امثال مصريه

ياجماعه هنا انشاء الله كل اللى يعرف مثل مصرى او اى مثل ايا كان
يكتبوا وفى النهايه يكون عندنا مجموعه كبيره من الامثال المصريه الجميله
اللى بتفهمنا الدنيا وبتضحكنا عليها وانا هابتدى


اطعم الفم تستحى العين

اعمل الخير و ارميه فى بحر جارى و ان ضاع عند العبد ما يضعش عند البارى

أعمى ينادى أطرش لا ده شايف و لا ده سامع

الأعور فى بلاد العمى اسمه كحيل العيون

اقطع راس الكلب و ارميها و اللى فيه خصلة ما يخليها

اكسر للبنت ضلع يطلع لها اتنين

اللى بلا أم حال يغم و لا بلا أب حاله كرب

اللى بيته من ازاز ما يحدفش الناس بالطوب

متبيعش الميه فى حارة السقايين

الشهر اللى مالكش فيه متعدش ايامه

اللى تكره وشه ييجى عليك يوم تحتاج لقفاه

قشطه يا جوده
اسمحلى اكون اول مشترك

أكل فول و أخرج قفاي عرض و طول و لا آكل كباب ووقفة الديانة ورا الباب

اتجوز غازية و لا تتجوزش غمراوية

اخطب لبنتك و لا تخطبش لابنك

أدعي على ابنى و أكره اللى يقول آمين

اعمل الخير و ارميه فى بحر جارى و ان ضاع عند العبد ما يضعش عند البارى

لا تصاحب الأقرع ولا تأخذ منه نصيحة ، لو ربنا يحبه كان خلاها له صحيحه


والموضوع بتاعك يا درش خلانى اعمل موضوع برده عن الامثال بس ده هيكون فى شباك المرح

ابنك ما يبقاش ابنك الا لما تجيبه من فوق كراسى قلبك

ابوك البصل و أمك التوم منين تجيك الريحة الحلوة يا مشئوم


اتحمل همك و هم غيرك تموت و انت واقف على حيلك

اجرى يا ابن آدم جرى الوحوش غير نصيبك يا ابن أدم لم تحوش

ياواخد القرد على ماله يروح المال ويفضل القرد على حاله

اتوصوا بينا ياللى حكمتونا احنا العبيد و انتوا اشتريتونا

أخبار البلد مع مين ؟ مع العمى و المكسحين

اصعب من رمى الحجر من تحت لفوق ظريف المعاني يعاشر قليل الذوق

اضرب المربوط يخاف السايب

لابسرق ولا جوزى بيدينى منين يجينى

لا ايد تسقف لوحدها ولا وحدانى يكيد رجال

اللى يهزر مع العيال يستحمل التلطيش

ما تبكوش على اللى خابت زرعته ابكو على اللى خابت ذريته

ما حدش تيجى لحمته رطلين إلا المنيل و اللى عليه الدين

كفايه كده النهارده بكره موعدنا مع العدد القادم فى امثال ابو جوده