قالوا لي بتحب مصـر
أنا قلت مش عــــارف
بس السؤال م القهــــر
وللا حـــنين جــــارف
وللا أنـيـن مكـــتـــــوم
بيقــولـه نــاي عــازف
عـــلي غــــزالـة تئــن
مـن جـرحهـا النــازف
وإزاي أقــــول أنــالأ
والقلب طــــير لايــف
ومـنـيـن أقــــول أيـوا
لو كـنت يوم خــايــــف
قالوا لي بتحب مصــر
أنا قلت مش عـــــارف
قالوا لي بتحـب مصــر
قـُلت القلـب مسْـكـنهـــا
وإزاي ماحـبِّش مصـر
وأنا من أصـل سكانهــا
تعشــقها روح الغــريب
لو زارهــا وسكـــنهـــا
بــلد الحـــبايب بلـــــدي
لو مــت أســــكــنهــــا
وإن يوم رمتنـــي في ضـيق
وجرحــــني ســـكينهـــا
كـــل الجــــراح بتطـــيب
لـــو دقـــت مــاء نــيـلهــا
قــالـوا لي بتحــب مصـر
قُـلـت الحــب دا كـــلمة
ممكـــن تقولهــا لشــيخ
لزعــــــــيــم أوعـــالمـة
وتقـولـهــا كــــل النـــاس
لـمَّـا تـِـكــُــون حـــالـمة
لكـــن يقــولهــــا قــلـب
مــدبــوح بـِمُــوس تـالـمة
وتــقــولـهــا نظـــرة عين
فـــي دمـعـهـــا عـايـمـــة
وتـعـيـــش بـهـــا أرواح
بـــــرَّا الحــــدود هـــــايمة
يبقي دا حــــــــب أكــــيد
ومـحــــبـتــه دايــــمــة
قـــــالوا لي بتحــب مصـر
أنـا قــلـت دي غـــرامــي
واللــــي بيعـشـــــق مصـر
عـشـــقـــه أكــــيد ســامي
ياللــي هـــــواها أســـركم
وأســــــرني فـي كــــلامي
الآَهــَــا فـــي حُــبـِّـكُــــم
والنـُّــوح فــــي إلهـــامي
هــــو دا ســـــر الخــــلود
وســــهـــمهـــــا الــــدامي
إكْـتِـب شُــعـورك ياقـــلـم
فـُصحــي وكــلام عـاميِّ
حـب الوطــــن ديــنـــي
وصـــلاتـي وصــيــامــي
قالوا لي بتحب مصــــــر
رديـــــــت بـتـــألــيــفـة
وقـــلــت لــعـيــــالــي
ومـــراتــي تــســـقِـيـفــة
الحــــــب دا كــــلـــمـة
ومـصـــر تـَـوْلـِــيـفـــة
أمـــيــرة فـي قــصــرها
لــطــــــــيـفـة وعــنـيـفة
غـجـــــرية فــي حـبــها
وعـظــــيـمـة وعـــفـيفـة
قــــــامــة وهـــــــامـــة
ســــلـطـان وتــشــريفة
جــمعـت خصال الزعامة
وعــيــالـهــــا حــَــرِّيفـَة
حــكــمة وطــــب وفـــلك
وألـــــــف تـــوصـــيفـة
شـــعـــرا وأدبـا ونـاس
في الفــــن كَــيِّــيـفـَــة
لكــــن ســاعــات يطــــلع
واحــــــــد بتخْـــرِيــفَـة
ويْـشـِـــلِّ نـبـض الـوريـد
فـــيـنـــــا بِـتَخْـــــوِيـفـَة
يــــــزرع تقــــــاوي الغل
ويحـــلـل الجــــــــيـفــة
ويــْبـِيــعـْنـــا بـالـدســــتـه
والـــكــــوم بـِتـعــريـفـة
قـــالوا لي بتحب مصـــــر
أنـا قــلـت مــش عـارف
وفـتحـت بـاب في القــلـب
وقـــلــت لــه شــــايــف؟
الخميس يوليو 07, 2011 12:57 am من طرف الله ربى والاسلام دينى
