تعالوا نفتح قلوبنا لبعض (دعوه للنقاش الجاد)

ده اول موضوع ينزل فى منتدى النقاش الجاد
ان شاء الله يكون المنتدى ده حلقة الوصل بين الاعضاء وبعضهم وبين المشرفين والاعضاء
>هنتكلم هنا وأى حد زعلان من حاجه يحكيهالنا واحنا كلنا هنرد عليه
لأننا اصحاب
>اللى عنده مشكله يحكيها واحنا هنحاول نساعده
لأننا اصحاب
>اللى عده حاجه سعيده يحكيهالنا علشان نفرحله كلنا
لأننا اصحاب
********************
وهيكون هنا مكان لأى شكوى
اى عضو عنده مشكله فى المنتدى يكتبها هنا
اى حد يشوف محتوى مخالف يكتب هنا مكان المساهمه اللى فيها كلام مش كويس
وكمان بالنسبه للمشرفين ممكن الاقى موضوع نازل فى شباك مش ينفع فيه
مشرف الشباك يقوم بنقل الموضوع ويكتب هنا انه نقل الموضوع ده
علشان اللى كتب الموضوع مايستغربش
*******************
لو عايزين نطلع رحله مع بعض لو عايزين نروح فرح كلنا
لو عايزين نقول اى حاجه
من هنا حلقة الوصل
ياريت هنا كلنا نتكلم بصراحه ومنتكسفش من بعض ومنخبيش على بعض
((((( لاننا اصدقــــــــــاء)))))
ولان المنتدى ده هدفه الاول اننا نكون اكبر شلة شباب من العرب والمصريين

انا بهنيك على الشباك الجميل دا فعلا وانشاء اللة الشباك دا ينجح وفعلا ندخل نتكلم ونخرج كل الى جوانا
فية ونحاول نساعد بعض
وبالتوفيق انشاء اللة

اقتباس :

وسبحان الله كل ماالموضوع يقرب وخلاص اسافر
تحصل حاجة وتمنعنى من السفر

على فكره العيب فيك انت
انت اللى ابن فقريه
انت عايز تتبخر يا يوسف

بس بأمانه يا يوسف انت تستاهل كل خير
وعلشان انت واخدها جد كده ان شاء الله ربنا هيكرمك

اولا.. أهنأ انفسنا على هذا الشباك قبل صاحب الشباك لاننا فعلا محتاجين للشباك ده ومحتاجين يكون لينا اصحاب قلوبهم على قلب بعض وبينصحوا بعض بما يرض الله ربنا يوفق يارب
ثانيا..يا يوسف انا عارفه ان حالك وحال كل الشباب فى البلد دى مش كويس بس اكيد ربنا ليه حكمه فى انك مش تسافر دلوقتى فكر واكيد هتلاقى الحكمه يمكن ربنا محتاج منك توسل ليه اكتر عشان يحققلك طلبك لانه نفسه يسمع صوت دعائك انت عارف يا يوسف لما انسان ربنا ياخر ليه حاجه هو عايزها يبقى ربنا بيحبه لانه عايزه يسمعله اكتر وهو بيدعيله ويحققله طلبه بس فى الوقت اللى ربنا كتبه ،وبعدين يا يوسف ماتنساش... بسم الله الرحمن الرحيم( وعسى ان تكرهوا شيئا وهو خير لكم ،و عسى ان تحبوا شيئا وهو شرا لكم)يمكن الخير ليك فى البلد دى مش براها ،وفيه دعاء جميل كان بيقوله الشيخ الشعراوى ربى اجعل ما احب هو الخير لى وما اكره هو الشر،وربنا يوفقك يارب ويوفقك كل شباب امه محمد اجمعين

شباك جامد وهادف

بس يا رب تكون الناس على اد المسئوليه وانا منهم بتمنى كده

شباك جميل اووووووووووى

وكمان فكرة حلوة اوى وجديدة

منتظريم منك افكار تانية جديدة

موضوووع جميييل وفكره رائعه

انا اول مرة اخش الشباك دى
بس بصراحة حلو جدا وعجبنى اوى

شباك جامد موووت وفكرة جديدة وجميلة الله ينور يا درش

مش عارفه كل الناس دخلت تهنى وتمدح فى الشباك هو طبعاً يستاهل كل الكلام الجميل
يس مش شايفه بصراحه حد اتكلم فى موضوع غير يوسف
وكمان محدش رد عليه بحاجه مفيده
يا ناااااااااااااااااااااااس عايزين نتكلم ونسمع بعض شويه
يمكن يكون الحل لمشكلة يوسف عند حد فينا ومش واخد بالله
اللى يقدر يساعد ولو باقل حاجه ياريت علشان زى ما قال مصطفى
(((( لاننا اصدقاء)))

