الفشل في حياتك وليه وتتوقع في وسعك تجنبه؟
طبعا كتير بس الحمد الله كنت بتخطاة دائما والامانه تيتو من اكتر الناس اللى كانت بتساعدنى اتخطى الظروف دة
بتعتبر نفسك ناجح في حياتك العمليه وليه ؟
الى حد ما بشهادة الاخرين
احلى يوم مر عليك في حياتك؟
سؤال اتساله ظاظا اخويا وجاوب عليه وللاسف نفس الاجابه
يوم انتهاء ازمه عائليه حادة ويوم ماقبلت شريكه حياتى
شئ حزنت عند ضياعه وهل بامكانك استعادته؟
حزنت لضياع طفولتى انا نفسى ارجع طفل تانى
قول لى نكته 00 لازم تخلينى اضحك ؟
بصراحه مش قادر افتكر نكنه ممكن انت تقرا نكته من بتوعك بالنيابه عنى
انضربت من باباك او مامتك قبل كدا ؟
انضربت من بابا كتير لكن ماما عمرها ما ضربتنى
بتتصرف ازاى لما بتتعرض لضغط عصبى ؟
انا فى عيب فظيع لما بتعرض لضغط عصبى بتنرفز
ايه اللعبه اللى كنت بتحب تلعبها وانت صغير ؟
الكرة والى الان
ايه احساسك لما تسمع
صوت موج البحر فى اخر الليل: بتشائم من صوت البحر اخر الليل
لحن حزين اخر الليل: لا عادى الالحان الحزينه مابتفرقش معاى
- صوت المؤذن لصلاه الفجر:بيريحنى وبيهدئ اعصابى
لما تشوف الشروق: بحس براحه نفسيه وامل
لما تشوف الغروب :بحس بخنقه وماقدرش اخد نفسى
بتعرف تقرى العيون ؟ ايه مدى تاثرها عليك ؟
انا مابعرفش لاسف اقرأ لغه العيون وبتخدع كتير جدا
جرب نار الغيره ؟ جربتها يايوسف ولا لأ ؟
اة جربتها
العواطف اصبحت مثل الأسفنجة تمتص الكثيرع
وبضغطة واحدة تفرغ الأسفنجة ماأمتصته وتجف !
عندك تعليق لى الكلام دا ؟؟
انا حاولت افهم الجمله دة كويس بس مش قادر اوصل لدماغى فيها
اكتر صفه تحب تكون فى خطيبتك فى المستقبل؟؟
الصدق والبراءة
انت نهاري ولا ليلي ؟
يعنى اى فتره بيبقى مودك احسن
الليل
تحب ان زوجتك تدخل على النت وتشترك فى منتديات؟ولو لا تقولى ليه؟
اة النت فى الكويس وفيه الوحش والانسان الكويس ياخد منه الكويس بس وانا معنديش اى مانع ان هى تشترك فى المنتدى بتاعنا بس غير كدة لا
لما ربنا يرزقك ببنوته ترضى برضه انها تدخل علي النت؟
لما ربنا يكرمنى ويرزقنى ببنوته حلوة زيك واربيها زى مانا ووالدتها عاوزين ساعتها ممكن اسمحلها تدخل على النت طالما انا عارف دماغها عامله ازاى

ما اقرب سور القران الى قلبك؟
سورة يوسف وسورة الكهف وسورة الرحمن
مين القارئ اللي تحب تسمعلو؟
احمد بن على العجمى
اكتر سورة ابكتك؟
سورة الواقعه
حافظ كام جزء من القرأن؟
لا تعليق
دعاء سمعته وأثر فيك؟
اللهم انت ربى لا اله الا انت عليك توكلت وانت رب العرش العظيم
ماشأء الله كان ومالم يشأء لم يكن اعلم ان ربى على كل شئ قدير وان الله قد احاط بكل شئ علما واحصى كل شئ عددا اللهم انى اعوذ بك من شر نفسى ومن شر كل دابه انت اخد بناصيتها ان ربى على صراط مستقيم

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 09, 2008 5:16 pm


خطبه سمعتها وعملت بها ولمن كانت ولماذا اثرت فيك؟
الخطب كتير جدا بس انا هفتكر ايه بس انا فاكر مرة سمعت خطبه للشيخ فاروق وبع الصلاة طلبت منه الورقه اللى كان بيقرأ منها واخدتها واحتفظت بيها
حديث للرسول صلى الله عليه وسلم أعجبك؟
افعل ماشئت يابن ادم فكما تدين تدان
موقف للرسول صلى الله عليه وسلم أثر فيك؟
كل مواقف الرسول الكريم بس انا بحب مواقفه الانسانيه
مثلا موقفه من جابر بن عبد الله وامرة للجيش ان يقف على باب المدينه ساعه من الزمن ولا يدخلوا المدينه وكان السبب كما قال لجابر لتعلم امرأتك بقدومك فتعد لك النمارق (المخدات)
وموقفه فى حادثه الافق ولم يتعامل من منطلق انه زوج ونبى لقد فصل بينهم تماما منتهى العبقريه
لو قدر الله لك ان تعيش في عهد الرسول صلى الله عليه وسلم ايه اول حاجه كنت هتعملها؟
انا حاولت كتير افكر فى الموضوع دة من زمان وكنت بقول مش هسيبه لحظه واومن بيه علطول بس بارجع اقول طب دة سيدنا عمرو شخصيا تأخر اسلامه طب ليه ما انا مولود مسلم وابديت اقرب من ربنا
من فترة صغيرة
ايه الدعاء اللي بتحب تدعي الله به دائما؟
الهم انك عفوا كريم تحب العفو فاعفو عنا
ايه نوعيه الكتب الي بتحب تقرأها؟
الشعر والكتب الدينيه
قناه بتحب تتابعها دائما؟
الحياة والعفاسى والاهلى
نوعيه البرامج اللي بتحب تشاهدها؟
البرامج الرياضيه والبرامج الدينيه
مين افضل شيخ بتحب تسمعله؟
محمد حسان وعمرو خالد دة لو بتعتبروة شيخ
ومين منشدك المفضل؟
مشارى راشد
بتشجع نادي ايه ؟
الاهلى طبعا هو دة سؤال
ليك في السياسه ؟ لو ليت ايه رأيك في النظام في مصر تفتكر هو رأس مالي ديمقراطي ولا اشتراكي ولا نظام لم يصل حد من العلماء بعد لتسميته نظرا ان بابا حسني هو بس الي متبعه وليه؟
دة نظام غريب مش معروف بس ممكن يكون قريب من النظام الامبريالى المتعفن والمتنتن ديكتاتورى متسلط
نوع موبايلك؟ معاك رصيد ولا لاء؟
نوكيا 3500 ومعايا رصيد

