حكومة رقيقة أوي وشيك

حكومة رقيقة أوي وشيك..

بتقفل كل البيبان والشبابيك..

عشان بتخاف علينا م البرد..

لأ إحساس مرهف بجد..

الأسمنت والحديد يغلي..

تقوم تبيع الأرض..

هو ده الفكر الجديد..

اللي بيبني المجد...

وشوف الحنان والطيبة والإنسانية..

سعر تصدير الغاز..

أقل من سعر الفول والطعمية..

ده علي اعتبار إن الناس لبعضيها..

والدنيا منفاتة..

وإحنا والحمد لله..

مش محتاجين أنابيب..

والمشتري مش غريب..

جربت الشاي بالحليب

ساعة الصبحية..

قراقيش بقي وسقي يا معلم

وانسي القضية..

ده تقريباً ماحدش شايف حد

والمشتري مش غريب..

ياخوفى لبكرة تبيع البشر وتقول مالوش لازمة وعامل ازمة

صحيح حكومة رقيقة بتحافظ على الشعور

متقلقش انا هاشيلها واحط غيرها ظالم ومفترى مش شيك

والله العظيم انا مش عارف انت جرالك ايه
ايه الابداع دة كله حبيبى ياعبقرينو
سامحنى على التخير فى الرد
انا هصالحك بقصيدة عن الخصخصه