موضوع: نصائح غاليه للبنات قبل الخطوبه!!!!!! الأربعاء نوفمبر 19, 2008 6:48 pm
آنستي العزيزة لو ربنا فك عقدتك واتخطبتي فإليك نصائحي حتى تأخذي بخطيبك من مركب الخطوبة إلى محدش عارف ها ترسى على إيه إلى مثوااااه الأخير في قفص النســانــيــس قصدي قفص الزوجية السعيد
أجمل ما في الخطوبة العزومااات الرووومانسية على أحلى محلات أكــل ف البلد واللي عمرك مانتي شايفاها بعد الجواز
المهم نصائحي لك عند أي عزومة مع خطيبك واحد: لازم تعرفي ان الشوكة والسكينة بيتمسكوا من إيديهم من الطرف يعني مش م الوسط ولا م البوز ((زي الخنجر)) ولا من فوق >>> طبعـــا اااا
اتنين: ((العيش)) أووووعي تفضحينا وتقطعي الرغــيــف بسنـــانك ولا نصين بايـدك >> أوعي << العيش بيتقطع بالسكينة ف الطبق وبعدين تاخدي لقمة ... لقمة ... بالعافية قال يعني نفسك مسدوووودة اضغطي على أعصابك جدااا وبعدين لما تروّحي إبقي اعملي زي مانت عايزه
تلاته: الشووووربة (((بند الشوربة ده مهم جداااا))) الشوربة تتشرب من غير صووووت خا اااالص ومن غير ما تقعدي تنفخي فيهـــا زي القـهـوجــي اللي بينفخ ف الحجر للزبووون وطبعا ااا عايزاكـي تنسي تمـــامـــا السلطانية اللي بتقيميها على بقك ف البيت وتدلدقي على روحك بالملعقه وبدون صوت سخـــنــــه ... ولـــعـــه ... برضه بدون صووووت وتسيبي تلت الطبق ع الأقل مش تميليه عشان تـــلهطيها لآخر نقطة
خمسه: المكرووونة ((الاسباكتي يعني)) برضه بالشووووكة تتلف على طرف الشوكة لحد ما تخلص وبعدين تحطيها ف بؤك من سكــــا ااااات مش تشفطي المكرونة عــود عــود
سته: السمــك ((ده بــأه مشكلة)) شوفي بتفصلي اللحم عن الشوك إزاي؟؟؟ تقطعي اللحم من النص بالطول وبعدين تفردي اللحم ع الجانبين ولما تخلصي ناحيــة متقلبيش السمكة بـلاااااش شيلي السلسلة بالشوكة والسكينة وحطيها ف جنب الطبق وكملي أكل النص التـــاني وبدل الفـــلم الهــندي دهـ ... نصيحة ما تـــاكـــليش السمك خــــا ااالص قولي ما بحبش السمك وخلصي نفســك
سبعه: الجمبـــري إذا كنتــي عارفــاهـ أول ما طبق الجمبري ينزل بصيله وتـنهـــدي جا ااامد وقـولي : بــرضــه ؟؟؟
آل يعني زهــآ ااانــه من كتر أكل الجمبري الجامبو ف بيت بـبـا اااايــا وتروحي قاطعة راس الجمبريياية بالشوكة أنا ف عرضك إنسي المصمصة دلوقتي
تمانيه: البطاطس مسلوقة أو محمرة أوعي تهــرسيها وتدبـيـهــا ع الــرز لآ لآ لآ بالشوكة حته ... حته ... وانتي زي ما تكوني ها تعيطي من كتر ما البطاطس صعبانه عليكي
تسعه: الفــاكهة لو الفاكهة فيها بذر طلعيه من بؤك بالراحة وحطيه ف إيدك وهي مقـفـولة وبعدين ف طفاية السجاير اللي ع التــرابيزه أوعي يا حبيبتي من نظام التفتفة للبذر إنسي
عشره: ولما تخلصي أكل تحطي إيدك على بطنك >> اللي عصافيرها بتصوصو من العينات التي كلتيها << وتقولي له :: مش ممكن أنا عمري ما اتفجعت كده أنا أودامي أسبوووع هابطل أكل فيه وبعدين تمسكي الفوطة ((اللي دايما موجودة ع التربيزة من غير لازمة)) وتبوسيها >> آل يعني بتمسحي بؤك <<
عدد الرسائل : 499 الموقع : maadi تاريخ التسجيل : 17/05/2008
موضوع: رد: نصائح غاليه للبنات قبل الخطوبه!!!!!! الأربعاء نوفمبر 19, 2008 7:31 pm
ههههههههههههههههههههه انا لو منهم هاتبع مقوله واحده بتقول النبى عربى
rony مرشح للاشراف
عدد الرسائل : 540 تاريخ التسجيل : 05/08/2008
موضوع: رد: نصائح غاليه للبنات قبل الخطوبه!!!!!! الأربعاء نوفمبر 19, 2008 9:39 pm
موضوع ملطوش فى عندنا عضوه كانت منزلاه على العموم ليس على....حرج متشكرييييييييين على النصائح
123mida مرشح للاشراف
عدد الرسائل : 249 العمر : 39 تاريخ التسجيل : 31/07/2008
موضوع: طب ليه كدا الخميس نوفمبر 20, 2008 10:59 am
بيبسى ده موضوع قديم قوى بس حلو ودمه خفيف بس لمعلوماتك البنات دلوقتى هى اللى بتعزم الولاد والحال اتقلب اصل ياعينى الشباب مبقتش لقيه تاكل مش تعزم فى مكان شيك مش عارفه انت مالك ومال البنات حطيتهم فى دماغك ليه؟ - يله اعترف وأقول هى عملت فيك ايه ؟؟
مجنن البنات مشرف
عدد الرسائل : 90 تاريخ التسجيل : 18/05/2008
موضوع: رد: نصائح غاليه للبنات قبل الخطوبه!!!!!! الخميس نوفمبر 20, 2008 7:30 pm
والله ولا فى اية حاجة بس انا بحب يكون فى حماس فى الموضيع بين الشباب والبناتى
alaapepo مشرف ممتاز
عدد الرسائل : 739 العمر : 41 تاريخ التسجيل : 19/05/2008
موضوع: رد: نصائح غاليه للبنات قبل الخطوبه!!!!!! الجمعة نوفمبر 21, 2008 5:34 am
يا عم الموضوع مكرر
وبقالى 100 سنه نازل
ركز شويه وهات مواضيع اكتر
سندريلا مرشح للاشراف
عدد الرسائل : 501 تاريخ التسجيل : 11/07/2008
موضوع: رد: نصائح غاليه للبنات قبل الخطوبه!!!!!! الخميس نوفمبر 27, 2008 2:03 am
ايه يا بيبسى شادد حيلك ع البنات ليه اوى كده ارحمنا شويه يحسن انت ما تعرفش ان كيدهن عظيم ولو اتجمعنا عليك كلنا مش هنرحمك ومش هيبقى فيه وجود للبيبسى فى العالم ههههههههههههههههههههههههههههههههههههههههههههههه