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 09, 2008 6:54 pm

- انت تتخيل نفسك فى الجنة اكتر ام فى النار اكتر؟
اتمنى اكون فى الجنه ولكن من يأمن مكر الله
قال ابو بكر الصديق رضى الله عنه وارضاة لو ان احدى قدمى فى الجنه
والثانيه خارجها ما امنت مكر الله
2-عندما تزور المقابر اوتعبر امامها ،ما هو احساسك وقتها؟
انا لما بزو المقابر ببقى متأثر وبحاول اتعظ بس مابحبش اطول
ولما بعبر من امامها عادى جدا عشان اتعودت اعدى امامها كل يوم الصبح والليل
3-هل انت شخصية ضعيفة ام قوية؟
انا شايف انى مش شخصيه ضعيفه
4- قد اية بتتنازل علشان اللى بتحبه؟
انا مابتنازلش انا ممكن اجد حلول ذكيه لاى موضوع وبعدين الموضوع فى الحب عادى
5- بتحب اسمك؟
الحمد لله
6-نفسك فى ايه علشان تكون سعيد و راضى؟
نفسى ربنا يوفقنى وانجح فى شغلى ويخليلى والدتى
7- لو شفت اخوك بيعاكس البنات فى الشارع, اية حيبقى موقفك؟
اولا الحمد لله اخويا الكبير دة ربنا يباركله عمرة ما بيغضب ربنا
اما اخويا الصغير فهو اعقل من انه يعكس بنت ونفرض انه عاكس وانا شوفته طبعا هتكلم معاة لما يروح البت واقوله اعتبر ان البنت دة اختك ترضى ان حد يعاكسها
8- لو شوفت اختك بتتعاكس من شباب طول بعرض ايه موقفك ؟
انا لو شوفت حد بيعاكس اختى انا ممكن بجد ارتكب جريمه حتى لو كان مين
ولو البنت دى مكانتش اختك هل رد فعلك هيكون نفس رد الفعل اللى هتعمله مع اختك ولا هتقول ماليش دعوة ؟
مكن اقول مليش دعوة زى كل الناس اليومين دول بس لو لقيت الموضوع زيادة عن اللزوم والبنت محتاجه مساعدة ممكن ادخل
9- ماذا تعنى كلمة "وطن"؟ (بالنسبة لك)
زمان كلمه وطن دة كانت حاجه جامدة قوى بس دلوقتى الحكام خلوا الناس تربط مابينهم وبين مصر بس انا الحمد لله بحاول افصل مابين مصر البلد ومصر الحكومه انا مصر عندى غاليه قوى بس ممكن يكون كلام بس فعل مفيش
10- هل سبق وقلت في نفسك - ياليت كنت .. ؟
ممكن ساعات اكون قولت ياليتنى كنت لعيب كورة زى مصطفى عصام
او ياليتنى كنت فى اخلاق عمرو شومان او جدعنه محمد جودة اوفى طيبه نادر او كنت مجتهد زى اخويا الكبير د / امام
11- هل تستطيع مخاطبة مجموعة من الناس بمفردك؟
الحمد لله اقدر وبعرف اثر فيه واقنعهم بكلامى
12- هل تود اعادة نسج خيوط شخصيتك من جديد؟؟
لو اطلعتم على الغيب لاخترتم الواقع انا مقتنع بيوسف بس فىه شويه حاجات عاوزة يغيرة وان شأء الله هتتغير
13- هل تشعر بهيبتك و أحترام الاخرين لك ؟
اشعر باحترام الاخرين ليا الحمد لله
14- هل لديك مال في جيبك وتوفر منه شيئا للشدة..؟
احيانا بس الطبيعى لا
15- اكمل الجمل الاتيه :

بعض الأشخاص يثيرون استيائي مهما حاولت أن .......يتسامحوا مع الاخرين وبحاول مع كتير منهم ان يكو نوا متسامحين

كل شخص يعاني من بعض المشاكل في حياته ، ولكن مشكلاتي .......
انى بحب الناس شويه وايجابى معاهم ودة بتسببلى مشاكل كتير
عندما تواجهني مشكلة تكون دائماً نتيجة .......

لا أشعر بالراحة في المواقف التي تحتاج .......استعمال القوة الجسديه
او بتحتاج مشى كتير
عندما أقرر تحقيق هدف معين أجد .......معاونه من الاخرين وخصوصا اصدقائى

أحتاج دائماً لتأييد الناس حتى .......استطيع تحقيق حلم معين كحلم دار الايتام لولا تأيد الاخرين ما استطعت تحقيق ذلك الحلم

أحتاج لقوة دفع خارجية حتى أتمكن من .......تكوين بيت والزواج فى سرع وقت ربنا يكون فى عون الشباب

ينبغي أن أكون أنا في ..............مجموعه ماينفعش اكون لوحدى محدش هيحس بيا

أتمنى لو ..اكون. جمال عبد الناصر و آخذ حقى الناس الغلابه واخد حق مصر

أنا أفضل من .............. يوسف بلال بتاع زمان

كم أريد أن يعرف الناس .......ان الله لا يغير ما بقوم حتى يغيروا ما بانفسهم

وأخيرا هل انت مقتنع بان اجاباتك كلها صريحة وصحيحة ؟ ( بأمانه )
الحمد لله

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شهد
مشرف تحت التمرين
مشرف تحت التمرين
avatar

