نجح منتخب شبابيك عن جداره واستحقاق ان يقتنص فوزاً غالياً علي نجوم الامام بهدفين مقابل هدف يقربه جدا من الصعود الي الدور قبل النهائي بنسبه 90% وبفضل الله سوف نصعد للدور قبل نهائي لتكون اول مره في تاريخ مشاركات المنتخب في الدورات الرمضانيه.
يوم ولا اروع يوم ولا اجمل حضر اللقاء تقريبا جميع افراد الشله ونجحنا في ان نسعدهم جميعا بفضل الله واقتنصنا فوز غالي جدا علي نجوم الامام.
بدأ اللقاء بتشكيل مكون من احمد رمضان في حراسه المرمي - محمد جوده في الدفاع - عمرو شومان في خط الوسط - علاء رضا ومعتز محمد في الهجوم
وكان يوجد علي دكه البدلاء : نادر عبد الفتاح - احمد شومان - مصطفي جوده - مصطفي عصام
بدأ الشوط الاول من اللقاء ببدايه سريعه من جانب منتخبنا ومن اول هجمه منظمه نجح معتز محمد في اضافه الهدف الاول الرائع , بعد الهدف امتلك فريق نجوم الامام المباراه علي امل تعديل النتيجه ولكن معظم الهجمات باءت بالفشل بفضل وجود الخبير الكبير محمد جوده الذي نجح في صد هذه الهجمات ومن وراءه احمد رمضان الحارس الممتاز وفي لحظه ارتباك من الدفاع نجح فريق نجوم الامام في ان يدرك هدف التعادل قبل نهايه الشوط الاول بدقيقتين انحصر الاداء في وسط الملعب ودفع المدير الفني بمصطفي عصام بدلا من معتز محمد وينتهي بعدها الشوط الاول.
يبدأ الشوط الثاني بنزول احمد شومان ومعتز محمد بدلا من محمد جوده وعمرو شومان وامتلك بعدها منتخب شبابيك زمام الامور وامتلك الكره في الملعب ونجح في ان يصل الي مرمي نجوم الامام اكثر من مره وسوف اطلق عليه شوط اهدار اسهل الفرص , وبالفعل اهدر احمد شومان اسهل الفرص عندما تلقي تمريره من معتز لينفرد تماما بالمرمي الخالي ولكنها تضيع بكل غرابه , ويهدر علاء ايضا , ويهدر مصطفي عصام , ويهدر معتز وكان التغيير الاخير بخروج احمد شومان من الملعب ونزل بدلا منه محمد جوده ولكن شاء القدر اخيرا وابتسم الحظ لفريق شبابيك اخيراً عندما تلقي معتز تمريره من علاء رضا ينجح معتز من خلالها مراوغه الدفاع ومراوغه الحارس واودع الكره في المرمي الخالي تماما وبعدها تأتي اغلي الفرص ايضا لعلاء رضا عندما تلقي تمريره من مصطفي عصام لينفرد بالمرمي تماما ولكنها تضيع ايضا بكل غرابه ويطلق بعدها الحكم صافره النهايه ليعلن فوز منتخب شبابيك علي نجوم الامام 2-1.
ترتيب المجموعه الثانيه بعد الجوله الثالثه
1- شبابيك 9 نقاط
2- المركز ا 6 نقاط
3- النصر 6 نقاط
4- الرواد 3 نقاط
5- كمال طه 3 نقاط
6- نجوم الامام 0
تقييم اللاعبين
1- احمد رمضان : حارس ممتاز نجح في ازاله اخطر هجمات فريق نجوم الامام اليوم ونجح في ان يكون صمام امان جامد جدا وراء المدافعين جامد يابلدوزر
2- محمد جوده : كل ماتش بتزيد فيه عن التاني النهارده انت كنت شالل الهجوم انا خلصت فيك كل الكلام ومش عارف اقول عليك ايه تاني ياجوجو يارائع
3- عمرو شومان : هاقولهالك تاني ليك وزنك معانا وانت النهارده كنت معذور لانه كان واضح عليك الاجهاد اتمني اشوف شومان المنقذ بتاع اول ماتش انت النهارده اشتركت لبعض الدقائق بس برضه كان ليك وزنك
4- علاء رضا : رمانه ميزان خط الوسط لعبت النهارده يالول برضه وانت متحامل علي نفسك وكان عندك ماتش تاني قبل الماتش ده وكان عندك الضامه لكن التمريرتين بتوعك النهارده كانوا سبب الفوز ماسيترو يابني
5- معتز محمد : اهدافك يامعتز انقذت المنتخب مرتين وانا بصراحه اطلقت عليك لقب رجل الاوقات الصعبه نجحت يازيزو للمره التانيه علي التوالي انك تهدي لمنتخبنا هدف الفوز الغالي
6- مصطفي عصام : اشتركت الشوط الثاني كله اتحركت كتير اوي وضيعت فرص كتير ولكنك بتزيد كل ماتش عن اللي قبليه روعه ياشبح شبابيك معادنا الماتش الجاي
7- مصطفي جوده : انا عارف انوا كان نفسك تشترك النهارده في الملحمه ولكن حماسك من بره كان واصل جوه كل واحد فينا في الملعب وبتشجيعك المستمر لينا وبتوجيهاتك الجميله حسستني انك كنت فعلا موجود جوه الملعب مفتقدك في الملعب ياصاحبي
8- نادر عبد الفتاح : السد العالي ماشتركش النهارده ولكنك ليك وضعك برضه وانت ماتفرقش عن بلدوزر في حاجه انتوا الاتنين واحد حماسك كان جميل اوي يانانو من بره وتشجيعك روعه ياصديقي
انا مابتكلمش عن نفسي وانتوا عارفين
اتوجه بالشكر ليوسف بلال اللي كان مدير فني النهارده للفريق اشعل حماس اللاعبين جميعا ونجح بتغييراته الماهره اننا نحصل علي الثلاث نقاط
واتوجه بالشكر ايضا لمؤمن ومحمد رجب وعمرو فكري ومحمد امين اللي كانوا متحمسين اوي من بره وبيشجعونا بحماس.
كلمه اخيره لاعضاء منتدانا متشكر ليكوا اوي ولدعواتكوا معانا مستنيكوا في المباريات الجايه ....... الجااااااااااي اصعب.
احمد شومان
الخميس يوليو 07, 2011 12:57 am من طرف الله ربى والاسلام دينى
