اسئله الضيف الثاني(تيتو)

ياريت الولاد كمان يشاركوا فى الاسئله

بس بالراحه عليه شويه

عمو القاضى هاسأل تانى تسمحلى



هل تفضل أن تعتمد على نفسك في إثبات حقك ؟؟ أم تطلب مساعدة الناس لك ؟


أُتهمت بأتهامات عديده وجهت إلى شخصك وأثارت الحيره في نفسك !! ما أول عمل تقوم به ؟؟ تحاسب نفسك ؟؟ ام تخضع لما قالوه ؟؟ ام ماذا ؟؟


ما اصعب سؤال واجهك ولم تستطيع الرد عليه ؟


( علمته الكتابه وكتب خاين ) لمن هذه الجمله تقولها؟؟

مالفرق بين الثقة فى النفس والغرور ؟؟


ماذا يعني لك القبر ؟


هل تحكم على الاشخاص من خلال كتاباتهم ؟؟


انسان صاحب معروف فى حياتك لا ولن تنساه من هو؟؟

هل تتذكر اول قرار مصيرى اتخذته فى حياتك؟ وهل كان صائب ؟

(متساهل - عنيد - مسيطر ) اكمل من خلال القوسين
تيتو .........

طلب منك انسان عزيز العون فى امر ما وكان الامر على خطأ . هل تسانده ؟

جاوب بصراحة هل لك ورد يومى لقراءةالقرآن بعد رمضان ؟؟؟؟؟؟؟

لو خيروك بين مبلغ مالى كبير جدا وصديق حميم فمن تختار ؟؟؟؟؟

سؤال خبيث جدا جدا ( هل حبيبتك تحبك ؟؟ وكم فى المائة ؟؟؟ ) شهد هتنضرب صح



كفاية علشان مش فايقة ليا عودة

ان لله وان اليه راجعون

لو لسه عايش يا مصطفى رنيلى

ادى اخرت اللى يمشى ورا البنات

اشرب يا باشا من الاسئله

اللى مضايق منه ان فى اسئله كتير متكرره وانت زى اللمؤاخذه بترد عليها تانى

اسأل انا باه اشمعن انا

1-امتى قولت لنفسك انا حمار؟

2- يوم قرفت فيه من نفسك؟

3_ ذنب عملته وقولت ربنا مش هيسامحنى عليه؟

4_يوم اتمنيت انه ميخلص؟

5_ قرار ندمت انك اتخذته؟

6_ ايه وجه الشبه بينك وبين الاسد؟

7-ايه وجه الشبه بينك وبين الكلب؟

8_كام صديق ضيعته بمزاجك؟

9_ كام صديق ندمت على صداقته؟

10_مين اللى قالك مش عاوز اعرفك؟

11_تعرف ايه عن القرد بتاع موبينيل؟

12-باى حق تقول على نفسك مهندس؟ ومش انت لوحدك انت واللى معاك فى الشركه

13- لو كنت حرامى كنت هتسرق مين؟

14-خارج انت وحبيبتك وفى عز الخروجه واحد رخم عليك وضربك على قفاك هتعمل ايه؟

15-لو روحت حمام التلات ودخلت تاخد الدش بتاعك وحصل حريقه فى الحمام وملقيتش ادامك الا قميص نوم حريمى بتاع الست مرات صاحب الحمام هتلبسه وتهرب من الحريق ولا تتحرق ومتخرجش؟

كفايه عليك كده يلا رد

ههههههههههههههههههههههه ايه الاسئله دى يا علاء ....محرجه جدا جدا

يا نهار ابيض

ايه اللى انتو عاملينه فيه ده

انا وصيتكو عليه فى الاسئله بس مش للدرجادى

حرااااااااام

يا حضرة القاضى

ينفع تيتو يستعين بمحامى فى المحكمه دى ؟؟؟؟؟؟؟؟

ادى اخرت اللى يمشى ورا البنات

اشرب يا باشا من الاسئله

اللى مضايق منه ان فى اسئله كتير متكرره وانت زى اللمؤاخذه بترد عليها تانى

يسلموووووووو يا بيبو علي الكومنت بتاعك عالموضوع

عدنــــــــــــا
مع شهد

هل تفضل أن تعتمد على نفسك في إثبات حقك ؟؟ أم تطلب مساعدة الناس لك ؟
اكيد بعتمد على نفسى
الناس مابتساعدش حد للدرجه دى