عدد الرسائل : 1428
العمر : 31
تاريخ التسجيل : 09/07/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 09, 2008 8:53 pm

العضو الجميل يوسف يسمح لى اوجه له بعض الاسئلة ويارب يتقبلها مهما كانت

(رخمة _ فضولية _ ملهاش لازمة )

نبدأ

---------------------------------


1-ماذا تعنى لك مصر؟؟؟؟؟


2- تخيل ان مبارك انتقل الى الرفيق الاعلى فمن ترشحه مكانه ؟؟؟طبعا غير يوسف


3-هل تعتقد انى لو ارتديت حزام ناسف وذهبت مجمع الوزراء هل اُنعت بمختلة عقلية ام انتحارية؟؟؟


-4هل تمتلكـ القدرهـ على الجلوس على كرسي الإعتراف

واالإعتراف بـ ثلاثة اشياء

لم يسبق لكـ الإعتراف بها لإحد .. ولا يعرفها الا أنتـ؟؟؟


5-لو أعطيت60 دقيقة ترجع بها إلى الماضي.... إلى أين ستعود...؟؟


6-ماهي الصفة التي ترى انها تؤثر على شخصيتك

وترى بانها من عيوبك التي تتمنى ان تتخلص منها ؟

7- التسامح قوة أم غباء ؟؟؟

8- ايه الصفه اللى بتتقالك دايما ..؟


9- هل انت فاعل ام مفعول به فى حياتك ؟؟؟



10-هل انت مدمن تفكير؟

-11هل تعترف بشيء اسمه الصداقه بين الرجل والمرأة ؟


12-ماهو رأيك فة المرأة ؟؟؟؟

13-اغمض عينيك دقيقه لو سمحت ماذا خطر على بالك وانت

مغمض العينين ؟

14_ من يسكن قلبك؟

15_ هل تعتقد ان حظك سيئ؟-

16( اللي راح راح وماتفيد كلمة ياريت ) إذا أردت ان توجه هذه الجملة الى من توجهها

17 ماذا ستكتب لنا لتعبر عن حياتك التي عشتها الى الان في كلمات قليله ؟-


هذه جزئية من اسألتى جاوب وليا عودة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سندريلا
مرشح للاشراف
مرشح للاشراف
avatar

عدد الرسائل : 501
تاريخ التسجيل : 11/07/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 09, 2008 11:44 pm

السلام عليكم
لو سمحلى جو أوجه له شويه اسئله
1-اشرحلى شخصيتك فى 3 كلمات فقط
2-هل العمل بالنسبالك غايه ام وسيلة لتحقيق طموحاتك
3-لو فرضنا انك لاقيت انتهاكات فى عملك ده من رؤسائك ولو اتكلمت ممكن يخرجوك من الشغل هتعمل ايه؟
4-ايه اكتر حاجه ممكن تخلى دموعك تنزل
5-ايه رايك فى منتدى شبابيك (بصررررررررررررررررررررراحه)
6-الى اى مدى ممكن تحب؟ يعنى مثلا ممكن يوصل المدى للجنون بالى بتحبها وتغير عليها وتخبيها من عيون الناس
7-هل انت صريح
8-لو انت ماشى فى طريق ولقيت دائره عليها نار وجواها نار وبيستنجدوا بك هترمى نفسك فى النار عشان تنقذهم ولا هتقول وانا مالى
9-لو مسكوك رئيس جمهوريه ليوم واحد ايه اول قرار هتاخده
10-لو اختاروك عشان تطلع رحله لامريكا وتختار 5 من المنتدى معاك شباب وبنات تختار مين وليه اختارت دول بالذات
11- لو خيروك انك ترجع للزمن القديم انهى زمن تحب ترجعله وليه


انتهت الاسئله انا قولت مش هرخم اكتر من كده
والسلام ختام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الثلاثاء نوفمبر 11, 2008 8:16 pm

ماذا تعنى لك مصر؟؟؟؟؟
مصر دة حاجه كبيرة جدا مصر البلد مصر الشعب من اجمل الاشياء فى الدنيا ربنا يحميهم على اسم مصر التأريخ يقدر يقول ماشأء
انا مصر عندى احب واجمل الاشياء
2- تخيل ان مبارك انتقل الى الرفيق الاعلى فمن ترشحه مكانه ؟؟؟طبعا غير يوسف
انا ممكن ارشح غير يوسف مصطفى عصام او ظاظا
3-هل تعتقد انى لو ارتديت حزام ناسف وذهبت مجمع الوزراء هل اُنعت بمختلة عقلية ام انتحارية؟؟؟
مختله عقليه طبعا
-4هل تمتلكـ القدرهـ على الجلوس على كرسي الإعتراف
واالإعتراف بـ ثلاثة اشياء
لم يسبق لكـ الإعتراف بها لإحد .. ولا يعرفها الا أنتـ؟؟؟
اولا فى اول مانضميت للشله مكنتش بحب عمرو شومان خالص انما دلوقتى من احب الناس عندى
ثانيا فى حاجه انا كنت عاوز اقولها والناس فهمتها غلط غصب عنى فى شعر بنزله فى شباك الادب والشعر انا فى الاول كنت بكتب عليه اسم المؤلف بتاعه (على سلامه) وبعدين مابقيتش امتب اسمه فبعض الناس اعتقدوا ان انا اللى كاتبه انا اى حاجه بكتبها بتاعتى بمضى اسمى تحتها
ثالثاانا غلطت فى واحد صاحبى بسبب بنت وظلمته من غير سبب ومش عارف اقول انى ظلمته فأنا بعترف ادامكم انى ظلمته
5-لو أعطيت60 دقيقة ترجع بها إلى الماضي.... إلى أين ستعود...؟؟
الى عصر النبى محمد صلى الله عليه وسلم
6-ماهي الصفة التي ترى انها تؤثر على شخصيتك
الصراحه
وترى بانها من عيوبك التي تتمنى ان تتخلص منها ؟
مش بالظبط بس انا مابعرفش اخبى حاجه او مبحبش يكون عندى اسرار
7- التسامح قوة أم غباء ؟؟؟
قوة جبارة
8- ايه الصفه اللى بتتقالك دايما ..؟
انت صريح وجدع ومحبوب
9- هل انت فاعل ام مفعول به فى حياتك ؟؟؟
انا احيانا فاعل


