خمس دقايق........

دورت ع الأمل

مافيش..

لا فى جيوبى

ولا فى الدولاب

لا عند اخويا

ولا عند حد من الصحاب

خبطت على جارى

لاقيته زهقان

مل..

نزلت السوق

وسألت ف كذا محل

ضحكت على روحى

غبت عن الوعى بمزاجى

توهت

وخليتها خل..

صرخت

معقول..

كل البيوت ماتت

والشارع كمان اتشل

لكن لما البدر

بعد غيبة طل

ردت فى قلبى الروح

بصيت جوايا

خمس دقايق

أو يمكن أقل

ماعرفش ليه بكيت..

ياترى انتهيت

واللا خلاص

لاقيت الحل

ياربى

ليه التشاؤم ده كله

طول مافى رحمة الرحمن الامل موجود

طول مالشمس بتطلع الامل موجود

طول مافى قلوب بتقول يارب فالامل موجود