فوازير للاذكياء فقط

1- ما هو الشيء الذى كلما طال قصر؟
2- ما هو الحيوان الذى يوجد عظمه بالخارج ولحمه بالداخل ؟
3- صف من البط , بطه بين بطتين وبطه خلفها بطتين وبطه امامها بطتين , كم عدد البط ؟
4- ماهو الحيوان المائى الذى له 3 قلوب ؟
5- ما هو العضو الذى يغلق عندما يعطس الانسان ؟
6- ما هما الشيئان اللذان لايمكن تناولهما فى وجبة الافطار ؟
7- لماذا يقف تمثال الحريه فى ميناء نيو يورك ؟
8- فاكهه من 4 حروف , الرابع والثانى والاول يكون اسم حيوان مفترس , الرابع والثالث والاول شيء لا نستطيع الطهى بدونه؟

9- ما هو الشيء الذى يستطيع ان يحمل اكثر من الف طن ولا يستطيع ان يحمل مسمار ؟
10- شيء اشتريه بمالى ولا ادخله دارى ؟
11-ما الشيء الذى اذا ذبحته بكيت عليه ؟
12- ما هو الشيء الذى اذا اكلته كله تستفيد واذا اكلت نصفه تموت ؟
13- ثلاث نملات ماشين ورا بعض الاولى قالت انا ورايا نملتين والتانيه قالت انا ورايا نلمه واحده والتالته قالت انا ورايه خمس نملات لماذا ؟
14- ما هو الشيء الذى يكون اخضر فى الارض واسود فى السوق واحمر فى البيت ؟
15- اين يقع البحر الذى لايوجد به ماء ؟
16- امراه عقيم اى لاتنجب اطفالا , هل تنجب ابنتها اطفال ام تكون مثل امها ؟
17 هل يمكن للرجل الزواج من اخت ارملته ؟
18- ما هو الشيء الذى تاكل منه ولا يؤكل ؟
19- مش اختى ولا اخويا لكن ابن امى وابويا ؟
20- موجودة لديك فى كل وجبه من وجبات الطعام ولكنك لا تاكلها فما هى ؟

1- العمر
2-السلحفاء ودى بصراحه يا جماعه صاحبة الفزوره مغششهالى
3-3 بطات
6- اكيد الارانب والقلقاس لانى مش بحبهم فا مستحيل اكلهم على الفطار
7- تمثال الحريه واقف فى ميدان نيويورك مستنى البت بتاعته
9-البحر
10-عربيه هامر اصل باب بيتنا مش كبير للدرجه دى
11-البصل
12-سمسم
13- لسه صغيره ومابتعرفش تعد
14-المحشى
15- بحر الهوى
16- هههههههههههههههههه امراه عقيم اى لاتنجب اطفالا ** قشطه يا دكتوره
17- لو حلوه ممكن يتجوزها بس يتجوزها فى الجنه بقى وعليكى خير
19- انا
الباقى بقى هسيبكم انتوا تفكروا فيه
مانا لازم ادى فرصه للشباب
قشطه يا دكتوره بجد فوازير هايله

1 - صح
2 صح برضو بس انا اللى غششتك
3- صح
4- غلط
5- انت مجاوبتهاش
6- غلط
7- ههههههههههه غلط لان البت بتاعته فى بلد تانيه وواقفه زيه يعنى مش هتقدر تيجى
8- مش مجاوبها
9- صح
10- صح
11-صح
12- صح
13- بطل هزار (غلط)
14- شكلك جعان (غلط)
15-شكلك بتحب (غلط)
16- ههههههههههه قشطه
17-ههههه غلط
18- مش مجاوبها
19-صح
20- مش مجاوبها
يعنى تاخد 8 / 20 وانا مغششاك واحده يعنى 7/20
مبروك ياتيتو مش محصل درجة النجاح

تصدقى كده عيب
بتشردينا قدام البشر كلهم
طب اللى انا جاوبته غلط ماشى
بس اللى انا سايبه سايبه علشان الناس تفكر
بس انتى استفزتينى وهتخلينى اجاوب الباقى

