شبابيك يسطر اروع الحكايات .. والمركز ب الي سله النفايات ( شبابيك في النهائي )

امسكوا الخشب ياحبايب .. بفضل الله وبحمده نجحنا في الوصول الي نهائي الدوره الرمضانيه المقامه في نادي المعادي الجديده .. لاول مره في النهائي وان شاء الله هانكملها بالكاس ان شاء الله

مبرووووك يااجمد رجاله .. مبروووووووك يااحلي اعضاء .. مبروووك لكل واحد جنبنا وساندنا ...... مش عارف اوصف فرحتي قد ايه ومش عارف اقول ايه اكتر اني اقولكوا مبروووووووووووووووووووك



اتجهت الانظار في تمام الساعه العاشره الي ملعب نادي المعادي الجديده لتري اهم حدث في تاريخ اجمد شباب في المعادي

بدأت المباراه بتشكيل مكون من احمد رمضان في حراسه المرمي - محمد جوده في الدفاع - علاء رضا في الوسط - مصطفي عصام ومعتز محمد في الهجوم



ابتدت المباراه بدقيقه حداد علي روح والد الكابتن خالد ابو بكر الذي وافته المنيه يوم الاحد الماضي وابتدي بعدها الشوط الاول من المباراه ونجح علاء في اقتناص اول كره من لاعبي خط الوسط ونجح في ان يمررها لمصطفي عصام ولكن مصطفي عصام يضعها بجوار القائم وابتدي فريق شبابيك في الضغط علي مفاتيح لعب الفريق المنافس ونجح في ان يصل الي مرمي المنافس اكثر من مره ولكن مازلنا نعاني من اهدار الفرص السهله ومن احدي الهجمات يصوب معتز كره قويه ولكنها تحول الي ركنيه.. ينجح علاء رضا في رفع كره جميله وبالمسطره علي راس مصطفي عصام ليضع مصطفي عصام فريقه في المقدمه , بعد الهدف يهدأ رتم الاداء قليلا ويستحوذ فريق المركز علي الكره ولكن بدون خطوره علي مرمي احمد رمضان بعدها يطلق الحكم صافره نهايه الشوط الاول معلنا تقدم فريق شبابيك بهدف مقابل لاشئ.

ابتدي الشوط الثاني باستمرار الاستحواذ لفريق المركز ب ولكن ايضاً بدون خطوره علي مرمي احمد رمضان ويجري فريق شبابيك تغييره الاول بنزول عمرو شومان بديلا مصطفي عصام ويمتلك شبايبك الكره مره اخري وينجح في ان يصل الي مرمي المنافس ولكن الفرص تضيع بكل سهوله , ومن خطأ ساذج لحارس مرمي الفريق المنافس ينجح علاء رضا في احراز هدف الاطمئنان لفريق شبابيك , وينتفض بعدها فريق المركز ولكن بفضل الدفاع الناجح بقياده البارع محمد جوده وعمرو شومان نجحوا في صد كل هجمات الفريق المنافس , ونفس الخطأ الساذج للحارس المنافس ينجح عمرو شومان في اقتناص الكره ولكنها تبعد عنه وتخرج رميه تماس لفريق المنافس , وبعدها يخرج النجم الواعد محمد جوده ويدخل بديلا منه مصطفي جوده ليئمن الدفاع اكثر واكثر ,, ومن عجائب الدوره حتي الان ان تطفأ كشافات الملعب جميعاً ويظل الملعب مظلم اكثر من ربع ساعه ,, وبعدها يعود النور الي الكشافات مره اخري ويستبسل دفاعات شبابيك في صد الهجمات بعدها يطلق الحكم صافره النهايه ليعلن وصول فريق شبابيك الي النهائي الحلم.