10-هل انت مدمن تفكير؟
انا بفكر بس مش مدمن تفكير
-11هل تعترف بشيء اسمه الصداقه بين الرجل والمرأة ؟
طبعا
12-ماهو رأيك فة المرأة ؟؟؟؟
المرأة هى امى واختى وبنتى من غير امى مكنتش انا موجود
المرأة هى نصف المجتمع هى الحاجه الحلوة فى حياتنا
13-اغمض عينيك دقيقه لو سمحت ماذا خطر على بالك وانت
مغمض العينين ؟
ان انا صلحت البرنتر بتاع الشغل وخلصت الشغل الكتير قوى اللى عندى
انا كل مابغمض عينى بتخيل نفسى فى فرحى
14_ من يسكن قلبك؟
والدتى وانسه زى القمر
15_ هل تعتقد ان حظك سيئ؟-
الحمد لله لا
16( اللي راح راح وماتفيد كلمة ياريت ) إذا أردت ان توجه هذه الجملة الى من توجهها
الى والدى
17 ماذا ستكتب لنا لتعبر عن حياتك التي عشتها الى الان في كلمات قليله ؟-
مخلفات زمن اعيد تدويرها وتصنيعها من جديد بفضل حلم

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الثلاثاء نوفمبر 11, 2008 8:16 pm

اشرحلى شخصيتك فى 3 كلمات فقط
متفائل دائما صريح صاحب صاحبى بجد
2-هل العمل بالنسبالك غايه ام وسيلة لتحقيق طموحاتك
العمل دة اللى انا فيه وسيله
3-لو فرضنا انك لاقيت انتهاكات فى عملك ده من رؤسائك ولو اتكلمت ممكن يخرجوك من الشغل هتعمل ايه؟
انا عمرى ما كنت سلبى

4-ايه اكتر حاجه ممكن تخلى دموعك تنزل
لما بحس ان ظالم او مظلوم
5-ايه رايك فى منتدى شبابيك (بصررررررررررررررررررررراحه)
حلم جميل ينقصه الكثير من الاهتمام
6-الى اى مدى ممكن تحب؟ يعنى مثلا ممكن يوصل المدى للجنون بالى بتحبها وتغير عليها وتخبيها من عيون الناس :
ممكن
7-هل انت صريح
الحمد لله
8-لو انت ماشى فى طريق ولقيت دائره عليها نار وجواها نار وبيستنجدوا بك هترمى نفسك فى النار عشان تنقذهم ولا هتقول وانا مالى
ايه الافلام الجامدة دة ارمى نفسى فى النار ليه يعنى عشان حد ماعرفوش انا ممكن اساعد اعمل ايه حاجه انما ارمى نفسى فى النار لا طبعا
9-لو مسكوك رئيس جمهوريه ليوم واحد ايه اول قرار هتاخده
هطلع ايمن نور من السجن
10-لو اختاروك عشان تطلع رحله لامريكا وتختار 5 من المنتدى معاك شباب وبنات تختار مين وليه اختارت دول بالذات
ظاظا عشان اخويا وعمرو شومان عشان ياخد باله مننا ومايخلناش نغلط وجودة عشان حبيبى وويفدينى بروحه وتيتو عشان يقودنا ويفسحنا بقى ونادر عشان يعملنا الاكل
وممكن اخد امين معانا عشان يعرف ازاى يتعامل مع الامريكان اقولك انا مش هروح وهؤدى علاء رضا مكانى اهو برضه هياخد باله منهم وجدع معاهم
11- لو خيروك انك ترجع للزمن القديم انهى زمن تحب ترجعله وليه
طبعا انا هقول عصر الرسول الكريم

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الخميس نوفمبر 13, 2008 1:37 am

كـان هنـا معك يـومـا مـا .. بـادلته الـمشاعـر :
ربمـا اعتـبرته صـديـق !!
أو حـبيب
أو حـتى أخ!!
أمنته أسرارك .. شـكوت له حزنك
و فـجـأة ..
و بـلا مقدمـات..
يطعنك فـي ظهرك فـي لحظـة عنـاق
فيــرحل ..
إلـى أيـن ؟؟
لـيكمـل طـعنته ..ينثـر أشـواك جريمته عـلـى الآخـريـن ..
ليـغرز بقـلوبهم حقـد تجاهك .. يشوه سـمعتك عند مـن يحـبوك
يبعـد عنك أحبابك يبـث رائحـة أسـرارك في كـل مكـان
ثـم يخـتفـي من حياتك
تاركـاً ورائه جـرح عميـق ينزف !! و درس لـن يمحي من الـذاكرة
و لـربما زرع في قلبك .. دعوة لـرد الـجرح بجـرح آخـر أو الأنتقـام !!
أقسـمت أنـك لـن تسامحه أبداً و لـن تنسى !!
ـٍمـر الـسـنين
لا لـن يرجـع ذلـك الشـخـص
بـل ياتيـك أحـدهـم بـخـبر مـوته
كـيف ستـكون ردة فعـلك ؟ٍ؟ٍ؟ٍ
و هـل
- هـذا الخـبر ينسيك المـاضـي ؟ << كيف و حاضرك هدمه ماضيك !!
- تتـأثر لموته و لكـن لا تبـكي ؟ << هـل محتويـات درسه كانت القـسـاوة !!
- تغـرق الـديار دموعاً عـلى فرقاه ؟ << هـل هـذا يعني أنـك عـدت لسذاجتـك التـي لقـبت بهـا بعـد طعنه لك !!
- تسـامحه و تعـفو عنه>> " كيف و أنـت فقـدت بسببه الـكثيـر " !!
أم تقـول :
مـات الـشـر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   السبت نوفمبر 15, 2008 4:05 pm