أُتهمت بأتهامات عديده وجهت إلى شخصك وأثارت الحيره في نفسك !! ما أول عمل تقوم به ؟؟ تحاسب نفسك ؟؟ ام تخضع لما قالوه ؟؟ ام ماذا ؟؟
لو انا غلطان بعترف انى غلط وبحاول اصلح من نفسى
لكن لو مش غلطان مش بسكت حتى لو الدنيا كلها مغلطانى
وبثبتلهم ان انا اللى كنت صح مش غلط

ما اصعب سؤال واجهك ولم تستطيع الرد عليه ؟
فى امتحان الرياضه فى سنة اولى كلية تجاره

( علمته الكتابه وكتب خاين ) لمن هذه الجمله تقولها؟؟
واحد صاحبى ايام الكلية

مالفرق بين الثقة فى النفس والغرور ؟؟
الثقه بالنفس ان الواحد يكون متأكد انه على صواب لانه فعلا على صواب وميخافش من النقد الموجه له من الناس
الغرور هو انسان ليس على صواب دائما ولكن يرى نفسه على حق دائما ويرى نفسه افضل الناس
للأسف ناس كتير مش بتعرف تفرق بين الاتنين

اذا يعني لك القبر ؟
مصير لابد منه وأول خطوه فى الحساب
اكيد بخاف منه جدا لانى بخاف من ربنا ومن عذابه

هل تحكم على الاشخاص من خلال كتاباتهم ؟؟
اكيد
بس مش من موضوعين ولا 3
مع كثرة الكتابه بيبان شخصية الانسان
الكتابة زى الكلام بالظبت
لو حد اتكلم قدامك كلمتين ومشى مش بتقدر تحكم عليه
لكن لو سمعت منه كتير هتقدر تكون فكره عنه
سقراط بيقول :- تكلم لكى أراك

انسان صاحب معروف فى حياتك لا ولن تنساه من هو؟؟
والدى ووالدتى

هل تتذكر اول قرار مصيرى اتخذته فى حياتك؟ وهل كان صائب ؟
دخولى كلية تجاره
وصائب ولا لا دى هتبان بالمستقبل
الخيره فيما اختاره الله

(متساهل - عنيد - مسيطر ) اكمل من خلال القوسين
تيتو ......... عنيد

طلب منك انسان عزيز العون فى امر ما وكان الامر على خطأ . هل تسانده ؟
لا طبعا

جاوب بصراحة هل لك ورد يومى لقراءةالقرآن بعد رمضان ؟؟؟؟؟؟؟
بصراحه يوميا لا

لو خيروك بين مبلغ مالى كبير جدا وصديق حميم فمن تختار ؟؟؟؟؟
مش محتاجه تفكير اكيد هختار صاحبى

سؤال خبيث جدا جدا ( هل حبيبتك تحبك ؟؟ وكم فى المائة ؟؟؟ )
الحمد لله بتحبنى
كام بالمائه دى أسئليها هيا
بس اعتقد ان النسب متساويه بينى وبينها
وانا عن نفسى بحبها 150%

اقتباس :

كفاية علشان مش فايقة ليا عودة

مستننيكى بأسئله أكتر
انا شكلى هاخد أجازه من الشغل واقعد احل فى أسئله

نيجى بقى ل علاء بيه
عسل علاء ده
عليه افيهات تجنن

1-امتى قولت لنفسك انا حمار؟
الحمد لله عمرى ما قلتها لنفسى
يا علاء مش كل اللى بيحصلك بيحصل لبقيت البشر انت حاله شازه

2- يوم قرفت فيه من نفسك؟
لو يوم كلت فسيخ
اصلى بحبه لكن بعد ما باكله ببقى قرفان قوى

3_ ذنب عملته وقولت ربنا مش هيسامحنى عليه؟
انى قلتلك تدخل معانا فى المنتدى

4_يوم اتمنيت انه ميخلص؟
اى يوم بكون فيه مع حبيبى

5_ قرار ندمت انك اتخذته؟
السؤال ده مكرر ويمكن برد على أسئله مكرره على ابقى زوق مع الناس
لكن معاك انت انا مش عايز ابقى لامؤخذه ومش هرد عليه

