عملية القرن الجزء الثاني

ظل تيتو يردد بهستيريا ربنا يستر وتكون ما وقعتش علي حد

وتعالت صيحات امين وتيتو علي علاء علشان يجي يمسكلهم السلم اللي هاينزلوا علية والغريب ان علاء لم يرد فلمعت في راس تيتو فكرة جهنمية وهي لماذا لا ارن لعلاء علي الموبايل اكيد هايفهم ويجي وبالفعل اشهر تيتو موبايلة ورن لعلاء وبعد ثواني نادي علاء علي تيتو وقالة (في حاجة مش عارف اتفرج علي الماتش )- كان علاء يشاهد مباراة كرة قدم علي موبايلة اللي لسة مشترية جديد- خلصتم فصرخ تيتو هات السلم يا عم بسرعة فقام علاء باحضار السلم وقام تيتو وامين بالنزول في وقت قياسي علي الرغم من انهم استغرقوا اضعاف هذا الوقت في الصعود وعلي الرغم من ان النزول اصعب بمراحل الا انهم نجحو في النزول بسرعة البرق

هرول كلا من تيتو وامين في محاولات لاخفاء السلم الخشبي ظننا منهم ان اصحاب المقهي سوف يصعدون في اي وقت ويفتكون بهم

وفي عذ المعمعه لمح امين احد الاشخاص يساهم في عملية اخفاء السلم سال تيتو مين دة اجابة تيتو مش عارف قام جميع الافراد بتجاهل الموضوع برمتة - موضوع الشخص الغريب- وقامو باخفاء السلم تسائل كلا من تيتو وامين ياتري اية اللي حصل تحت

فرد علاء - وكانة غير موجود في الموضوع اساسا - الموبايل بتاعي بقالة ساعة بيشحن ولسة مافيهوش غير شرطة واحدة نظر لة تيتو نظرة ازدراء وتمتم ببعض الكلمات .

تابع علاء سائلا امين تفتكر لية مخلصش شحن هل علشان كنت بتفرج علي الماتش فية تمتم امين بنفس الكلمات التي ذكرها تيتو منذ لحظات

استغرب علاء بشدة كانهم من كوكب اخر . قاطع الحديث رنين الهاتف الارضي وسارع امين بارد متوجسا من يكون وذا بصوت عزب لفتاه تبدو رائعه الجمال قالت

الفتاه : السلام عليكم

رد امين بهدوء وكان اليافطة لم تسقط : وعيكم السلام ورحمة الله وبركاتة



الفتاه : ممكن اكلم علاء المكوجي

امين بسخط : لا النمرة غلط



ثم رن الهاتف بعد فترة ولكن هذة المرة صوت رجل ورد هذة المرة تيتو

الرجل :السلام عليكم

تيتو : وعليكم السلام

الرجل : ممكن اكلم علاء المكوجي قولة اخوك

تيتو : لا هو قافل دلوقت



نظر كلا من امين وعلاء لبعضهما نظرة عدم فهم



وبعد لحظات اتي شخص يعاتب تيتو علي شئ لم يفهمة امين وعلاء تبين لهم انة فيما بعد ان الشخص هو علاء المكوجي اللي زعل لما تيتو قال لاخوة انة قفل وان تيتو ميدي وصلة تليفون جدعنة للمكوجي علشان يستقبل عليها تليفوناتة

المهم تناسي الجميع موضوع علاء المكوجي ورجعو لموضوع اللوحة المشؤمة



اتفق امين وتيتو علي ارسال بعثة استكشافية لتفقد احوال الشارع وعمل احصاء للجثث والجرحي

وبالفعل تم ارسال بعثة مكونة من فردين هما تيتو وامين وبداءا بالتحرك وكل منهما بياخر رجل ويقدم رجل رافقهم علاء حتي باب المقر – مقر العمل – وتركهم وعاد لانة لايمكن ان يتركو المكان لوحد وليس لاسباب اخري

نزل افراد البعثة وعلي دون اتفاق سلك تيتو طريقا دائريا بعيد كل البعد عن المقهي وعلي دون اتفاق سلك امين هو الاخر طريقا دائريا اخر بعيد كل البعد عن المقهي هو الاخر والتقي الاثنان عند المقهي كانهم غريبين يريا بعضهما لاول مرة وكان تيتو قد وصل للمقي اولا.

واذ بلوحة الاعلانات ملقاه علي احد جوانب الطريق محطمة تماما سالة امين هانعمل اية لم يرد ومط شفتة السفلي كاسلوب استفهام و الوجوم علي وجهه.

تدارك امين الموقف وسحبة من يدة وذهب لبعض الاشخاص الجالسين في المكان المفترض ان اللوحة قد سقطت فية

كانو هؤلاء الاشخاص حوالي 6 تتراوح اعمارهم بين 40 و55 عام يبدو متيسرين الحال يرتدون كلهم جلابيب بيضاء وكانة زي موحد لاحد الاندية الشهير ولكن ينقصة الخطين الحمر وعلامة كنتاكي سابقا ويرتدي كلا منهم نظارة

بداء تيتو الكلام قائلا السلام كليكم

واذا بصيحات انفجار وكآن النادي الاهلي قد احرز هدفا في نهائي بطولة افريقيا.