اولا احب اشكر السيد/ يوسف بلال
علي اجاباتو الجامدة جدا Very Happy Very Happy
مفيش اي تعليق خالص عليها silent
وعلشان كدة انا مديت المدة اسبوع كمان lol!
علشان كل حبايبك واصحابك يسالوك عن كل اللي نفسهم فيه Question Question
وانا هسالك حاجه خفيفه دلوقتي وليا عودة مرة تانيه
بعد ان أصبح أوباما رئيسا لأمريكا كيف ستكون سياسته تجاه القضايا العربية؟

تفتكر هيكون افضل من بوش
تفتكر هيهتم بالعرب
ولا هيكون اسوأ من بوش
مع التفسيرياباشا

تريد ان تصبح مليونيرا؟

اكلمنا عن القدرات النوويه بين العرب واسرائيل؟

هل يجب علي العرب ان يصنعو اسلحتهم بانفسهم؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ambozza
مشرف ممتاز
مشرف ممتاز
avatar

عدد الرسائل : 442
العمر : 32
الموقع : في بيتنا
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الخميس نوفمبر 20, 2008 7:29 pm

حبيب قلبي الغالي انا مش هاتقل عليك عايز اسئلك كام سؤال خفيف كده .. ممكن ياجو

عماً هي مجموعه اسئله عامه مش خاصه لاني عارف عنك كل حاجه

نبتدي

1- من الذي اكتشف الاشعه تحت الحمراء داخل المجموعه الشمسيه ؟

2- للاذن وظيفه اخري غير السمع , فما هي ؟

3- لماذا سميت غزوه الخندق بغزوه الاحزاب ؟

4- متي استخدم العرب الخيول ؟

5- مالدوله التي لها حدود مع فرنسا وبلجيكا والمانيا ؟

دول حاجه خفيفه والله انا عندي كتير بس مش عايز اسأل لاني عارف انك مشغول اوي

الاخ الصغير .. احمد شومان

_________________
No Body Is Perfect -- I'm No Body

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 23, 2008 1:21 am

كدة يا يوسف
وانت اللي كنت هتطلع براءة اول واحد فالشباب اللي اتحاكمو
شكلك هيتحكم عليك باقصي العقوبات

دلوقتي انا طالبه منك حاجتين
اولا: ترد علي الاسئله الباقيه
ثانيا: تقول الاسم اللي هتختارو يكون بعدك علشان نقدر نكمل
انت كدة وقفت المحكمه
بقينا لا طايلين سما ولا ارض
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alaapepo
مشرف ممتاز
مشرف ممتاز
avatar

عدد الرسائل : 739
العمر : 36
تاريخ التسجيل : 19/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 23, 2008 3:55 am

اطلب التاجيل فى الحكم لحين وضع الاسئله

وحيات راس يوسف هنزلها بس تتأجل بس

_________________
اذا كانت السماء تمطر ذهبا فانت تمطر حبا وحنانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tito
مشرف ممتاز
مشرف ممتاز
avatar

عدد الرسائل : 858
العمر : 35
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 23, 2008 4:22 am

وكالعادة لازم اظهر فى اللحظات الاخيره
مينفعش حبيبي يوسف يتسال وانا مدخلش فى الليله دى
ازيك يا معلم
كام سؤال كده على الماشى


1- كلمنا عن الشله كلها
من وجهة نظرك
انطباعك الاول عنهم وليه حبيت تدخل وتبقى واحد منهم وبالفعل نجحت تكون من الكبار
مين اللى خدت عنه انطباع وفعلا طلع زى ما توقعت
ومين اللى اتخدعت فيه جدا
ومين اللى استقليت بيه بس لما عرفته غيرت رايك


2- انت حاليا مرتبط

ياترى دى اكبر قصة حب عشتها فى حياتك
ولا كان فى حياتك حب تانى كبير جدا وقدرت تنساه وحبيت تانى

3- ايه اكتر مكان بتستريح جدا لما تكون فيه
غير المخزن بتاع سوفت روز

4- سيادة النائب يوسف بلال
باعتبارك نائب مدير المنتدى
ونائب رئيس جمهورية الشلة
و نائب كابتن فريق منتخب الشله
لماذا لقب نائب انت مصر عليه
هل هيه صدفة ام يوسف بلال له هدف من وراء ذلك

5- يوسف بلال دائما يسعى الى السلطة حتى لو كان مش مرشح ليها مبيحبش يبقى من الشعب
ايه رايك فى المقوله دى
صح ولا غلط
ولو صح يا ترى ليه
وايه احساسك وانت فى منصب القياده
هل هي مسؤليه ام متعه بالنسبه لك

6- بالنسبة ل ادارة المنتدى
ايه افضل قرار من وجهة نظرك اتخذته الاداره
وايه اسؤء قرار

_________________
كل عين تعشق حليوه وانتى حلوه فى كل عين ** يا حبيبتى انا قلبى عاشق واسمحيلى بكلمتين ** كلمتين يا مصر يمكن هما اخر كلمتين** حد ضامن يمشى امن او مأامن يمشى فين؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 23, 2008 3:27 pm

بعد ان أصبح أوباما رئيسا لأمريكا كيف ستكون سياسته تجاه القضايا العربية؟
تفتكر هيكون افضل من بوش
هو اكيد هيكون افضل من بوش
تفتكر هيهتم بالعرب
لا طبعا
ولا هيكون اسوأ من بوش
الموضوع مش موضوع اوباما وبوش الموضوع موضوع سياسه امريكيه محددة من 100 سنه ما بتتغيرش كل رئيس ملزم بتنفيذ هذة السياسه مفيش افضل ومفيش اسواء
تريد ان تصبح مليونيرا؟
اكيد بس ازاى
اكلمنا عن القدرات النوويه بين العرب واسرائيل؟
عموما الدول العربيه لا تمتلك قدرات نوويه مقارنه باسرائيل التى تمتلك ما بين 200 الى 400 راس نووىوتمتلك مفعل ديمونه ولاتخضع لتفتيش الوكاله الدوليه للطاقه الذريه على عكس العراق مثلا التى تم تفكيك البرنامج النووى الخاص به بعد حرب الخليج ومصر تمتلك 2 مفعل نووى للاغراض السلميه
هل يجب علي العرب ان يصنعو اسلحتهم بانفسهم؟
افلح ان صدق انا اتمنى ذلك ولكن مش هنعرف انا مابنصنعش ولاعه هنصنع اسلحه