6_ ايه وجه الشبه بينك وبين الاسد؟
انا مش شبه حد غير نفسى

7-ايه وجه الشبه بينك وبين الكلب؟
انظر الاجابة اللى فوقيها

8_كام صديق ضيعته بمزاجك؟
مفيش حد بيضيع صديق له بمزاجه
والا مش هيكون صديقه من الاساس

9_ كام صديق ندمت على صداقته؟
واحد بس ويارب ما تحصل تانى

10_مين اللى قالك مش عاوز اعرفك؟
لسه لحد دلوقتى محدش قالهالى

11_تعرف ايه عن القرد بتاع موبينيل؟
اقولك وماتزعلش ؟؟


12-باى حق تقول على نفسك مهندس؟ ومش انت لوحدك انت واللى معاك فى الشركه
ياعم والله عرفنا انك مهندس وخريج كلية هندسة
بس انا شغال مهندس دعم فنى فى شركة برمجه
يعنى مهندس برامج حسابات
يعنى واخد دورات كمبيوتر وشهادات وشغال مهندس كمبيوتر على برامج محاسبيه
لان شغلى بيتطلب انك تكون محاسب وتكون خبير فى الكمبيوتر
يعنى شغال بشاهدة الجامعه و بشهادات دورات الكمبيوتر
فهمت يا بشمهندس

13- لو كنت حرامى كنت هتسرق مين؟
كنت هعمل زى على بابا وأسرق الحراميه
وحرامى يسرق حراميه تبقى فى بيتها مش عيب يعنى

14-خارج انت وحبيبتك وفى عز الخروجه واحد رخم عليك وضربك على قفاك هتعمل ايه؟
هتفرق أزا كان عاقل ولا مجنون
لو مجنون هوقف تاكس واخلع علشان محرجش نفسى اكتر من كده
لو عاقل ساعتها هرد نفس الضربه على قفاه وهتقلب بخناقه

15-لو روحت حمام التلات ودخلت تاخد الدش بتاعك وحصل حريقه فى الحمام وملقيتش ادامك الا قميص نوم حريمى بتاع الست مرات صاحب الحمام هتلبسه وتهرب من الحريق ولا تتحرق ومتخرجش؟
خيالك واسع قوى
مش بقولك انك عسل
ربنا يكون فى عون اللى هتتجوزك
وبرده هرد على السؤال
ساعتها هلف القميص وسطى أكنه فوطه وأخرج الشارع
ويبقى لا أتحرقت ولا كسفت نفسى قدام الناس
وحتى لو مفيش قميص اصلا هخرجلهم عريان وأيه المشكله
الرجاله مابتكسفش يا نجم
ولا انت اول مره تعرف المعلومه دى
واللى يتكسف يبقى يدارى وشه

انا كنت متأكد من ان اسئلتك هتكون بالشكل ده
بس مسيرك يوم تقعد مكانى
وساعتها مش هرحمك يا نجم

ياعيني بجد والله صعبت عليا
انا مكنتش فاكرة التتار هيهجم اوي كدة
انت لفيت يابني كعب داير
بس لسه كام يوم فالاسبوع ربنا يهون علشان نطق الحكم
بس الرد بتاعك النهاردة جامد موووووت
غير الايام اللي فاتت شكلي هغير الحكم عليك وممكن تاخد براءة والمدة مش تزيد
شد حيلك كلنا لها

ياحينى عليك يامصطفى باشا وقعت فى عش البابير والله كل لما بفكرادخل اسالك مفيش سؤال مسالتهوش لك بنت وبتصعب عليا والله شدحيلك

اولا انت عارف انى هسالك مش زى اى حد

وبعدين انا شوفت الاسئله كلاسيكيه اوى

احنا مش فى عياده دكتور نفسى

لازم نكون هاديين شويه

وبعدين احمد ربنا انا متقلتش عليك فى الاسئله

وبالنسبه لموضوع انى مهندس والله مكنتش اقصد كده نهائى

مجرد سؤل رخامه وكنت عاوز اعرف هتجاوب ازاى وطلعت زى قرد موبنيل كالعاده

اجابات واضحة وبعيدة عن الدبلوماسية

لكن بما انك بتتسأل من شهد سؤال خبيث هتقولك

افرض يوم ما تخابث شخص ما واوقع بينك وبين حبيبك هل تصدقه ؟؟

وبعيدا عن الخباثة هاسأل عن مجموعة اعترافات لكن السؤال هيختلف شكله شوية


أعترف أنني مقصر في حق .............