" يوسف انا مش عارفه انت خريج ايه بس ياريت تبعتلى
انا بشتغل فى شركة اجهزه طبيه وكتتير من الناس المهندسين وكمان المبيعات اللى كانو بيشتغلوه
واخدو خبره هنا فى الشركة جالهم فرص كتتير بره ومنهم دلوقتى اللى بيشتغل فى قطر وفى السعوديه
لو تحب تبعتلى فى رسالة وانا هرد عليك واقولك تبعت الCV فين علشان تشتغل

ولو مش عايز تغير مجال شغلك ممكن برده تدخل على الموقع ده وتملى البيانات وهما بيفضلو يبعتولك
انا اشتركت من حوالى سنتين ولحد دلوقتى بيبعتولى Careermideast.com

انت انسان جميل وتستاهل كل خير واعرف ان كل شئ فى ميعاده لا بيتأخر ولا بيقدم وربنا يوفقك ان شاء الله

خلصنا يوسف ارغى انا بقة بس لازم تردو عليا
عندى مشكله فى الوقت وانا اللى عملت فى نفسى كدا
من البدايه كان كل مشكلتى ان معنديش حاجه اعملها وحياتى فاضيه جدا من الشغل للبيت والبيت للشغل
ومفيش خروج لان كل صحباتى اتجوزو واللى بيتجوز مبيكونش فاضى وربنا معاهم فى المسؤلية والمشاغل
المهم فكرت كتتتتير لحد ما قولت طيب ما اشوف شغل تانى بعد الظهر واشتغل منها احسن الدخل علشان المرتب مش بيكفى وبكمل مصروف من بابا والثانيه ان اشغل نفسى علشان مفكرش فى حاجه توجع دماغى وقلبى
المهم اشتغلت باليل وبرجع كل يوم الساعه 11 وفعلا بنام مبقتش افكر فى اى حاجه ولا فاضيه
بس مش مرتاحه برده فى حاجه ناقصه ده غير انى حاسه بتعب فظيع
بس انا عين فى الجنه وعين فى النار اصل المرتب بتاع شغل باليل حلو قوى
ده غير ان المكتب كله دكاتره ومعيدين وناس مستواهم العلمى ماشاء الله
ماذا تفعل لو كنت مكانى

noosazzz
حبيبتي انا لو كنت مكانك رح ارضا بلي الله اختارلي ياه
يعني متل ما عم اتقولي انو الشغل التاني حلو اوى والناس يلي فيه كويسين
كتير حلو هالشي والله اخترلك هالشغلة معناتا فيو خير إلك ما بتعرفي كيف ممكن يكون طريق لشغل تاني احسن او ممكن تلاقي في نصيبك بالزواج
زكلو قسمة ونصيب بالأخير ..
ابخصوص انو انت عم تتعبي والله كلنا بنتعب وما في شي بيجي بالسهل بالعكس انتي عم تلاقي مقابل لتعبك انو راتبك ما شاء الله كويس وهادا لحالو سبب يخليني استمر بالشغل وكمان الناس يلي في كويسين زي ما بتقولي

وانت بتقولي
بس مش مرتاحه برده فى حاجه ناقصه ده غير انى حاسه بتعب فظيع

اتقربي من الله اكتر يا قلبي ورمي همومك عليه واتكلي على الله واتعلقي بصلاتك ودعائك والله يخترلك يلي في الخير دايما

يارب يعجبك رأي وان شاء الله تستفادي منو

شكرا يا شذى على هتمامك والرد عليا عجبنى كلامك ومعجبنيش
فى نص جوايا بيقول اه اكمل والنص التانى بصراحه بيتلكك

وبجد بجد النصيحه بتاعتك غاليه أوى
"اتقربي من الله اكتر يا قلبي ورمي همومك عليه واتكلي على الله واتعلقي بصلاتك ودعائك "
صح كلامك وان شاء الله هعمل بيه علشان اكيد هيريحنى