ابطال الملحمه

من اليمين واقفاً : مصطفي عصام - مصطفي جوده - معتز محمد - احمد شومان - يوسف بلال ( المدير الفني )
من اليمين جالساً : عمرو شومان - احمد رمضان - علاء رضا - محمد جوده

تقييم اللاعبين

1- احمد رمضان : لم يختبر كثيرا اليوم ولكنه نجح في ان يكون السد العالي في الكرات القليله التي وصلته -- عايزين تركيز اكتر في الماتش الجاي
2- محمد جوده : من وجهه نظري انت تستحق اكتر من انك تكون احسن لاعب في الدوره دي انت النهارده كنت عالي اوي وكنت سد منيع -- كبير اوي ياجوده
3- علاء رضا : رغم تعبك النهارده ورغم انك عندك برد لكن مازلت مايسترو شبابيك الدائم - الهدف اللي انت جبته مايجبوش غير لاعب مايسترو - روعه ياصديقي
4- مصطفي عصام : صاحب ضربه البدايه القويه ونجحت في ان تقود فريقك الي النهائي الحلم مستنين نصورك وانت بترفع الكاس جامد ياصاصا
5- معتز محمد : اهدافك الصراحه وحشتني اوي بس مشاركتك مؤثره اوي ونجحت النهارده بكام تمريره انك توصل الناس الي المرمي وكان ناقص بس الاهداف
6- عمرو شومان : ثقتك في نفسك جميله اوي النهارده كان نفسي الكوره تطاوعك وتحرز اغلي هدف ليك جامد ياموووووورا
7- مصطفي جوده : الحماس اللي شوفته في عينك النهارده مش قادر اوصفهولك والصراحه لما محمد خرج ماحستش ان محمد خرج جامد ياجوده ياصديقي

انا النهارده مالعبتش بس هما رجاله وانا فرحان بيهم اوي ومافيش مابينا النجم لان النجم هو الفريق كله

ان شاء الله في موضوع بكره عن ماتش النهائي

مره تانيه بقول مبرووووووووووووك يارجاله .. مبرووووووووك يااروع اعضاء

باقي علي التورته خطوه دعواتكوا معانا

احمد شومان

مليووووووووووووووون مبروك
للمره السادسه بدخل وببارك
الفوز السادس على التوالى
بس المره دى ليه طعم تانى
المره دى الفوز ده وصلنا النهائى
وان شاء الله النهائى يوم الاحد الساعه 9 ونص
هيبدأ بحفل قبل بداية المباراه ثم المباراه ثم تسليم الجوائز
ان شاء الله نرفع الكاس
وان شاء الله ننزلكم الصور على المنتدى
معلش الصوره جودتها قليله شويه بس الاضائه قليله واحنا كنا بنصور بتليفون علشان كده مش ظاهره قوى
وعلى فكره اللى يشوف الصور دى ويشوف منظر العيون فيها هيقول اننا عفاريت مش بنى أدمين
بينى وبينكم الشباب دول عفاريت بجد
احنا ابهرنا كل اللى حوالينا وخلينا كل الفرق مرعوبه مننا
بس نوعدكم المره الجايه ب صور افضل مع الكاس ان شاء الله
ا
شكرا للتقديمه الجميله يا امبوزه
وكان نفسى تشارك معانا الناهرده بس الاصابه بعدتك عن المباراه
لكن كنت مساعد للقائد العظيم يوسف بلال من على الخط
طبعا بشكر يوسف ومؤمن وبيبسى وكل اللى ساندونا من خارج الخطوط
واكيد بشكر شباب وبنات المنتدى اللى معانا بقلبهم وبيودعولنا دايما
محتاجين لدعاكم جدا الماتش اللى جاى
يوم الاحد من الساعه 10 لحد الساعه 12 تقعدوا تدعولنا
معلش هنتعبكم معانا
بس ان شاء الله يبقى يوم جميل علينا كلنا
مبررررررررررررررروووووووووووووك