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 23, 2008 3:29 pm

ازيك يابنى ايه الاسئله الصعبه دة

من الذي اكتشف الاشعه تحت الحمراء داخل المجموعه الشمسيه ؟
الإنجليزي وليم هرتشك هو الذي اكتشف الأشعة تحت الحمراء داخل المجموعة الشمسية
- للاذن وظيفه اخري غير السمع , فما هي ؟
تستخدم الاذن فى تعليق الحلق من هنا ليست للسمع وتستخدم فى تعليق النظارة
الكلام العلمى تحفظ التوازن
3- لماذا سميت غزوه الخندق بغزوه الاحزاب ؟
سميت غزوة الخندق بغزوة الاحزاب لان قريش اتفقت مع يهود المدينه على مهاجمه النبى الكريم فى المدينه واستطاعت قريشاقناع قبائل غطفان وبني سليم ومرّة وأشجع وأسد وغيرهم بمهاجمة المدينة بالاتفاق مع اليهود فضم الحلف قريشاً وسبعاً من القبائل وسار الجيش وعدده أكثر من عشرة آلاف4- متي استخدم العرب الخيول ؟
في عهد سيدنا اسماعيل عليه السلام5- مالدوله التي لها حدود مع فرنسا وبلجيكا والمانيا ؟
هولندا

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 23, 2008 4:48 pm

علي فكرة في الصفحه اللي قبلها في اسئله انت نستها ولا ايه
ارجع تاني وهتلاقيها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 23, 2008 4:54 pm

كـان هنـا معك يـومـا مـا .. بـادلته الـمشاعـر :
ربمـا اعتـبرته صـديـق !!
أو حـبيب
أو حـتى أخ!!
أمنته أسرارك .. شـكوت له حزنك
و فـجـأة ..
و بـلا مقدمـات..
يطعنك فـي ظهرك فـي لحظـة عنـاق
فيــرحل ..
إلـى أيـن ؟؟
لـيكمـل طـعنته ..ينثـر أشـواك جريمته عـلـى الآخـريـن ..
ليـغرز بقـلوبهم حقـد تجاهك .. يشوه سـمعتك عند مـن يحـبوك
يبعـد عنك أحبابك يبـث رائحـة أسـرارك في كـل مكـان
ثـم يخـتفـي من حياتك
تاركـاً ورائه جـرح عميـق ينزف !! و درس لـن يمحي من الـذاكرة
و لـربما زرع في قلبك .. دعوة لـرد الـجرح بجـرح آخـر أو الأنتقـام !!
أقسـمت أنـك لـن تسامحه أبداً و لـن تنسى !!
ـٍمـر الـسـنين
لا لـن يرجـع ذلـك الشـخـص
بـل ياتيـك أحـدهـم بـخـبر مـوته
كـيف ستـكون ردة فعـلك ؟ٍ؟ٍ؟ٍ
و هـل
- هـذا الخـبر ينسيك المـاضـي ؟ << كيف و حاضرك هدمه ماضيك !!
- تتـأثر لموته و لكـن لا تبـكي ؟ << هـل محتويـات درسه كانت القـسـاوة !!
- تغـرق الـديار دموعاً عـلى فرقاه ؟ << هـل هـذا يعني أنـك عـدت لسذاجتـك التـي لقـبت بهـا بعـد طعنه لك !!
- تسـامحه و تعـفو عنه>> " كيف و أنـت فقـدت بسببه الـكثيـر " !!
أم تقـول :
مـات الـشـر


انا شوفت الفيلم دة قبل كدة بس انا عشان خاطرك هجاوب على الؤال دة
انا هنسى تماما ومش هبقى مهتم بيه ولا باخبارة واذا حضرنى خبر وفاته
هقول الله يرحمه ويغفرة

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 23, 2008 5:13 pm

كلمنا عن الشله كلهامن وجهة نظرك
هقول عنها زى ما قال عنها الشاعر
شله لمضه بس غلابه وقلوبها ملاينه طيابه

انطباعك الاول عنهم وليه حبيت تدخل وتبقى واحد منهم وبالفعل نجحت تكون من الكبار
انطباعى الاول عنهم كان كويس حسيت ان دماغهم مختلفه وتحس ان هما كيان واحد دمهم خفيف كلامهم كبير قوى وساعان تافه جدا بس حلو ولذيذ قاعدتهم ما يتشبعش منها
مين اللى خدت عنه انطباع وفعلا طلع زى ما توقعت
مصطفى عصام ومحمد امين
ومين اللى اتخدعت فيه جدا
1_ نادر افتكرته شرير وطلع اطيب انسان فى الكون وافتكرته عبقرى وطلع محدود الذكاء
2_ عمرو شومان افتكرته شاب تافه وغاوى منظرة مكنتش بحبه بس طلع شاب ولا اجمل صاحب صاحبه بجد

ومين اللى استقليت بيه بس لما عرفته غيرت رايك
هو مش كدة بالظبط فى شخصيه انا كنت مابتقهاش خالص مصطفى عبدة بس ددلوقتى انا مابقدرش استغنى عنه
2- انت حاليا مرتبط
ياترى دى اكبر قصة حب عشتها فى حياتك
ولا كان فى حياتك حب تانى كبير جدا وقدرت تنساه وحبيت تانى
بس انت كدة عاوز تودينى فى داهيه بس عادى يابرنس
اة كان فى حب قديم وكان حب كبير بس خلاص قدرت انساة
وادينى اهه حبيت تانى الحمد لله وربنا ادانى اللى انا بتمناة