لم تكن صيحات غاضبة بل كانت:

وعليكم السلااااااااااام اتفضاااااااااااااااااااااال

كانت جماعية وكانهم تدربو علي القائها الاف المرات



سأل امين : هي دي اللوحة اللي وقعت

نظر الية احد الاشخاص الجالسين نظرة لم يري مثلها امين من قبل

وكانت اوصافة كالتالي :

رجل ضخم الجثة عريض المنكبين يرتدي جلبابا ضيقا وكانة (بادي ) يرتدية بطل كمال اجسام احمر الوجة يرتدي نفس النظارة يتطاير اللعاب من فاه كلما تكلم وتنفر عروق رقبتة من العصبية تبين لهم فيما بعد من الجيران انة صاحب المقي التي سقطت عليها اليافطة

وقال الرجل : اه هي اليافطة تبقي بتاعتكم

رد تيتو وامين في نفس الوقت : لا منعرفش عنها حاجة

فقال الرجل في اسلوب اقرب للشجار : طيب بتسالو لية

رد تيتو محاولا تلافي الوضع : لا اصل اليافطة بتاعتنا هي اللي جنبها

الرجل بعصبية :اية الاستهتار دة لو سمحت شيل كل اليفك الموجودة علي واجة المبني و اللي بقولة يتنفذ دلوقت

قاطع امين الموقف : يا حج سيبك من ان اليفط تتشال في حد جرالة حاجة .

نظر لة الرجل وكان امين ارتكب جريمة :

هي لو وقعت علي واحد هاتحبولي بدالو وكانة بيتكلم علي واحد شاي ادرك امين وتيتو ان كلام امين لم يجب الرجل فعالج تيتو الامر بدبلوماسية تشهد لة وكان كلا منهما في قد تراجع بعض الخطوات للخلف استعداد للهرب في اي وقت :

انت عندك حق يا عم الحج اليفط لازم تتشال بس احنا اول ماعرفنا جينا جري علشان ننطمن علي الناس لو في حد جرارلة حاجة –وكانهم لم يكونو علي السطح

هدات اعصاب الرجل قليلا وبدا يتحدث في هدوء واستطرد الحديث في مواضيع لا علاقة لها ببعض مثل ان النخل بيقع من السوس و جريدة الوفد الورق بتاعها بيوقع لوح الاعلانات والحديد اللي بيطير من الهوا وبعض الاشياء التي بدت لامين وتيتو انها طلاسم تحتاج لخبير فك شفرات

حتي يشرحها لهم فهم امين وتيتو ان اللوحة لم تصب احد باذي الا انها سوف تظل رهينة عند صاحب المقهي

فقاطع امين حديث الرجل وقال لة الحمد لله ان محدش اتصاب

فقال الجميع الحمد لله بما يفيد الايجاب

انهي صاحب المقهي حديثة مشددا علي انة يجب محاسبة عامل الاعلانات اللي علق اللوحة(تيتو اقنعة ان عامل الاعلانتات الله يسامحه هوالسبب) ومصرا بان يشرب كلا منهما شاي علي المقهي الا انهما انصرفا في هدوء

ثم صعد امين وتيتو الي علاء بعد ما زال الهم عن صدورهم ليجدو علاء حائرا جدا وهرع لامين يسالة - ليس لموضوع اللوحة

وقال لة تفتكر لوجبت للموبايل شاحن نوكيا سريع هايشحن الموبايل اسرع ولا اية



وخلال الحديت دخل زيزو توب وبينفخ وثائر وبيقول انتو اية اللي عملتوة ده حد يعمل كدة في سلك الكهرباء مش كفاية الحريقة اللي حصلت من كام يوم

ياتري حريقة اية واية اللي عملوة خلي زيزو ثائر

دة اللي هانعرفة في الجزء الثالث

تم الجزء الثاني بحمد الله

الي اللقاء في الجزء الثالث
ارجو ان يكون اسلوبي عجبكم في تصوير موقف حقيقي حصل لاعضاء المنتدي

ههههههههههههههههههههههههههههههههههههههههههههههههههههههههههههههههه

ايه دا كلو ايه دا كلو
انتو فوادي وعلاء ملخوم فالفون الجديد
لما تيجي تشحن التليفون اقفلو احسن يشحن اسرع ههههههههههههههههههههههههههههه ويعمل الشرط فثانيه.. والشاحن السريع بيبوظ البطريه

وايه بتوع كنتاكي دول باين عليهم جامدين اوى
والحمد لله ربنا ستر
ومحصلش حاجه لاي حد

وتيتو لفق التهمه علي ناس تانيه,, وكانو معملش حاجه برئ

والجزء بتاع علاء المكوجي دا كمان حكايه لوحدو ههههههه

وانت ماشاء الله اسلوبك بجد جميل فالشرح
وبسيط جدا

حلوة اوى الفكرة بتاعت القصه وقولتولنا اللي حصل
لو في مواقف زي كدة وينفع تتحكي
هتبقي جميله لو نزلت