4- الجمبرى ** ايوه الجمبرى وماتبصوليش كده ** انا قبل كده فتحت جمبريرايه لقيت جواها 3 قلوب
18- الشيىء اللى بتاكل منه بس مابناكلوش
الاونطه
مش ممكن حد يجي يقولك انا اكلتك الاونطه
اهى هيه دى بقى

20- اللى موجوده فى كل واجبه بس مش بناكلها * امى * اصلها فى اى وجبه موجوده امال مين اللى هيعملنا الاكل

شفتى بقى انا كنت ممكن اجاوب ازاى
بس انا اللى خايف من الحسد

هههههههههههههههه
برضو اجاباتك غلط غلط غلط

4- ماهو الحيوان المائى الذى له 3 قلوب ؟
معرفش
6- ما هما الشيئان اللذان لايمكن تناولهما فى وجبة الافطار ؟
مفيش حاجة ممكن تتاكل ومينفعش ناكلها على الفطار انا مره فطرت ملوخية وايه يعنى
7- لماذا يقف تمثال الحريه فى ميناء نيو يورك ؟
بتهايئلى علشان السلام وكدا
8- فاكهه من 4 حروف , الرابع والثانى والاول يكون اسم حيوان مفترس , الرابع والثالث والاول شيء لا نستطيع الطهى بدونه؟
رمان - نمر - نار
13- ثلاث نملات ماشين ورا بعض الاولى قالت انا ورايا نملتين والتانيه قالت انا ورايا نلمه واحده والتالته قالت انا ورايه خمس نملات لماذا ؟
اكيد احنا بنتكلم عن اول ثلاثة نملات فى الطابور
14- ما هو الشيء الذى يكون اخضر فى الارض واسود فى السوق واحمر فى البيت ؟
هو ممكن يكون الفلفل يبقى اخصر وبعدين يبقى فلفل اسود وبعدين يطحط فى الطبيخ يعنى ميبنش ويبقى احمر
او عندى حل تانى ممكن تكون البطيخة فى الارض خضره واتباعت فى كيس اسود

15- اين يقع البحر الذى لايوجد به ماء ؟
بحر الرمال فى الصحراء

18- ما هو الشيء الذى تاكل منه ولا يؤكل ؟
انا بتفق مع تيتو فى موضوع الاوطنه

20- موجودة لديك فى كل وجبه من وجبات الطعام ولكنك لا تاكلها فما هى ؟
اكيد المناديل بتاعت السفره

بصراحه انا كنت قرياها قبل كده الفوازير دي حليت منها الي فكراها و فكرت في الباقي

4- الاخطبوط
5- العين
6-وجبتين الغداء والعشاء
7- لانه ميقدرش يقعد
13- دي بقى ضحكتني اوي ، اكيد لانها جمعت كلام النملات الي قبلها مع عددهم 2+1+2
14- الفحم
10- يمكن فعلا زي ما قالت noosazzz بحر الرمال
16- مدخلتش دماغي ازاي عقيم وجابت بنت ولا اتبنتها
17- لا لانه ميت
18- الطبق
20- الشهيه

ان شاء الله صح

noosazzz اجابة السؤال رقم 8 و13 صح

و so what كل اجوبتها صح ماعدا سؤال النمل والسؤال رقم 14 , 10وباقى الاسئله فين ياجماعه فكرو فيها وانا هجاوب فى الاخر

يا جماعه انا قلت اجابة رقم 14 المحشى محدش صدقنى

tito انت مصمم انه المحشى مش تقول نوع المحشى اية ؟
ورق عنب ولا بزنجان ولا فلفل ما هو انواع المحشى كثير قوى

انا مضطره اجاوب على السؤال رقم 14 علشان تيتو يعرف انه مش المحشى
الاجابه هى الشاى
لانه بيتزرع كورق اخضر وبيتباع فى السوق اسود وبنعمله فى البيت وبيبقى احمر