أعترف أنني أحــــــب بلا حدود .. ولكن.............

أعترف أنني أفصح عن مشاعري ولكن بلا............

أعترف أنني أتساهل كثيرا مع من حولي ولكني لاأغفل .........

أعترف أنني ما زلت جاهل في كثير من ...............

أعترف أنني لا أتمالكـ أعصااابي في .............

أعترف أنني أمتلكـ غيرهـ على من أحب لا ..............

أعترف أني أكرهـ............

أعترف أنني أحب الصراحة ولكن...........

أعترف أن اصراري يزداد كلمــا...........

أعترف أنني أكرهـ التصنع ولكن ...............



سؤالى الاخير( بماذا يريد ان يعترف تيتو )ومتقلقش مفيش حد هيشوف الاعتراف

غير امة لا اله الا الله

مفيش عند شهد اسئلة تانى

بجد انت اتهريت اسئله
انا ليا سؤالين صغيرين ومش هدخل تاني بس دا مش وعد مني
كلمنا باختصار عن كلا من:
ما هو الحد الفاصل بين الدين والسياسة

الصين .. نموذج جديد للقوة الصاعدة

ملامح أزمــــــة الغــــذاء العالميــــــة

يلا يا معلم جاوب

علشان انت المدير لازم يعملوا فيك كده
اقولك على حل كويس
اعمل فيها ميت ومتردش على اسئلتهم واستخبى لغاية اما الاسبوع يخلص
الله يكون فى عونك يابنى والله
وبالنسبه لالاء او علاء بصراحه اسئلتك لذيذه ومضحكه
بس انت اكيد يترخم عليه

عدنـــــــــــــــا
ورجعتلكم تانى من خلف قفص الاتهام
والمره دى أسئله شهد
ده لو انا جاسوس وقاعد على جهاز كشف الكدب مش هتعملوا معاه كده


افرض يوم ما تخابث شخص ما واوقع بينك وبين حبيبك هل تصدقه ؟؟
ليه الفال الوحش ده
ان شاء الله مش يحصل
ولو حصل اى مشكله بينا هيبقى حلها بسرعه
بس انا من طبعى انى مش بدخل حد فى حياتى الخاصه ومش بسمع لحد
فا مش قلقان من النقطه دى ولو حصل مش هصدق غير لو عرفت بنفسى ان حبيبى غلطان

أعترف أنني مقصر في حق .............ربنا وان شاء الله ابقى احسن
أعترف أنني أحــــــب بلا حدود .. ولكن.... رغم كل الحب ده حاسس انها تستاهل اكتر من كده
أعترف أنني أفصح عن مشاعري ولكن بلا... اسهاب ( يعنى مش بقولها للناس بالتفصيل لانى كتوم حبتين) بس لحبيبى بفصح عنها كلها

أعترف أنني أتساهل كثيرا مع من حولي ولكني لاأغفل .........ان التساهل ده يكون بحدود

أعترف أنني ما زلت جاهل في كثير من ............... امور دينى

أعترف أنني لا أتمالكـ أعصااابي في ..... اليومين دول اليومين دول انا عصبى شويه


أعترف أنني أمتلكـ غيرهـ على من أحب وليست عدم ثقه
دى غيره جايه من دافع الحب لكن رغم الغيره انا ثقتى فى حبيبتى بلا حدود

أعترف أني أكرهـ............ النفاق

أعترف أنني أحب الصراحة ولكن... الناس مابتحبش غير اللى ينافقها
علشان كده ممكن ناس كتير تزعل من صراحتى

أعترف أن اصراري يزداد كلمــا..... واجهتنى عقبه او مشكله بيزداد اصرارى على حلها
مبحبش احساس الفشل ولو فى اى شىء صغير

أعترف أنني أكرهـ التصنع ولكن ..... استخدمه احيانا
لما بكون عندى مشكله او زعلان من حاجه بحاول افهم اللى حوليه انى مش متضايق
واتعامل عادى
يمكن علشان زى ما قلت من شويه انى كتوم حبتين او يمكن مش بحب اشيل الناس همى
الناس فيها اللى مكفيها

بماذا يريد ان يعترف تيتو
اعترف انى مبسوط جدا من المنتدى وحاسس انى قدرت اعمل حاجه كويسه واكسب اصحاب كويسين
اعترف انى جاوبت على كل الاسئله بمصداقيه تامه
اعترف انى مبسوط جدا بالمحاكمه دى رغم انها سرقت منى وقت كتير