3- ايه اكتر مكان بتستريح جدا لما تكون فيه
غير المخزن بتاع سوفت روز
انت نسيت السطح بتاع سوفت روز كمان
بس اكتر مكان بستريح جدا لما اكون فيه بيت محمد جودة والعوامه والقهوة

4- سيادة النائب يوسف بلال
باعتبارك نائب مدير المنتدى
ونائب رئيس جمهورية الشلة
و نائب كابتن فريق منتخب الشله
لماذا لقب نائب انت مصر عليه
هل هيه صدفة ام يوسف بلال له هدف من وراء ذلك
هى طبعا مش صدفه انت عارف ان اللى فى الوش هو اللى بيتحط عليه انا فى المركز التانى بعمل اللى انا عاوزة وكلامى بيمشى وانا مش اللى فى الوش خليك ناصح
5- يوسف بلال دائما يسعى الى السلطة حتى لو كان مش مرشح ليها مبيحبش يبقى من الشعب
ايه رايك فى المقوله دى
صح ولا غلط
غلط
ولو صح يا ترى ليه
وايه احساسك وانت فى منصب القياده
هل هي مسؤليه ام متعه بالنسبه لك
هى القيادة انت جربتها مسئوليه ومفيهاش اى متعه بلنسبه ليا بس انا اساسا مابسعاش لاى سلطه بل بالعكس انا ببعد عنها وانتو فى اوقات كتيرة جدا بتحملونى مسئوليه هذة القيادة ولو تلاحظ انا فى كل المواقف الى بتستلزم اختيار قائد انا اول واحد برشح شخص غيرى سوا كان عصام او عبدة انما فى حاجات كتير انا بفضل اعملها بنفسى لانها بيكون فيها مسئوليه والحمد لله ربنا بيوفق وبشهادتكم انتم 6- بالنسبة ل ادارة المنتدى
ايه افضل قرار من وجهة نظرك اتخذته الاداره
ان هى اختارت مشرفين جدد من البنات وياريت يتفعل اشرافهم ويبقوا كان مشرفين فوق ممتاز وعمل كدة وانا معاك وماتخفش من حد وانا اضمنلك عدم الاعتراض على القرار دة وفى قرار تانى هقةلك عليه فى الاجابه اللى بعد كدة
وايه اسؤء قرار
اؤا قرار الادارة اخدته ان لحد دلوقتى مصصممه على مشرفين بعينهم
فى ناس كتير لازم تتشال من الاشراف وانا بقولك لو انت شايف ان انا شخصيا استحق اتشال من الاشراف لان فى ناس تانيه بتشتغل واحق اعملها وانا مش هعترض بلعكس انا هقف معاك وهمنع اى اعتراض اللى مالوش لازمه يتشال

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الأحد نوفمبر 23, 2008 5:19 pm

قاضينا الجميل انا بعتر عن التاخير دة غصب عنى انا مشغول جدا جدا جدا والناس
كلها عارفه ياريت يكون التأخير مالوش اى تأثير على عدالتكم المشهودة
والمعروفه عن حضرتكم يا قمر وياريت تقررى كفايه كدة محاكمه وتعلنى الحكم اوكى
ولو عاوزة تستكملى المحاكمه فى انتظار اسئله جديدة انا موافق
بس ياريت تعذرونى لو اتاخرت فى الرد
احكموا بما ترون انا لقضائكم مطمئنون

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alaapepo
مشرف ممتاز
مشرف ممتاز
avatar

عدد الرسائل : 739
العمر : 36
تاريخ التسجيل : 19/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الإثنين نوفمبر 24, 2008 3:41 am

حبى انا وعدك على القهوه من شويه انى هسألك كام سؤال خفيف

مينفعش تكون مسجون ومفرحش فيك

1- لو رجع بيك الزمن وخيروك تعيش فتره سياسيه فى مصر هتختار اى فتره وايه السبب


2-تفتكر لما جمال عبد الناصر امم قناه السويس كان لصالح الشعب المصرى

ولا لصالح قياده الثوره

3- مين اول من طالب بالديمقراطيه فى العالم

4- اول من وضع شاره السودا على صوره الموتى

5-تفتكر لو طبقنا نظام الاحتراف فى السلطه مين من رؤساء العالم

ترشحه يمسك ويحكم مصر

6 سؤال شخصى

هل لقصه الحب اللى انت عايش فيها علاقه بنزولك الجيم واصرارك على تظبيط وزنك

بمعنى اكتر هى اللى طلبت منك كده

7-بمنتهى الصراحه برغم من وجود مثقفين كتير فى الشله

هل انت شايف ان عبده يصلح يكون رئيس عليهم وبصراحه

8-هل حبك فى المسئوليه

دليل على اثبات انك انسان غير تافه

ولا عقده الرياسه

9- لو يوسف بلال تجرد من كل انواع العاطفه الموجوده به والمجامله

لعدم زعل الاخرين وبعيدا عن الاحراج وطلب منه الاتى

أ-تعيين رئيس جديد للشله غير عصام وعبده علشان انا قولت بلاش مجاملات

ب- تعين قائد للمنتخب الكروى

ج- تعيين منظم رحلات

د تعيين مسئول لحل مشاكل الشله بمعنى اخر اب روحى للشله

10- يوسف بلال اشتغل قاضى

وجاتله قضيه تحرش (شاب اتحرش ببنت كانت ماشيه فى الشارع بس ملابسها

كانت فى قمه الاستهبال)

هل هتعاقب الولد بالنظام الجديد 3 سنين سجن

هل هتعاقب الاتنين

هل هتنظر للقضيه من منظور اخر

اخر سؤال

لو انت بتعوم فى البحر وهحصل اى دروب وهتغرق وبالصدفه

اعضاء الشله كلهم راكبين طياره هليكوبتر وانت فضلت تشاور وتستنجد بيهم

بس الطيار رفض يطلعك علشان الوزن هيبقى زياده على الطياره بس اقترح ان

لو عاوزين ننقذك واحد ينط وانت تطلع بداله

تفتكر مين اللى ينط ويسيبلك مكانه ويضحى بنفسه علشانك

بس خد بالك هتحط فى اعتبارك ان كل اعضاء الشله من بتعرف تعوم

وانت متقولش مش هختار علشان اصلا مش بعرف اعوم زى ما عمل اخوك

يلا قولى مين هيعمل كده

اخيرا انا حبيت بس اعدى عليك فى المحكمه علشان انت صديقى وحبيبى

_________________
اذا كانت السماء تمطر ذهبا فانت تمطر حبا وحنانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسو
مشرف تحت التمرين
مشرف تحت التمرين
avatar

