مقدمه واسئله الضيف الثالث مش اي ضيف(اللورد..عــــــــــــ بيبوــــــــــــلاء)

أيه ده
انتوا هتحكموا عليه ولا ايه
استنوا انا لسه مسؤلتوش
ده انا اللى مختاره من حقى أسئله
معلش انا اليومين دول مش بدخل كتير بسبب ظروف شغل ومفاجأة هقولكم عليها قريب جدا
وبعتزر بالنيابة عن الاعضاء اللى مش بيدخلوا لان كلنا برده مشغولين ب فرح عمرو
وعمرو واخد ناس مننا لحسابة 24 ساعه فى اليوم لحد يوم الفرح
المهم يعنى انا عندى كام سؤال ل علاء
هنزل أسئلتى بكره بكره وخلاص احكموا عليه اعدام ضربا بالقباقيب

طب بسرعه يا تيتو, عاوزين نشوف الاسئله الجامدة
ونبي لو شوفتو المجرم بيبو عرفوا. ويرد عالاسئله احنا من قبل العيد يا جدعان فالمحاكمه بتاعتو دي .
دا هيتحكم عليه بكل وسائل التعذيب
مش موت علي طول ويرتاح لالالالالا. لازم تعزيب

حبيب قلبى علاء
انت عارف انى انا بحبك لله فى لله
مش عارف ليه يا أخى بحس ان انا الوحيد اللى مستحملك فى المنتدى ده
البشر اللى هنا لو هيطولوك كانوا علوا فيك بلاوى
المهم يا نجم
نبدأ الاسئله

1- مع ان اهلك كلهم ناس طيبين
انت طالع غلس لمين ؟

2- من خلال ردودك وتعاملاتك فى المنتدى انا عايز أسئلك سؤال غريب حبتين
تعرف أيه عن الزوق؟
معلش اعتقد ان الكلمة دة جديده عليك بس انا قلت اسئلك يمكن تطلع تعرفه

3- برده من خلال ردودك فى المنتدى
ياترى المشاكل اللى بتعملها مع البنات او الرد الغلس ده ناتج عن تجربة فاشله مريت بيها
ولا انت داخل هنا عايش فى دور عبده المستفذ ؟

4- لو انت ماشى فى الشارع مع خطيبتك او مع الموزة بتاعتك او مع اى واحده يعنى
وجالك واحده من اللى فى المنتدى وشافوك ماشى معاها وطلعوا البنتين اصحاب
وطبعا البنات اللى هنا بتحبك زى ما انا بحبك لله فى لله
وسلمت عليك وسلمت على الموزه اللى انت ماشى معاها وراحت بصيتلك من فوق لتحت
وقالت للبنت اللى معاك ( مش تبقى تستنضفى الشباب اللى تعرفيهم )
ايه هو رد فعلك ساعتها

5- إيه أكتر موقف محرج اتعرضت ليه وكنت مكسوف قوى ؟ وأتصرفت ازاى ساعتها ؟
انا عايزك تحكيلنا موقف محرج قوى
عايزين نضحك عليك يا علاء
طب لو مضحكناش عليك انت هنضحك على مين يعنى

6- استخرج 3 اختلافات بينك وبين الخنزير
معلش انا عارف ان السؤال ده صعب شوية
بس صدقنى لو ركزت هتلاقى الاختلافات ال 3 موجودين

7- كفاية أسئله شخصية بقى انا هسئلك سؤال جامد شويه
انا عارفك مثقف وبتفهم علشان كده خد منى السؤال ده

إلا إيه حكاية إزدراء الأديان دى و إزاى يعنى ؟ يعنى لما الواحد يعمل إيه يبقى إزدرى ؟
و هل قانون إزدراء الأديان ده معمول علشان الأديان ولا علشان المتدينين ؟
يعنى هى الأديان إشتكت و قالت إعملولنا قانون ؟
و هيه الأديان هيجرالها إيه لو حد إزدراها ؟
فيه فى مصر بهائيين و شيعة
هل لو حد إزدرى (ماحدش يسألنى إزاى) البهائية أو الإسلام الشيعى هيحاكموه ؟
طب لو حد إزدرى البوذية أو الكونفشية هيعملوله إيه ؟
طب و اليهودية ؟؟

كفاية كده علشان عندى شغل
واوعدك لو لقيت وقت هدخل أسئلك تانى
بس المهم انت تجاوب ومتتهربش من الاسئلة
منتظر حكم الاعدام
نفسى اشوفك وانت بتتعدم ضربا بالقباقيب

قشطه اوووووووى
الاسئله دي جامدة موووووووووووت يا تيتو
اول مرة ادخل المحكمه من اول ما بدات مع علاء واكون مبسوطه اوى كدة من الاسئله
بس ياريت الاخ بيبو يدخل ويجاوب
الا هو مش بيبان ليه عالله المانع يكون خير
ولا شوفوه يا رجاله ليكون حصلو حاجه من اللي بتتقال عليه
انا بسمع حاجات اليومين دول غريبه

وبعدين طول اوى . هو فكل مكان لازم يسيب باصمه دا مش اسبوع دا داخل علي شهر كدة
حراااا م يعني. مش من الكلام اللي زي العسل اللي بيقولو طول معانا

سوررى كتير على التأخير

بس يا جماعه والله شغل مجلس الشورى واخد كل وقتى علشان عاوزين نخلص قبل الجلسه الافتتاحيه فى اول نوفمبر

اانا والله لسه راجع من عند عمرو شومان الساعه اهو داخله على 3 الفجر وعندى شغل الصبح

انا هحاول اجاوب بكره على الاسئله او بعد بكره يالكتير اوى

بالنسبه للامور ابو دم خفيف تيتو رجله ادرت تشيله ويسأل الاسئله اللى زى العسل دى

هندمه انه سألها من الرد عليها وانا عندى القدره لكده

بالنسبه للعسل التانى اسو ملاحظ جو الموده الاسريه فى الرد الاخير اللى كاتبه عنى

وبعدين طول اوى . هو فكل مكان لازم يسيب باصمه دا مش اسبوع دا داخل علي شهر كدة
حراااا م يعني. مش من الكلام اللي زي العسل اللي بيقولو طول معانا

ممكن تحكمى براحتك من اول يوم مش بعد شهر زى ما بتقولى وانا هجاوب على الاسئله كده كده

متفرقش معايا رايك فى الحكم

وانت يا تيتو استنى ردى على اسئلتك بس من غير زعل

العســـــــــــــــــــــــل فاللبــــــــــــــــــــــــان يا جميل انا ليا اسم علي فكرة ماشي

انا عاوزة اقولك علي حاجه
احنا بنهزر يعني ملوش لازمه ردك علينا دا فكل حاجه نقولها
مش هنتخانق احنا, ليه بتاخد كلامنا بسوء نيه
انت عجيب اوي علي فكرة لا بتعرف امتي الواحد بيتكلم هزار ولا جد
وفكل حاجه لازم تستهزا بيها ومش رايي لوحدي وانا مش بتكلم بالنيابه عنهم ولا حاجه
بس اسال كدة اي واحد وشوف هيقولك زي منا بقول ولا لاء
احنا عاملين الموضوع نتعرف علي بعض ونهزر بردوا .
في كل موضوع ترد عليه لازم تقول رايك ونيجي نناقشك. تتكلم باسم الصراحه
صراحه ماشي بس في اسلوب ميديقش حدبصراحتك
علي فكرة يا علاء من طريقه كلامك مبتحبش تطلع نفسك غلطان ابدا. ومبتحبش حد ينتقدك.مبتشوفش غير رايك وبس
ولو حد من اللي يعرفك رايو غير كدة يبقي انا متاسفه ليك واقدملك اعتزاري في موضوع يا سيدي
بس يقولو الصراحه
عالعموم متتعبش نفسك علشان تختار مين العضو اللي بعدك
انا اخترت خلاص
وكمان تجاوب متجاوبش مش يفرق معايا انا كمان براحتك
وشكرا لسيادتك
ونورت الموضوع

ليه يا اسو متقوليش انى كمان انا بهزر

مش بتقولى انتوا بتهزروا انا كمان بهزر

وانا مش داخل علشان اتخنانق زى ما انتى بتقولى

انا فى المنتدى قبل انتى ما تعرفيه اصلا

وبعدين بتقولى مش بعرف افرق بين الجد والهزار ومبحبش اطلع نفسى غلطان

حقك تقولى اللى انتى عاوزاه

بس لو عدد المنتدى 1000

وفى واحد بس مش شايف كده هحترم رايكوا قبل رايه

بس موضوع التريقه والهزار لو انتى شايفه انى كل ردودى على اى موضوع وكل موضوع عاملته تريقه برده

برده دى حريه شخصيه ليكى

بالنسبه للنقد انتى انتقدينى اهو وانا متقبل كلامك كله

وبالنسبه للشخص اللى بعدى زى ما اعرف انا اللى برشحه زى ما سنو وايت رشحت تيتو

مش هى دى شروط المحكمه

وكلمه اخيره ليكى بلاش اسلوب الواحده بواحده ده وسبيها ماشيه

ممكن اكون انا غلطانه بس طرقتك تتفهم كدة يا علاء
عالعموم حصل خير
وانا يا سيدي لا بعمل واحدة بواحدة ولا حاجه
بس انت اللي قولت ميفرقش معايا رايك ولا الحكم بتاعك
ونبي لو مكاني هتقول ايه
عالعموم حصل خير بس انت اللي اطريت الواحد لكدة
متزعلش مني علي اي حاجه قولتها يا علاء
انا مبحبش حد يزعل مني وسوري بقي عالكلام اللي قولتو

يا جماعه اصبروا على علاء
هو اجازته يوم الجمعه
يعنى عنده الخميس بليل والجمعه كلها يرد على الاسئله
ويوم الجمعه بليل علاء يرشح اى حد غيره

الاسئله اللى قولت هجاوب عليها

شهد سالت ونا دلوقتى هجاوب على الاسئله بتاعتها

1- نفرض ان حبيبك فى ميدان عام وقال لك احبك ماذا تفعل ؟

هعمل عبيط ومش واخد بالى من الناس هبوسه واشيله واللى بيتكسف يروح

2- لو غاب عنك حبيبك لمدة ما ماذا تفعل ؟

هروح ليه واقوله وحشتينى وابوسه برده

3- هل يوجد حب فى حياتك ؟؟

ايوه

4- مالصفات التى تتمناها فى حبيبك غير المظهر ؟



التفكير وتكون بتعرف تطبخ و بتهتم بنفسها وقبل كل ده تعرف ربنا كويس ومتكنش رخمه زى واحده فى المنتدى
5-امتى بكيت قوى من قلبك ؟

6- امتى فرحت قوى ؟

لما الاهلى بيكسب ويحرق دم الزماكاويه اذا كان عندهم دم اصلا

7- من هو كاتبك المفضل ؟

الان جورج كاتب انجليزى بقراله كتب مترجمه عن التفكير الحديث وكتب مش مترجمه

8- مااجمل رواية قرأتها ؟

روايه روميو وجوليت

9-من هو شاعرك المفضل ؟

الابنودى

10- مااجمل بيت شعر بذاكرتك ؟

مش فاكر دلوقتى انتى قولت بذاكرتك وانا فعلا مش فاكر دلوقتى

11- من هو مطربك المفضل؟

محمد منير

محمد فؤاد بعد كده

ولو مطربه شيرين عبد الوهاب

1- مع ان اهلك كلهم ناس طيبين
انت طالع غلس لمين ؟

طالع شيطانى كده علشان اغلس على اى حد يستحق الغلاسه برغم انك عارف

انى مش كده بره المنتدى او فى المنتدى الغلس وبعين ابو الغلاسه صاحبى مش عاوزنى اخد منه

2- من خلال ردودك وتعاملاتك فى المنتدى انا عايز أسئلك سؤال غريب حبتين
تعرف أيه عن الزوق؟
معلش اعتقد ان الكلمة دة جديده عليك بس انا قلت اسئلك يمكن تطلع تعرفه

كلمه انجليزى دى

بس اعتقد انها العصعوصه اللى بعد الركبه

3- برده من خلال ردودك فى المنتدى
ياترى المشاكل اللى بتعملها مع البنات او الرد الغلس ده ناتج عن تجربة فاشله مريت بيها
ولا انت داخل هنا عايش فى دور عبده المستفذ ؟

الحمد لله مفيش تجربه فاشله مريت بيها

بس مش بعمل مشاكل مع البنات والرد بيكون على على افراد معينه تستحق الرد الغلس فى

الموقف اللى برد عليه بس بغلس عليهم طول الوقت

وبالنسبه لعبده المستفذ ده حبيبى وليه فضل كبير عليا وده مثلى الاعلى بس لما بتطلب على اشخاص معينه بس

4- لو انت ماشى فى الشارع مع خطيبتك او مع الموزة بتاعتك او مع اى واحده يعنى
وجالك واحده من اللى فى المنتدى وشافوك ماشى معاها وطلعوا البنتين اصحاب
وطبعا البنات اللى هنا بتحبك زى ما انا بحبك لله فى لله
وسلمت عليك وسلمت على الموزه اللى انت ماشى معاها وراحت بصيتلك من فوق لتحت
وقالت للبنت اللى معاك ( مش تبقى تستنضفى الشباب اللى تعرفيهم )
ايه هو رد فعلك ساعتها

هبص عليها برده من فوق لتحت واقولها

مش لما تعرف تستنضف صحبتها الاول تبقى تستنضف اللى ماشيه معاه

5- إيه أكتر موقف محرج اتعرضت ليه وكنت مكسوف قوى ؟ وأتصرفت ازاى ساعتها ؟
انا عايزك تحكيلنا موقف محرج قوى
عايزين نضحك عليك يا علاء
طب لو مضحكناش عليك انت هنضحك على مين يعنى

الحمد لله انى ليا لزمه فى الحياه انك تضحك عليا انت وغيرك مش زى ناس ملهاش لزمه فى الحياه

وبالنسبه للموقف انت قولت عاوزين نضحك عليك لما اتقلب فيلم كوميدى ابقى اقول

6- استخرج 3 اختلافات بينك وبين الخنزير
معلش انا عارف ان السؤال ده صعب شوية
بس صدقنى لو ركزت هتلاقى الاختلافات ال 3 موجودين

سؤال سهل جدا ومن المقرر الاختلافات كتييييييييير بس انا هكتفى باربعه مش تلاته

الاختلاف الاول

اسمى علاء رضا اسمه مصطفى عصام

الاختلاف التانى

بنام فى بيتنا العماره السكنيه وهو بينام فى الزريبه

الاختلاف التالت

بشرب ميه من الحنفيه وميه معدنيه وهو بيشرب من البرك والجرادل

الاختلاف الرابع

انا باكل اكل بنى ادمين هو بياكل تبن وبرسيم

قولت كفايه اربع اختلافات بس علشان ميجلوش يأس

بس اللى مستغرب له ازاى عرف يكتب على الكمبيوتر

اكيد الخنازير اتطورا كتير الله يرحم



سوررى السؤال الاخير هرد عليه الصبح علشان خلاص عاوز انام مش قادر

بجد حبيبى ومفتقد دخولك المستمر على المنتدى

انا دخلت فى البدايه علشانك انت ومصطفى اصحاب الفكره

بس عاوزين نرجع زى الاول احسن بعدكوا عن المنتدى والحوارات اللى بتحصل بتحسسنى

بالهيافه وانت عارف انى مش كده خالص

هرد على السؤال الاخير لتيتو

7- كفاية أسئله شخصية بقى انا هسئلك سؤال جامد شويه
انا عارفك مثقف وبتفهم علشان كده خد منى السؤال ده

