أهلاً بكم في يوم جديد من يوميات سائق تاكسي ....

المرة دي بقى رجل وسيدة مع بعض.
الرجل: تاكس... ثم يذكر المكان
السائق: اتفضلوا.
يدخل الرجل والسيدة لتاكس وبعد لحظات ...
يقول الرجل للسيدة ..أنا كان معايا ورقة ب100 جنيه انتى خديها؟؟؟؟
السيدة : أيوه خدها
الرجل: طب هاتيها!!
السيدة: اللي يدخل الشنطة مبيطلعش تانى!!
الرجل: دي بتاعة الشغل كنت هشتري بها بتاعة
السيدة: اللي بيدخل الشنطة مبيطلعش تاني!!
الرجل: طب خدي 20 حنيه وهاتى 80!!!
السيدة: اللي بيدخل الشنطة مبيطلعش تاني !!
الرجل: طب خدي 30 وهاتى 70
السيدة: منتش واخد حاجة!!!
يسكت الرجل بعد ذلك ثم تنزل السيدة من التاكس وهى تقول لزوجها...أنا رايحة عند أمي وأنت روح
الرجل: حاضر...مع السلامة خلى بالك من نفسك!!!!!!!!!!!
وتذهب السيدة وينطلق السائق بالرجل ...ثم يقول الرجل للسائق...دي الستات دي عاوزة ضرب النار...يا ساتر...لو ربنا يحرقهم...يا سلام
السائق: معلش ...معلش...كبر دماغك
وبعد لحظات ينزل الرجل من التاكس متوجه إلى منزله كما أمرته زوجتة
ربنا يستر علينا علشان كدة انا مش هتجوز

مش كل الستات كده ومش كل الرجاله كده يا مؤمن
وانا ليا تعليق واحد بس
انت بتقول ليه انك مش هتتجوز
فى ناس ممكن تفهم غلط

انا مش فاهم اية قصدك يا تيتو يعنى اية الناس تفهم غلط

هههههههههههههههههه هو خايف منها بيشتمها بعد ما نزلت بالفلوس

ليه بتظلموا الستات كده

زى ما فى ستات وحشه فى رجاله برضو وحشين


احنا بشر وكلنا فينا الكويس وفينا السيء سواء كان رجل او امرءه

رجالة اخر زمن
وبعدين عندها حق اللى بيدخل الشنطه مبيطلعش تانى
امال احنا بنشترى شنط ليه

انا بقي داخله هنا عاوزة افهم
مين اللي هيفهم غلط؟
وانت مش هتتجوز يا مؤمن ماشي ماشي انا فتانه بقي وهروح افتن وانت عارف بقي الباقي............
وما ادراك من الباقي اسو حطت منخرها يبقي ربنا يستر
وايه يعني 100 جنيه هيا بتكفي حاجه واه حصرتاااا وهو في بتاعه ب 100 ج

حنفى

خلاص هتنزل المراتى بس بعد كده لامومكن

وانت طبعا فطسان على نفسك من الضحك
منا عارفك مبطبطلش ضحك يابن الايه على مخاليق ربنا
ولا الصوره اللى انت حاططها دى مبتفكرش بحاجه
بس على فكره فى رجاله جامدين اوى ومغلبين الحريمات وانت عارف طبعا مين
وبعدين على راى المثل القائل
((الشهر اللى مالكش فيه متعدش ايامه )) ولا ايه ياصديقى والحدء يفهم بقى

ايه يانؤنن مش عايزتتجوزليه يانؤنن هه اهي اسو هتفتن عليك شوف بق ايه اللي هيجرالك يامعلم ..........وابقي سلملي عليه.......

احنا رجالة وولاد رجالة والحمد لله مبنخافش من حد واللى ليه عندنا اى حاجة يجى يقول عليها احنا مبنتهددش من حد ومفيش حد يفكر حتى انه يهددنا ياسكر

طب ونبي اهدي شويا وهدي اعضائك انت والاور التاني ونبي
محصلش حاجه لكل دا دا كلام عادي وهزار يعني
وبعدين انا مش سكر وليا اسم وانت عارفو