عملنا اللي علينا .. لكن ربنا مااردش

انا كل مره بدخل وبكتب اروع الكلمات لكن النهارده انا مش حزين ان احنا خسرنا بس كنا نفسنا تكمل فرحتنا بالمركز الاول لكن ربنا زي ماقلت مااردش والحمد لله انا راضي بنصيبي واعتقد ان كله راضي بنصيبه زيي النهارده عملنا اللي مفروض يتعمل بس التوفيق ماكنش معانا انا بشكر كل من ساند فرقتنا سواء بالدعاء والتشجيع كان نفسنا نفرحكوا اكتر من كده بس اهه بقي خيرها في غيرها وتتعوض ان شاء الله اسيبكوا مع الصور اللي بتبين فرحتنا بكأس المركز التاني



انا اخترت الصور دول لانهم احسن صور لينا كلنا ... بقول الحمد لله علي اللي احنا وصلنا ليه والحمد لله نجحنا السنه دي اننا نحصل علي المركز التاني وان شاء نوعدكم في الدوره الجايه هانكون الاول باذن الله ...... شكرا لمتابعتكم واتمني اننا نكون عند حسن ظنكوا

احمد شومان

ربنا يوفقكم ياجماعه ان شاء الله

انا بقول دائما للفائز الف مبروك والخاسر هارد لك

بس انتوا بقولكوا مبروك والف مبرووووووووك انتوا عملتوا اللي عليكوا وانا عن نفسي فرحانه ليكوا اوي وان شاء الله السنه الجايه بقي احنا اللي هانيجي ونشجع مبرووووووك ياشباب شبابيك

بجد ياجماعه شكلكوا يفرح جدا وماشاء الله عليكوا وربنا يحميكوا لبعض

معرفش اقول ايه بصراحه بس كل ده علشان مرضتوش تخلونى اتفرج عالماتش معاكوا

انا شايفه كاس فى ايديكوا معنى كده انكوا تعبتوا وتستحقوا مكافأه وربنا بيجازى كل شخص على قد تعبه ومجهودوا

الف مبرووووووووووووووووووووووووووووووووووووووووووووووووووك يارجالة منتدى شبابيك وانتوا مخسرتوش بدليل ان فى ايديكوا مكافأه اينعم حلمكوا اكيد كان اكبر من كده

بس مفيش حاجه بتيجى مره واحده وبجد انتوا رفعتوا راسنا ورفعتوا اسم المنتدى للسما

اصعب حاجه تتقال للواحد هارد لك

بس الماتش امبارح مينفعش يتقال فيه هارد لك لاخر دقيقه محدش عارف مين هيكسب

مش عارف ليه امبوزه متكلمش عن الماتش المفروض زى ما اتكلمت فى النصر تتكلم فى الهزيمه

وتوضح بكل شجاعه اسبابها

انا بتاسف لكل اعضاء المنتدى على الهزيمه

خساره

انا مش شايفة هزيمة

بدليل الماتشات اللى فاتت وفوزكم فيها

اما ترتيب المركز مش مشكلة

رمضان الجاى نبارك على المركز الاول

والف مبروك فوزكم بالمركز التانى


استنو بقى اجمع لكم ورد

بصراحه ياجماعه كان حلم كبير اوى
وحتى المركز التانى مكناش متوقعينوا
الماتش لاخر لحظه بتاعنا زى ماعلاء قال
بس غلطات بسيطه جدا ضيعتنا فى اخر دقيقتين
والحلم اتحقق بس مش كله
الحمد لله على كل حال ومبروك لينا المركز التانى عارفين الفرق ايه بين المركز الاول والتانى
ان الكاس اكبر 3 سم
مش عارف فى ايه بس اكيد بدايه مبشره والانسان مابيصححش من نفسه الا لما بيقع
كان نفسنا نفرحكوا اكتر من كده بس باين فى الردود انكوا مفرحتوش

ورونى مش لاقيه حاجه تقولها فقالت ربنا يوفقكوا حسستنى انهاا كانت بتقرا موضوع تانى خالص
عالعموم الحمد لله رب العالمين وشكرا لكل اللى كان معانا وكل اللى ساندنا

ورونى مش لاقيه حاجه تقولها فقالت ربنا يوفقكوا حسستنى انهاا كانت بتقرا موضوع تانى خالص
ايافندم انا كان قصدى ان الحمد لله ربنا وفقكم المره دى وان شاء الله يوفقكم على طوووووووول
هوه انا مليش فى الكوره بس كنت متابعه الاحداث
عموما الف مبروووووووووووووووووووووووووووووووووك
وكل سنه وانتم طيبين عليكم جميعا

اـاخرت فى جمعه انتم عارفين الشوك بقى

واستنونى فى صالون شهد ان شاء الله مع هداياكم

والف مليون مبروك

اولا احب اهنيء نفسي واهنيكم بالمركز التاني ومع ان ده ماكانش طموحي بس النصيب واحنا عملنا اللي علينا وبالتوفيق لينافي المرات اللي جايه وبشكر كل اخواتنا في المنتدي اللي وقفوا جنبينا وساندونا ........... وميرسي علي الوردياشهد........

انا مع مصطفى جوده فى اللى قاله ان الناس مش فرحانه وبتجامل وخلاص

بدليل ان شهد قالت انا لسه هجمع الورد

فى المرات اللى فاتت كان الورد بيكون جاهز

بس المره دى قيمه الفوز قل علشان كده الاهتمام جه متاخر

ياريت الفريق يحس بالفرق بين المكسب والخساره علشان كل واحد يكون قد اللى بيعمله

ويكون واثق انه يقدر يتحمل المسئوليه اللى للاسف اتهاون بيها للحظه وضاع اللى كنا عاوزينه

يلا قدر الله وما شاء فعل

لا والله ياعلاء انت غلطان

وقت مكتبت التهنئة كنت تعبانة فمقدرتش اجمع الورد


وهو فى فرق طبعا بس اللى وصلتو له جميل فرق بسيط بين المركزين

يارب تحسو بالفرحة للفوز ده

انتم فوزتم مش انهزمتم

وشرفتو منتدى شبابيك

هارد لك لينا يا جماعة
ربنا ماردش ان احنا نكون فى المركز الاول وفى ناس فينا بتقول احنا خسرنا على العكس
احنا كسبنا احترام الناس الى كانت بتقول ان احنا مش فرقة ممكن نافس فى الدورة واحنا اثبتنا ان وجهة نظرهم
علط بدليل ان احنا كسبنا كل المتشة بتاعتنا وصعدنا للنهائى على حساب اقوى الفرق فى البطولة
وانا مش عايزكم تديقو لا افرحو على تشجيع الناس لينا الى كانت ضدنا وفى الاخر وقفت جنبنا لاننا
بهرناهم بمستوانا
وكفاية كمان ان احسن لاعب واحسن حارس مرمى كان من فرقتنا يا جماعة دا دليل انا احنا
نمتلك احسن فريق كان فى الدورة دى
والحمد للة على كل حاجة جابها ربنا
وشدو حيلكم المرة الجاية
وعايزين نستعد لبعد العيد للماتش الجامد بتاع عمرو شومان
والف مبروك ليكو

الحمد لله
قدر الله ما شاء فعل
انا بعتزر ل كل اعضاء المنتدى على اننا موفيناش بوعدنا وخدنا المركز الاول
لكن الحمد لله احنا احسن فريق فى البطوله بشهادة جميع اللى كانوا حاضرين الماتش النهائى
ومعلش اتاخرت عليكم فى الرد
كنت متعود معاكم انى ادخل اكتب تانى رد بعد ما امبوزه ينزل الموضوع
بس امبارح مكانش ليا نفس اكتب اى حاجه
من الطبيعى اننا نكون زعلانين اول يوم
لكن الحمد لله كل اللى قابلنى الناهرده او اتصل بيا فى التليفون قالوا كلام كويس عن الفريق
وده خلانى احس انى كسبت مخسرتش
كسبت احترام ناس كتير جدا
وده عندى اهم بكتير من 500 بطوله