عدد الرسائل : 1273
تاريخ التسجيل : 19/06/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الإثنين نوفمبر 24, 2008 9:49 pm

ماشي يا يوسف هلتمس ليك العزر علي التاخير
بس يلا جاوب علي بيبو
وبعدين قول هتختار مين بعدك
اوعي تنسي تقول
وبعدين هنزل الحكم عليك وربنا يستر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف بلال
مشرف ممتاز
مشرف ممتاز
avatar

عدد الرسائل : 702
العمر : 37
تاريخ التسجيل : 17/05/2008

مُساهمةموضوع: رد: رحله خااااااااصه جدا ومميزة مع الاديب الكبير(يوسف بلال)   الإثنين نوفمبر 24, 2008 10:13 pm

1- لو رجع بيك الزمن وخيروك تعيش فتره سياسيه فى مصر هتختار اى فتره وايه السبب
هختار فترة محمد على عشان الرجل دة كان يبنى مصر بجد
2-تفتكر لما جمال عبد الناصر امم قناه السويس كان لصالح الشعب المصرى
ولا لصالح قياده الثوره
تاميم قناة السويس كان لمصلحه الشعب المصرى فى كل الحالات حتى لو كان الفلوس
بتاعتها بتتسرق بس خير البلد كان ليها برضه
3- مين اول من طالب بالديمقراطيه فى العالم
معرفش وحياتك عندى لو اعرف اقول بس تقريبا الفراعنه
4- اول من وضع شاره السودا على صوره الموتى
ابو عمرو شومان فى البيت حطها على صورة اخوة
5-تفتكر لو طبقنا نظام الاحتراف فى السلطه مين من رؤساء العالم
ترشحه يمسك ويحكم مصر
بوتين الرئيس الروسى السابق
6 سؤال شخصى
هل لقصه الحب اللى انت عايش فيها علاقه بنزولك الجيم واصرارك على تظبيط وزنك
بمعنى اكتر هى اللى طلبت منك كده
لا هى ماطلبتش منى حاجه هى والله اتفاجأت بالموضوع دة بس انا فعلا عملت كدة عشانها
وانت عارف حاجه زى دة
7-بمنتهى الصراحه برغم من وجود مثقفين كتير فى الشله
هل انت شايف ان عبده يصلح يكون رئيس عليهم وبصراحه
بمنتهى الصراحه واوعى حد يقول لعبدة لا يصلح بس ممكن عشان الاقدميه
8-هل حبك فى المسئوليه
دليل على اثبات انك انسان غير تافه
ولا عقده الرياسه
اولا يعنى ايه عقدة الرئاسه دة ثانيا انا مش محتاج اثبت انى انسان غير تافه
لاننى مش تافه فعلا بس المسئوليه دة الناس اللى حواليه هما اللى بيحملوهالى مش انا اللى بطلبها منهم
9- لو يوسف بلال تجرد من كل انواع العاطفه الموجوده به والمجامله
لعدم زعل الاخرين وبعيدا عن الاحراج وطلب منه الاتى
أ-تعيين رئيس جديد للشله غير عصام وعبده علشان انا قولت بلاش مجاملات
من غير زعل وبدون مجامله انا لو هختار هختار برضه مصطفى عصام
انما لو حد غير عصام يبقى يوسف بلال
ب- تعين قائد للمنتخب الكروى
علاء رضا وبدون مجامله
ج- تعيين منظم رحلات
محمد امين ويوسف بلال
د تعيين مسئول لحل مشاكل الشله بمعنى اخر اب روحى للشله
مصطفى عبدة
10- يوسف بلال اشتغل قاضى
وجاتله قضيه تحرش (شاب اتحرش ببنت كانت ماشيه فى الشارع بس ملابسها
كانت فى قمه الاستهبال)
هل هتعاقب الولد بالنظام الجديد 3 سنين سجن
هل هتعاقب الاتنين
هل هتنظر للقضيه من منظور اخر
هعاقب الاتنين طبعا بس عقاب الولد هيكون اشد لانه لم يغض البصر
والبنت هعاقبها عقاب بسيط لان هى حرة تلبس اللى هى عاوزة
بس عشان تلم الدور شويه وتلبس كويس عشان مايحصلش دة مرة تانيه
اخر سؤال
لو انت بتعوم فى البحر وهحصل اى دروب وهتغرق وبالصدفه
اعضاء الشله كلهم راكبين طياره هليكوبتر وانت فضلت تشاور وتستنجد بيهم
بس الطيار رفض يطلعك علشان الوزن هيبقى زياده على الطياره بس اقترح ان
لو عاوزين ننقذك واحد ينط وانت تطلع بداله
تفتكر مين اللى ينط ويسيبلك مكانه ويضحى بنفسه علشانك
بس خد بالك هتحط فى اعتبارك ان كل اعضاء الشله من بتعرف تعوم
وانت متقولش مش هختار علشان اصلا مش بعرف اعوم زى ما عمل اخوك
يلا قولى مين هيعمل كده
اللى هيرمى نفسه من غير تفكير احمد رمضان بلدوزر وانا واثق من كلامى

_________________
لايهمنى اسمك لا يهمنى عنوانك لايهمنى لونك ولا بلادك مكانك يهمنى الانسان ولو مالوش عنوان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رحله خااااااااصه جدا ومميزة مع الاديب الكبير(يوسف بلال)
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
افتحى الشبابيك يا مصر واسمعى كلمة شبابك :: الشباك العام :: محكمة شبابيك-
انتقل الى: