التكسجى الصريح للغاية

اقل جرعة قد يكون هذا المعتوه الذي يقود بجانبي تناولها هي ربع زبيب ..هكذا قلت محدثا نفسي و انا في طريقي للمنزل مستقلا التاكسى كان هذا منذ ايام قليلة للغاية حين انعقد مؤتمر الحزب الغاشم الحزب الوطني ولان الطريق كان مزدحما بفعل العطلة لا الحزب كان لا مفر من التحدث في البداية استهل حديثه بالبلد اللي حالها واقف كعادة بني جنسه ثم اللي واكلين البلد والعة و عن الرئيس اللي رجله والقبر ثم....قال شيئا غريبا الريس شبع ومبيخدش حاجة لنفسه وان -ما معناه-السرقة اللي شغالة في البلد دي من اللي حواليه الحاشية الملكية الموقرة قلت له ببساطة ان المهم ان السرقة موجودة وان البلد راجعة لورا من غير ماتدي اشارة-عشان يفهم-فافجعني بان الريس لما يبقي هو اس البلاء احسن من الللي حواليه اندهشت متسائلا ازاي؟ قالي الريس كان بيعمل مشروعات زي توشكي والشيخ زايد واللي قبله عمل السد العالي اما دلوقتي فاخرنا نفرح لما يسفلتوا الشارع وبعديها بشهرين يجوا يسفلتوه تاني عشان يسمسروا من تمن السفلتة00قلتله االلي بني السد العالي كان ديكتاتور بيرمي الناس في السجن وورط البلد في النكسة قاللي اصل انت -لا مؤخاذة-ابن امبارح مشفتش يابيه لو كان ناصر مش موجود كان زماني متعلمتش انا بكالوريوس تجارة شعبة محاسبة دا غير ان النكسة سببها عبد الحكيم عامر و بعدين ناصر ايد نضيفة الواحد كان بيسلم عليه عند قهوة خفاجي من غير حرس ولا دياولوقلت له ايه رايك في الاخوان؟ قالي ولاد حلال عايزين يحكموا بالحق ابتسمت وقد اصبت كبد الهدف مسارعا بالسؤال طب ايه رايك ان عبد الناصر كان بيعتقلهم و حكم علي ناس فيهم بالاعدام؟ رد و قد استشاط غضبا لأنهم قلوا ادبهم عليه ده برضه يا بيه ده رئيس دولة برضه
قلت له طب مالاخوان يتسجنوا وبيتحاكموا محاكمة عسكري دلوقتي؟ رد في جهل مش احسن ما يعتقلهم القضاء بتاعنا شريف و نظيف
و بعدين انت بتحبهم اوي للدرجة دي امال السيجارة اللي في ايدك دي بتعمل ايه؟ افهمته و افحمته انني لا اطيق الاخوان مطلقا مما اثار استياؤه وعلي الرغم من الشهادة الجامعية الناصرية التي افتخر منذ قليل بحصوله عليها فقد نظر لي في ريبة قائلا وحد الله رديت في مصرية خالصة:لا اله الا الله انت فاكرني مسيحي و اطلقت ضحكة ساخرة اثارت مزيدا من استياؤه و بعدين حتي لو مسيحي يا سيدي ده ما يمنعش ان احنا مصريين ..رد متظاهرا بالعزة :لكم دينكم ولي دين قلت له ده يخلينا نسيب كل واحد يعبد اللي هو عايزه و نركز في البلد اللي راجعه ورا زي مابتقول..قالي اصلهم واكلين البلد انت مرحتش شارع فرنسا بلاش انزل رشدي و زيزينيا ..قلت له يا عم عارف معظم محلات الدهب بتاعتهم لكن هما ذنبهم ايه..قالي الفلوس دي حقنا ده كفاية ان احنا مقعدينهم وسطنا ..هنا انا الذي اثير استياؤه لا السائق..و كنت قد اقتربت من المنزل فقلت له علي جنب يا اسطي.0

تصدق انا طول القصه فاكر انك انت السواق مش هو
انت بتشتغلنى يا عم مؤمن
على الفكره الراجل ده راجل متدين صاحب فكر اشتراكى
وبصراحه دماغه حلوه
وانا من محبى زمن عبد الناصر
انا معترض معاك انك رديت عليه ب عنف يا مؤمن