بصراحة يا جماعة انا جايه اصبح عليكوا
مليش انا فى حكاية الاسئله الذكية ده
سنو بجد اسألتك جامده
بس انا محبتش اقراه عشان الجواب واضح من عنوانه اسئله للاذكياء فقط

1- ما هو الشيء الذى كلما طال قصر؟
ا لعمر

2- ما هو الحيوان الذى يوجد عظمه بالخارج ولحمه بالداخل ؟

السلحفاة

3- صف من البط , بطه بين بطتين وبطه خلفها بطتين وبطه امامها بطتين , كم عدد البط ؟
3

4- ماهو الحيوان المائى الذى له 3 قلوب ؟
الاخطبوط


5- ما هو العضو الذى يغلق عندما يعطس الانسان ؟
العين

6- ما هما الشيئان اللذان لايمكن تناولهما فى وجبة الافطار ؟

الغدا والعشا



- لماذا يقف تمثال الحريه فى ميناء نيو يورك ؟

مش بيعرف يقعد

8- فاكهه من 4 حروف , الرابع والثانى والاول يكون اسم حيوان مفترس , الرابع والثالث والاول شيء لا نستطيع الطهى بدونه؟

رمان



9- ما هو الشيء الذى يستطيع ان يحمل اكثر من الف طن ولا يستطيع ان يحمل مسمار ؟

ماء البحر النهر
- شيء اشتريه بمالى ولا ادخله دارى ؟

السيارة


11-ما الشيء الذى اذا ذبحته بكيت عليه ؟

البصل

12- ما هو الشيء الذى اذا اكلته كله تستفيد واذا اكلت نصفه تموت ؟

سمسم ونصفه سم

13- ثلاث نملات ماشين ورا بعض الاولى قالت انا ورايا نملتين والتانيه قالت انا ورايا نلمه واحده والتالته قالت انا ورايه خمس نملات لماذا ؟

هو النمل بيتكلم

يمكن وراها مرايا
14- ما هو الشيء الذى يكون اخضر فى الارض واسود فى السوق واحمر فى البيت ؟

الشاى
15- اين يقع البحر الذى لايوجد به ماء ؟
على الخريطة

16- امراه عقيم اى لاتنجب اطفالا , هل تنجب ابنتها اطفال ام تكون مثل امها ؟
عقيم ليس لها بنات
هل يمكن للرجل الزواج من اخت ارملته ؟
هو الله يرحمه يتزوج بقى من حوريات الجنة

- ما هو الشيء الذى تاكل منه ولا يؤكل ؟

الطبق

19- مش اختى ولا اخويا لكن ابن امى وابويا ؟

يمكن انا

موجودة لديك فى كل وجبه من وجبات الطعام ولكنك لا تاكلها فما هى ؟

الالف واللام يا الاطباق

انا نفسى فى ورق عنب ها اجاباتى بعد الغش اييييييييييه

لو هتاخدى بالنيه

والله والله والله جاوبت كل لاسئله صح قبل ما اشوف اى اجابه

انا اسفه ياجماعه على التاخير فى الرد عليكم

بس برافو يا شهد معظم اجاباتك صحيحه ماعدا سؤال النمل هو مش علشان وراها مرايا لكن علشان هى نمله كدابه
اوعى تكونى غشتيهم زى ما بتقولى؟

وبالنسبه لعلاء

انا مصدقاء من غير حلفان بس ياريت كنت كتبتها

وكان يسعدنى مشاركتك معانا يادودى يعنى حاولى تفكرى شويه زى ما عمل تيتو هو حاول وعمل اللى عليه ودبس نفسه فى عزومة المحشى (يكفيه شرف المحاوله)

لحد دلوقتى شهد هى اكتر واحده مجاوبه صح ولو هناخد بالنيات يبقى علاء معاها

بصراحة غشيت سؤال الاخطبوط

فين بقى ورق العنب

سيبك من النملة الوحشة دى كدابة والباقى صح

هههههههه
ماليش دعوه ورق العنب على تيتو هو اللى دبس نفسه فى العزومه