مش مهم إنت مين !!

إمسك قلمك
إكتم ألمك
أوعى تقول للظلم آمين
حقق حلمك
إعلن رأيك
إكتب على صدرك
ثايرين
المهم الفكر ايه
مش مهم الإسم مين
والمهم كتبت ليه
مش مهم تكون منين
المهم كتبت ايه
مش مهم كتبت فين
ليك فؤاد عمال يدق ؟
ليك حنين للناس يرق ؟
ليك دموع نازلين مطر؟
ليك أحاسيس تنفطر؟
ليك ايدين ماسكين زهور؟
ليك عينين بتشع نور؟
يبقى انت أكيد بشر
بس يا صاحبى افتكر
لو فؤادك من حجر
لو دموعك من صخور
لو ايديك ع الناس تجور
لو عينيك فيها غرور
تبقى طبعأ مش بشر
لو بقيت للحب ضد
أو بقيت للظلم يد
تبقى شيطان ولابد
تنكسر وتضيع هدر
لو بقيت للعدل مانع
او بقيت للحق بايع
تبقى فعلأ فى خطر
لو كرهت الناس تملى
أو عاديت إنسان بيصلى
تبقى ضعت ولا مفر
لو تكون انسان بحق
قول فى وش الظلم لأ
أوعى تصبح نبع ضر
أوعى تتسبب فى شر
وبإيديك ضمد جراح
خلى أيامك سماح
قوم و نادى بالصلاح
قوم وعوض اللى راح
أيوة صمم وانتصر
ضم صدرك للوطن
وبأيديك إرسم أمل
أوعى تلويك الرياح
إبنى فى الأطفال كرامة
علم الناس السلامة
واجعل الظلمة صباح
خد من الماضى جماله
مش تسلم له بحاله
ده عبير الصبح فاح
مصر يا بلد الحضارة
يا حبيبتى يا منارة
فجر أهل العلم لاح
فجر أهل الفكر لاح

والله سئافت على ايدى بعد لما خلصتها

بجد جامده وانتى ثورجيه قادمه بقوه

مرسيه على التعليق بس ممكن طلب يعنى ايه ثورجيه

ايه ياروني الجمال ده لقيت حد ينافسك في شباكك ياجووووو وعضو نازل بقوة خلي بالك من نفسك ياجوووووو.....

هههههههههههههههه
موجوده اى خدمه يايوسف