ا

اقتباس :

مفيش عند شهد اسئلة تانى

الحمد لله
عجبتنى قوى الجمله دىىىىىىىىىىىى
يارب كل المنتدى يقولها بقى

أسو قالت

اقتباس :

انا ليا سؤالين صغيرين ومش هدخل تاني بس دا مش وعد مني

انا احب اسجل الاعتراف ده فى المحكمه
علشان لو أسو سئلت تانى هتتحبس وهنعتقلها
وهطلع كل اللى شفته اليومين اللى فاتوا فيها

المهم

ما هو الحد الفاصل بين الدين والسياسة
انا السؤال ده قعدت افكر فيه كتير قوى
وبعد مباحثات ومشاورات مع نفسى اكتشفت ان الحد الفاصل بين الدين والسياسه
حرف الواو

الصين .. نموذج جديد للقوة الصاعدة
ايه الكلام الكبير ده
بس لو هنتكلم جد
انا نفسى أسافر الصين
عايز أروح اعمل شغل هناك واجيبه هنا مصر
ونفسى اشوف الناس هناك ازاى بتشتغل بأخلاص
ياريت نتعلم منهم
الصين مش قوه صاعده يا اسو
انا شايف ان الصين قوى عظمى حاليا

ملامح أزمــــــة الغــــذاء العالميــــــة
حرام عليكى
واحد راجع من شغله الساعه 3 ونص الفجر تكلميه عن أزمة الغذاء العالميه
بس والله مانا كاسفك هرد عليكى برده
لو بتتكلمى عن أزمة الغذاء العالميه يبقى انتى كده فتحتى مجال للكلام عن التشرد الاطفالى
االتشرد الاطفالى مش موجود فى مصر بس أبسوليوتلى موجود على مستوى العالم فى امبابة و العتبة و عابدين
تلاقى الواد قاعد تحت كبرى الملك الصالح وبيشم فى كيس الكله لحد ما وشه بقى عامل زى فردة الكوشت
اعملولهم اى حاجه
ابنولهم بيوت اعملولهم سندوتشات حلاوه بالقشطه
وقدامكوا حل من اتنين ، يا تبنولهم بيوت، يا توفرولهم الكلة

قشــــــــــــــــطه يا لمبى

لالالالالالالالالالالالا يا خالو انا مش عارفه اقولك يا خالو ولا يا بشمهندس ولا يا عمو كل واحدة مطلعه عليك اسم
المهم انت جاوبت باختصار مش مشكله
بس دا مش اعتراف انا قولت دا مش وعد مني بص كويس دا لو وعد يبقي مش هسال تاني. بس انتو شايلين مني اوي كدة ليه اطمنو يا جماعه اسو مش هتتسال نهائي لاني القاضي والقاضي مش بيتسال ماشي
بالنسبه للسندوتشات
ماتخليه مربي بالقشطه بدل الحلاوة يبقي كتر خيرك

والحاجه ساندرا داخله تهدي النفوس ولا ايه يعني ايه يعمل ميت
احسنلك تنضمي لينا بدل ما اسلط البنات عليكي انتي لسه جديدة هنا ومتعرفيناش كويس
مسيرك تبقي مكانو وهتشوفي الاسئله

لالالالالالالالالالالالا يا خالو انا مش عارفه اقولك يا خالو ولا يا بشمهندس ولا يا عمو كل واحدة مطلعه عليك اسم
المهم انت جاوبت باختصار مش مشكله
بس دا مش اعتراف انا قولت دا مش وعد مني بص كويس دا لو وعد يبقي مش هسال تاني. بس انتو شايلين مني اوي كدة ليه اطمنو يا جماعه اسو مش هتتسال نهائي لاني القاضي والقاضي مش بيتسال ماشي
بالنسبه للسندوتشات
ماتخليه مربي بالقشطه بدل الحلاوة يبقي كتر خيرك

والحاجه ساندرا داخله تهدي النفوس ولا ايه يعني ايه يعمل ميت
احسنلك تنضمي لينا بدل ما اسلط البنات عليكي انتي لسه جديدة هنا ومتعرفيناش كويس
مسيرك تبقي مكانو وهتشوفي الاسئله

