طرق العكننه على الزوجات

1. الصبح وأنت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00

اشمعنى انت ؟ ولو حاولت ترجع تنام تانى قول لها مادام صحيتى حضري الفطار بقى



2. اذا كنت بتتفرج على التلفزيون وهى عايزة تغير القناة 00 قول لها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب (ملاحظة : اغلب النساء ذو ثقافة كروية ضعيفة (

3. اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض.



4. فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة



5. لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00

يراعى التجول وانت مستمتع بأكل الجاتوة امامها.



6. متنساش رأيك فى طبيخها لو عاملة لحمة قول لها حلو اوووى الفراخ دى ولو طبخة بامية 00 جميلة اوى الملوخية دى حطة عليها اية ؟؟ ولو عملة كيكة قول لها انا بحب اشرب شاى مع البسكويت الحلو دة !!



7. لو طلبت منك تنشر الهدوم قول لها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !



8. لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية.



9. لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

10. وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!

ده صح افترا

طيب سؤال

انت ممكن تعمل كده فى زوجتك ؟؟؟؟؟

بس رد بأمانه

بصراحه ردى مش هيعجبك لانى بحب الرخامه اصلا فا كل اللى اقدر اقوله مدام هى بتحبنى يبقى اكيد هتستحملنى

ياراجل
بجد
لالالالا
انت رخم
مش معقول
دا باللي هتعملو دا تستحق........ ولا بلاش
دا افتري واللي بيفتري جزاءو ايه
علي فكرة في ستات كتير اوى رخمين وعناديين مووووت
والطيور علي اشكالها تقع زي ما بيقولو
ولو انت رخم اكيد هيا هتبقي ارخم منك

لاكن لو انت حلو كدة وهادي اكيد هتبقي زيك
ربنا بيجمع ويوفق

جميل انك نبهتنا من دلوقت

انا هابتدى احوش اكياس هولز وكراميلة من دلوقت مع جهازى

ولو فكر مجرد التفكير انه يرخم عليا بالشكل ده

يبقى نسن السكين والساطور والله يرحمه

بس لا هو هيحبنى ومش يرخم كده

انت بتأذيهم بنصايحك دى ياشباب الجانى على روحه يسمعه سامع يايوسف

طبعا بدايه وبرخامه مش عارف الموضوع ده اتكتب هنا ليه فين المعلومات المستحيله فيه

وطبعا حبيبى مصطفى عارف انى بحب الحاجات دى

وزعلان منك كتير انك كتبت كده كنت عاوز اعملهلها مفاجأه

كلكم اتفقتو انى رخم مفيش واحده فيكو نصفتنى
كنت مستنى شهد او أسو ينصفونى لكن ياخسارة

احب اوضح لحبيبي علاء ان دى فعلا معلومات مستحيلة
لان مفيش راجل عاقل يقدر يعمل كدا والا يروح ينام عند امه
عرفت انا ليه قولت انها معلومات مستحيلة ........لانها معلومه لكل واحد مننا علشان مش يعمل كدا مع احلى واجمل انسانه يكون بيحبها فى حياته .......... وطبعا كل واحد مننا بيشوف حبيبته اجمل واحده فى الكون على رأي المثل القرد فى عين امه.........

بالنصايح دى ممكن ننصفك على طريقة ريا وسكينة


وان كان ده حلم كل رجل لمراته يبقى الرجل عايش مأساة وبينتقم من مراته فى احلامه

دا ايه الجبروت ده

لالالالا زوج المستقبل مش هيفكر فى كده