الف ومليووووووووووووووووووووووووووووووووووووووووووووووووووووووووووووووووووووووووووووووووووووووووووووووووووون
مبروووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك
على اجدع واحلى واحسن شله فى الدنيا ومبروك ليا انا كمان
ياجماعه محدش هايتصور فرحتى قد ايه انا طلعت قبل نهائى فى دوره قبل كده من زمان
بس بجد مفرحتش زى مافرحت النهارده
النهارده يوم تاريخى فى حياة شلة شبابيك وبجد اللى كان موجود فى الملعب النهارده وشافنا كان انبهر
احنا نفسنا كل واحد انبهر من اللى بيعملوا التانى
فعلا نستحقها رغم اللى حصلنا والمطبات اللى قابلناها لكن انا بعتبر الفرحه تمت
وانشاء الله انشاء الله هانكمل وربنا معانا
اما التقييم فطبعا مافيش بعد صديقى كلام
واما الصوره فعفاريت عفاريت يلا خلى الناس تخاف شويه من الجدعان

ماشاء الله عليكوا يارجاله
ربنا يزيد ويبارك فيكم
متزعلوش منى انا كنت فاكره الشله شباب صغنططين
بس انا اللى طلعت طفله بالنسبه ليكوا كلكوا سنكوا شكلوا كبير
الف ومليوووووووووووووووووووووووووووووون مبروك ليكم

وانشاء الله هدفكوا يتحقق والصوره مش وحشه ولا حاجه هى دايما صور اللعيبه الكبار بتبقى كده

وانشاء الله لو كسبتوا ليكوا عندى غديوه حلوه فى العيد هاعملهالكوا بايدى


صديقتكم الجديده

كده فهمت سر الفوز اكيد بتخوفو الفريق المنافس بعيونكم العفاريتى

الف الف مليون مبروك وعقبال النهائى

ربنا ان شاء الله هيقبل دعانا ليكم ومن دلوقت لميعاد الماتش هاندعيلكم

واقبلو منى الورد ده (خلصتم ورد جنينتى )








الف مليون مبروك

عايزين ماتش ليكوا
هانشجع من غير مانتفرج ولا ايه

فعلا رجالللله بجد الف ملييونننننننننننننننننن مبرررررررروك بجد انا سعيد جدا بجد باخوانى الى شرفو الشله كلها ومن قلبى بقلهم يارب يارب يكملها بلخير فى النهائى ان شاء الله باذن الله نفرح كلنا بالانجاز العظيم الى اتعمل ويارب يارب فى الايام المفترجه داه يكمل مجهودات كل واحد شارك فى هذه الدوره ان يشد حيله ويبقى راجل فى النهائى ان شاء الله والموقف داه بيفكرانى بلاعيبت المنتخب مصر لما خدنا البطوله خارج ارضنا حاسس من الناس كلها انهم عندهم الاراده والتصميم على النجاح لحد النهايه وفى اخر كلامى بجد الف مليون مبروك ومش عاوزين نفرح الا الفرحه الكبيره لما ناخذ الكاس وانا من اليوم هكون موجود وبرد على كل الموضوعات فى المنتدى والشباك بتاعى ان شاء الله يفتح وتشوفو فيه حاجات حلوه تفيد جميع اعضاء والزوار المنتدى ان شاء الله
ومن هنا بقول رمضان كريم وكل سنه وانت طيبين بمناسبه عيد الفطر المبارك اعاده الله علينا بالف خير وشكررررراا على مجهادتكم

طبعا مليون مليون مبروك بس

انا دايما بؤمن ان اللى بيضحك فى النهايه بيضحك طويلا

انا فرحتى بجد لما اشوف الكاس ادام عينى وبين ايدى

يا جماعه كلنا تعبنا بجد للوصول للمستوى ده والتجانس ده مع بعض

كل الناس عارفه انا لعبت الماتشات ازاى من (شد فى الضامه وبرد ومزق)

بجد مواقف صعبه بس اصحابى وقفوا معايا فى الماتشات وكسبنا

يا رب تكمل على خير يا رب
ا
انا بس ليا تعليق على الهدوء المزعج

قال انه طلع قبل النهائى مره بس مقالش رجع ولا لسه

شكله لسه مرجعش