والله يا درش انا كل الى اقدر اقولة( ان كيدهن عظيم) بس ربنا معاك بجد بزات معا الانسة اسو هى الى بجد مبهدلك الله معاك يا اخى وكلنا معاك انتى امر بس وحنا ننفز انتا فاهم طبعان

قبل اعلان برائتك واعلان الجانى الجديد

كنت احب انك توجه كلمة لكل من

ادارة المنتدى باستثناءك

مشرفى المنتدى

الاعضاء

لو فى بواب للمنتدى يمنع مين من الدخول

ايه اللى تتمنى تجده فى المنتدى


تقول ايه للدنيا

والسؤال الخفى اللى مفيش حد شايفه خالص (بتهرج )

تقول ايه لحسنى مبارك (مؤبد مؤبد)

بس خلا ص

سؤال ومحدش هايشوفوا
احنا خلاص رحنا فى داهيه
يابنى انت متوجهش كلام للراجل ده بالذات
خلييه فى حاله واحنا فى حالنا
مش انت اللى كنت بتقول امشى جنب الحيط
شكلنا كيد هانروح كلنا لاربع حيطان
ويمسكونا ويلقفونا لبعض ويقولولك اعترف

منه له منه له
هعهعهعهعهعهعهعهعهعهعهعهع

ما هو مفهوم التسلط من وجة نظرك؟
ولماذا تم تغير مثلك الاعلي من شخص لـ (انا)

يا شهد انا قلت انحنا مش بنخاف من حد بس لحد كدة استوب علشان كدة مش 15 سنة اعتقال دى فيها اعدام ولنتى مشفتيش الى حصل لصحبنا ايمن نوروالنبى خلينا مشين جنب الحيط ولو عرفنا نمشى جوة الحيطة يريت

ياجماعة دا سؤال برىء وبعدين انتم شايفينه ؟؟؟؟؟؟؟




هو هيقول كلمة بسيطة لبابانا


واحنا مش يهمنا ,,, وهات البحر بتاعنا لو سمحت طالما بتخاف

الاجابة لو سمحت ياتيتو وانا ( ولا اعرفك )

عدنـــــــــــا
وحشتونى فى الحبه دول
رغم ان الاسئله كتير قوى
بس انا خلاص خدت على كده

ما علينا
نرجع لأسئلة شهد

كنت احب انك توجه كلمة لكل من
ادارة المنتدى باستثناءك

مهو للأسف مفيش حد شغال فى أدارة المنتدى غيرى
بعض من مشرفين المنتدى اللى بتلاقيهم بيشاركوا معانا دايما بيشتركوا معايا بأفكارهم
وانا اللى بقوم بالتنفيز والتصميم

مشرفى المنتدى
لازم اول حاجه قبل ما اقول اى عتاب عليهم اشكرهم
انا ملاحظ ان كل الاعضاء اللى هنا بيقولوا ان فيه مشرفين مش بيعملوا حاجه ومش يستحقوا الاشراف
وانا عايز ارد عليهم
أى حد من المشرفين اللى موجودين دلوقتى شارك فى تصميم المنتدى ده
بالافكار والمواضيع
احنا فتحنا المنتدى ده على نفسنا بس لمدة شهرين مش بندخل اعضاء فيه
كنا بنزل مواضيع و بنفكر سوا فى افكار جديده وبنقسم اقسام المنتدى
انا مش هقول المشرفين زى الفل
لا هما مقصرين ومقصرين جدا فى حق المنتدى وفى ناس هتتشال من الاشراف
لكن مش عايز انكر حقهم لان لولاهم مكانش هيبقى المنتدى بالشكل ده
وفى نفس الوقت فى مشرفين معانا زى الفل وشغالين كويس جدا وبيشاركونا دايما
ياريت كل مشرفين المنتدى يبقوا زيهم علشان يبقى فى حماس اكتر

الاعضاء
الاعضاء دول الناس اللى تعبنا وعملنا المنتدى ده علشان خاطرهم
والحمد لله طلعوا عند حسن ظننا
لكن مش كل الاعضاء بيشاركوا
نفسى كل اللى متسجل يكون موجود معانا
وبحب اشكر جدا كل الاعضاء المرشحين للاشراف على مجهودهم الفوق ممتاز
وان شاء الله تقسيم المشرفين الجدا هيكون فى العيد
انا مكنتش لاقى وقت اقسم المشرفين اليومين اللى فاتوا
وهنتهز فرصة اجازة العيد واغير حاجات كتير فى المنتدى