إلا إيه حكاية إزدراء الأديان دى و إزاى يعنى ؟ يعنى لما الواحد يعمل إيه يبقى إزدرى ؟
و هل قانون إزدراء الأديان ده معمول علشان الأديان ولا علشان المتدينين ؟
يعنى هى الأديان إشتكت و قالت إعملولنا قانون ؟
و هيه الأديان هيجرالها إيه لو حد إزدراها ؟
فيه فى مصر بهائيين و شيعة
هل لو حد إزدرى (ماحدش يسألنى إزاى) البهائية أو الإسلام الشيعى هيحاكموه ؟
طب لو حد إزدرى البوذية أو الكونفشية هيعملوله إيه ؟
طب و اليهودية ؟؟

هرد على قد ما اقدر اوصل

فى البدايه

معنى ازدراء الاديان:

هى عباره عن تشويش على اقامة شعائر ملة أو احتفال ديني خاص بها أو تعطيلها بعنف أو التهديد


والشخص الازدرائى هو:

كل من ضرب أو كسر أو أتلف أو دنس مباني معدة لاقامة شعائر دين

أو رمز أو أشياء أخرى لها حرمة عند أبناء الملة".

* قانون ازدراء الاديان معمول علشان

حمايه الاثنين الاديان والمدنيين من اى تعدى بالقول او بالفعل من اشخاص من مله اخرى

*بالنسبه لعقوبه من يزدرى الديانات الاخرى

هناك قانون فى مصرفى فالمادة 98 فقرة ا من قانون العقوبات

"تؤثم الازدراء بالعقيدة الدينية وتعاقب مرتكبها بالحبس من ستة شهور الى خمس سنوات وغرامة من خمسمائة

جنيه الى ألف جنيه مصري".

كما أن المادتين 160-161 من قانون العقوبات تتحدث عن الجنح المتعلقة بالأديان وفيها تحديد عقوبات الحبس أو الغرامة وتكون عقوبة الحبس لا تزيد مدتها عن خمس سنوات اذا ارتكبت الجريمة تنفيذاً للأفعال الاجرامية

اتمنى اكون وصلت المعلومه اللى عندى عن ازدراء الاديان للشباب والبنات

الحمد لله خلصت كل الاسئله اللى عليا

انا دلوقتى جاهز للحكم عليا

ونفسى قبل الحكم فى

سندوتش مربى بالقشطه

وهرشح بعدى



حبيييييييييييييييييييييييييب قلبىىىىىىىىىىىىىى

ولا يهمك يا باشا
احنا مستنيينك بس متغبش علينا
انت هتنورني فالمحكمه
احنا لينا الشرف انك تكون موجود معانا
وان شاء الله ربنا يوفقك فشغلك وفالسفريه وترجع بالسلامه
متنساش بقي 2 ك جمبري وانت جاي من بورسعيد

اما ظاظا هينورنا الاسبوع دا
عاوزين نعرف منو حاجات كتير عن تاريخ مصر اللي مش عارفانها
استعد يا بطل

اما علاء فانا محتارة معاه مش عارفه احكم عليه ولا لاء
لان الحكم بتاعي مش هيفرق معاه زي ما قالي قبل كدة
فحكمي عليه
مش اعدام لانو لو مات هيرتاح
احنا هنعزبو علشان يبطل اللي بيعملو فينا دا
دا هو اللي كان بيحاكمنا مش احنا
نورت يا بيبو في 3 شهور اللي قعدتهم معانا فالمحكمه
اول واخر مرة اشوفك فالمحكمه تاني

سوررى على التأخير الشغل مضغوط نعمل ايه

فى الاخر طلع القاضى من اصحاب القلوب الرحيمه

مش اوك موافق على التعذيب بس متجيش فى الاخر هو اللى عذبنا