المطلوب الرد من الشباب والبنات

يا جماعه انتوا فى الاول والاخر اصحاب ما تكبروش المسائل هو فعلا غلطان انه مش قالك ان الماتش اتلغى بس ممكن يكون عنده ظروف واعتقد ان الشغل جاله فجاءه والا ما كنش اتفق معاك وهو عارف انك تعبان اساله واعرف منه ايه اللى صل ما تتسرعش فى الحكم عليه

بصراحه
هى حركة وحشه اوى اللى عملها ده
انه يقولك تعالى وانت تعبان وانت جيت على نفسك عشان تلعب
وفى الاخر هو اللى ميجيش
بس بردو لازم تفهم منه مش ممكن جات فجأه ظروف فى الشغل ولا حاجه
لازم تفهم منه
وزى ماقالت سندريلا متتسرعش فى الحكم عليه


انا عن نفسى اقسمت بالله انى مش هلعب معاه فى اى ماتش يطلبنى فيه تانى

وده قرار نهائى


ليه كده بس
بص هو لو قصده انه يعمل الحركه ده فيك
يبقى ساعتها من حقك تقول كده وتأخد موقف كمااان
لكن لو هو مش قصده وفعلا كان عنده ظروف فى الشغل بقى ايا كان
يبقى لازم تتفهم موقف
ده رأيى بصراحه
بس انا عندى فضول اعرف مين هو؟

يا جماعه اللى علاء مشرده ده يبقى انا
انا فعلا ما جيتش الماتش بس اعتزرت لان كان عندى ظروف شغل
واتصلت بالناس اكتر من مره
وفعلا لعبنا ماتش قبليها ب يوم وكنا تعبانين
والحمد لله كسبنا
وانا الحمد لله طلعت من الماتش من غير اصابات
ومش لازم علشان اكون كويس اتعور
ولو انت شايف ان انا مكنتش كويس دى حاجه ترجعلك
بس انا كنت راضى عن نفسى الماتش اللى فات وكنت وحش الماتش اللى قبليه
وهيه الكوره كده يوم ليك ويم عليك
حصلى فى الماتش الاخير ظروف شغل صعبه جدا وكنت على القهوه الساعه 2 بليل
وقلت للناس تستنانى علشان اعتزرلهم
واعتزرت وكلهم مش زعلانين منى
ودخلت فى شباك الرياضه قبل ما تكتب موضوعك اعتزرت للناس وباركتلهم
وقلت للناس اللى لعبوا وهما تعبانين انهم رجاله
وفعلا هما طلعوا رجاله بجد
الا واحد بس
واحد بيحب يتكلم كتير ويعمل لنفسه منظر
عيب لما تدخل وتتكلم عن حد صاحبك كده
يا علاء لو زعلان او مش عايز تلعب معايا تانى قولى وانا هقولك براحتك
لكن مش مستاهله كل ده
او على الاقل ادخل شباك الرياضه اتكلم
طبعا هترد وتقول انا مش بقول اسماء ومش اقصدك
انا فى شباك الرياضه مقدم اعتزار وباين جدا ان الكلام ده كله عنى
مكنتش منتظر منك كل ده
شكرا يا علاء

عملت برىء ومسالم وانا اللى غلطان وعليا الحق

وبشرد صاحبى

تاالت مره تعملها

مكلمك الساعه تسعه الا ربع باليل يعنى قبل الماتش ب ساعه وربع

علشان اقولك انى مش هلعب قولتى تعالى وهنلعب احنا كده علشان مفيش حد

واكد انك هتلعب

خصوصا ان شغلك بيكون معرف تعمل ايه من اول اليوم

اقفل على الكلام واسمع اراء الناس احسن

بلاش كلام على الفاضى

يا جماعة
صلوا على النبى
انتوا اخوات
قبل ماتكونوا
اصحاب
بصراحة بقى
انتوا الاتنين غلطانين
انت غلطان يا مصطفى عشان الحركة ده
وانت غلطان يا علاء عشان فضحته
المفروض المواضيع ده بينك وبينه
ولو دخلت حد تانى فيها
يبقى انت كده بتكبر الموضوع
متزعلش من ردى يا علاء
بس انا صريحة زيادة عن اللزوم
غير كده

انا فعلا ما جيتش الماتش بس اعتزرت لان كان عندى ظروف شغل


يعنى الراجل عنده ظروف شغل
غير كده


واتصلت بالناس اكتر من مره
وقلت للناس تستنانى علشان اعتزرلهم
واعتزرت وكلهم مش زعلانين منى


ده غير كده انه اعتزر
يعنى انت عايزه يعمل ايه تانى
ياااااااااااااه
علاء انت بتشيل جامد
يعنى الراجل كان عنده ظروف شغل
واعتزر ملهاش لزمة تشردله
ده كلمة حق

سوري يا علاء قبل اي حاجه
احب اقولك الكلام الموجود فوق ده ملوش لزمه انه يتقال على المنتدى علشان مش هنقعد نتحاسب ونعاتب بعض بالكتابه والاسلوب اللي انت بتتكلم بيه ده اولا عيب ان انت تقول على واحد صحبك جمله (بالذمه ده راجل)
اولاًكلمه ماتتقلش بأي شكل من الاشكال وبعدين مصطفى كان في شغل غصب عنه وبعدين انا ماكنتش جاي ولما هو اتصل بيه في الشركه وعرفت بحكم شغله انه هيتأخر انا جيت ولعبت مع اني كنت مجهد جامد وانت عارف ان انا وهو شغالين في مكان واحد وانا عارف ايه اللي اخره يومها بس بأمانه كانت حاجه غصب عنه
وبعدين انت اكبر من كده يا بيبو

شكرا لكل الناس اللى قالت رأيها
بس ياريت يا جماعه نتكلم بصراحه اكتر بعد كده
الناس هنا بتخاف تزعل بعضها
علشان كده بيردوا ب دبلوماسيه
ياريت يا جماعه اللى غلط نقوله انت غلط
واللى يغلط يطلع يعتزر مش يزيد فيها
على العموم شكرا ل كل الناس اللى ردت
وياريت نقفل الكلام عن الموضوع ده
مش عايزين مشكله تاخد اكبر من حجمها
انا حبيت بس اوضح الصوره اكتر للناس