لو فى بواب للمنتدى يمنع مين من الدخول
اى حد داخل المنتدى ل مصلحة شخصيه فقط وممكن يئزى اى حد من الاعضاء بتصرفاته

ايه اللى تتمنى تجده فى المنتدى
اعضاء كتير قوى وكلهم يكونوا بيشاركوا

تقول ايه للدنيا
اقول للدنيا انها غداره قوى ويوم فوق ويوم تحت
يمكن اكون اليومين دول مستريح والحمد لله بس خايف من غدرها
واقدر اقول على الدنيا




*************************************
نيجى بقى للسؤال الخفى اللى كل الناس خايفين منه
وانتوا خايفين ليه كده يا جماعه
محدش بيموت ناقص عمر
على العموم انا احب اقول اجابه على السؤال اللى شهد سئلته
هقوله كلمتين حلوين



نظرا لأن النعمة فاقت حدها
ولأننا مش قدها
ولأن فعلاً إنجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك.......نسترحمك
نستعطفك......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
إسمع بقى
إحنا زهقنا من النعيم
ونفسنا في يومين شقا
عايزين نجرب الإضطهاد
ونعوم ونغرق في الفساد
بيني وبينك حضرتك
دا شعب فقري مايستحقش جنتك
أنا عارف إنه شعب ماينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد "غازُه" لإسرائيل
ويومين كمان ويمد النيل
أهو يعني نشرب ميه واحدة
ندوب في بعض
ماء وماء وماء
ونفض سيرة الإنتماء
وبلاها نعرة وطنطنة
وتبقى البلاد "مستوطنة "
متسلطنة ومتسرطنة
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
خيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وإرضى بقسمتك
دا شعب مش فاهم أكيد
يالا أُطرده من رحمتك
وإن كنت غاوي الحكم
خليك مطرحك
حاغطس وأقب وأعود
بشعب يريحك
راضي وعمره مايجرحك
أخرس وما بيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم


هو حد يقدر فينا يقول غير الكلمتين دول
لو انتى نفسك يا شهد تقولى حاجه غير الكلام اللى انا قولته تقدرى تقوليها
واحنا هنبقى نيجى كلنا نزورك

نيجى بقى لأسئلة محمد امين
وفعلا لما أمين يسئل لازم يقول كلام كبير
محمد امين يا جماعه كان فى وقت من الاوقات عبقرينوا الشله
بس هو دايما يختفى
واضح انه مش بيحب يستخدم عبقريته
بس حتى لو عبقرى عبقرى على نفسه
انا بقطعه فى الشطرنج واخر مره كسبان 4/2
وعلشان مابقاش كداب دى المره القبل الاخيره
لانه بعد الهزيمه الكبيره دى بيوم جالى وقالى تعالى نلعب تانى وكان زعلان قوى
سبته يكسبنى دور من نفسه علشان مايجيلوش عقده نفسيه
يلا اهو كله بثوابه

المهم
امين بيقول

ما هو مفهوم التسلط من وجة نظرك؟
هو مفهوم يصف شخصًا ما وهو يؤذي أو يحاول إلحاق الأذى بشخص آخر، والمتسلط مهووس بحب السيطرة على الناس والأحداث.فهو يزعجنا بوعوده ويهلل لنقاط ضعفنا ويطالبنا بثقتنا وأصواتنا وحياتنا، ولا يستخدم نفوذه إلا عند الضرورة، ويبدو بمظهر الإنسان الودود حتى تسنح له الفرصة للحصول على السلطة.
إن الاقتران بالمتسلط يضعك أمام خيارين:أن تكون مثله، فتنجو أو عرضة للتسلط فتستسلم وتصبح ضحية.

ولماذا تم تغير مثلك الاعلي من شخص لـ (انا)
يمكن كان ليه مثل اعلى وانا صغير شخص معين
والدى او عمى
لكن انا حاسس انى مش زى حد
انا مطلعتش زى ابويا ولا اقتنعت بكلامه انى اشتغل فى الحكومه
ولا طلعت زى عمى
ولا طلعت زى حد
انا بعد ما اتتخرجت من الجامعه اكتشفت انى مش زى حد ولا عايز ابقى زى حد
وعلشان كده لازم يكون انا المثل الاعلى لنفسى
ولو حد فيكم عايز ياخدنى مثل اعلى انا معنديش اعتراض
يلا عدوا الجمايل