بس انا رايي كانت تنزل في شباك الشله علشان يشتغل شويا

ههههههههههههههههههههههههه
بجد تحفة اوي

مالك يا علاء خلاص انا هجبلك موبايل جديد اخر موديل بيشحن لحااالو


اتخيلت منظركم بجد فظيع هههههههههههههههههههه
وأسلوبك اكتر من رائع فعلا تعرف تشد الواحد وتعلقو بالقصة اوي

يلاااااااااااااااااا مستنين الجزء التالت

هههههههههههههههههههههههه
كله كوم والراجل صاحب القهوه كوم تانى
فى عز ما كنا مرعوبين كان امين مركز مع كلامه
وماسك نفسه وعايز يضحك من حكاية الشجر والسوس

كان نفسى اصور امين فديوا وهو نازل من على السلم الخشب
ده طلع فى نص ساعه ونزل فى ربع دقيقه
مع اننا كنا عمالين نخطط هننزل ازاى وكل واحد كان عايز التانى ينزل الاول لان النزول اصعب بكتير
هتقولولى ازاى تنزلوا وتخبوا السلك وتشيلوا السلم وتخبوه وتنزلوا الشارع فى دقيقه واحده
هقولكم ( الجــــــــرى نص الجدعنه * * بس فى الموقف ده الجرى هو الجدعنه كلها )


المهم الحمد لله ان اليافطة موقعتش على حد
والحمد لله ان علاء اتفرج على الماتش كله
وبنحب نطمن علاء ان التليفون بتاعه هيشتغل كويس على اى شاحن
نااااااااس هايصه وناس لايصه

اسلوبك بجد يجنن يا امين
وكلنا منتظرين الجزء التالت

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

انا بنصحكوا بانتظار الجزء الثالث ضروري طبعا انا عارف علشان كده بضحك

هههههههههههههههههههههههههههههه

اسلوبك يا امين فائق الروعه بجد

لانه محسسنى انى بشوف اللى حصل مش بس بقرأه

وانت يا علاء مبروووك على التليفون الجديد والشاحن منى هديه

الله يبارك فيكوا يا جماعه

احنا اتفقنا ان انا استنى فى المحل وعصام وامين يطلعوا السطح

طبعا وانا فى المحل شغلت الموبيل علشان كنت بتفرج على الماتش بس كنت جايب معايا الشاحن علشان اشحنه علشان كانت اول مره اشحنه فيها

استنيت لما فصل خالص وبعد كده حطيت الشاحن وابتديت اشحنه من جديد وكنت عاوز اعرف بياخد وقت اد ايه فى الشحن علشان يكتمل

بس حطيته وقت الماتش كله وبعد كده اتفاجئت انه عمل شرطه واحده بس سالتهم ممكن يكون عيب من الشاحن ولا علشان كنت بتفرج على الماتش

مع العلم ان الموبيل اللى قبليه لما كنت بحطه على الشاحن وكنت بستخدم التليفون كان بيشحن ويكمل عادى سؤال برىء يعنى

وموضوع اليافطه انا معرفتش بيه الا لما نزلوا وخبوا السلم وبعد كده قالولى عليه وانا كنت سالت على الموبيل قبل لما اعرف

وحكايه الشحن السريع انا قولت اجيب ساحن سريع واقطع السلك بتاعه واوصله مع السوكت اللى بيدخل فى التليفون علشان يشحن بسرعه

وانت يا تيتو بتقول ناس هايصه وناس لايصه يعنى مش احنا اتفقنا انى ابقى فى المحل علشان ميتسبش لوحده وانت هتنزل انت وامين

وبعدين هو ده الحق انك تنزل انت وامين علشان لما تضربوا تضربوا لوحدكم هو انا كنت معاكم فوق

وعلاء المكوجى ده حكايته حكايه لوحده امين اصلا نسى يحكى موقف حصل فى اول الموضوع قبل لما نتجمع فى المحل بس موقف جامد

هبقى اخليه يحكيه بعد ما يقول الجزء التالت

والباقيه تاتى استنوا مواقف شباب شبابيك <عفاريت التكنولوجيا>

بجد جامد ياد يا امين واستر على كدة
ننتظر الجزء التالت

ظالمين الناس انتم حرام عليكم

علاء كان بيدور على شاحن علشان يرد على المكالمات

يعنى يسيب المكوجى محتار مش يرد على الناس

لازم ينظم جدوله

يا حول الله انا قولت مجرش شكل حد والناس اللى بتجر شكلى

شهد بتقول بيدور على شاحن علشان يرد على مكالمات المكوجى

والله انا مستعد لو كل اللى بيتصل بيه بنات زى اللى اتصلت وكان صوتها حلو ومعنديش مانع كمان لو روحت كويت ليها فى البيت

يعنى انا غلطانة بارد ظلمهم عنك وانت تقول جر شكل

طبعا شغلانة ولا فى الاحلام الماتش فى الموبيل وتسجيل مكالمات الصوت الناعم

اخر روقان وامين وتيتو هيموتو من الرعب

انا لو منهم كنت ...............

شهد بتهدى النفوس