يوسف بلال
مشرف ممتاز
عدد الرسائل : 702
العمر : 42
تاريخ التسجيل : 17/05/2008
 | موضوع: تعيش مصر دايما في عز و جمال  السبت نوفمبر 22, 2008 3:08 am | |
| افندينا أنعم علينا بعلاوة
تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما ! حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد.. جرايد.. برامج.. يفط
*****
تؤكد بأن الحكومة.... بذكاء
و من حزمة واحدة قضت ع الغلاء
و لابد يبقى لدينا... انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا مانعرفش ليه
ماتلمح مكانه في مراية عينيه
و نقدر ندوق منه... حتى نقط
*****
مادام كل حاجة تمام ع الورق
مفيش أي داعي عشان ال! قلق
و لو مش مصدق خلاص اتفلق
ورقـنا اللي صح وكلامك غلط
*****
قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط!
*****
اذا الشعب صدى بفعل البارومة
حاتعمل حسابه ف ايه الحكومة
وهي اللي جاهزة بكرباج وشومة
عشان لوفي واحد في عقله اتخبط
*****
تعيش مصر دايما في عز و جمال
يعيش المواطن شـديد الاحتمال
و آمن تماما من الاشــــتعال
و أقصى ما عنده.... ينكت فقط
احمد فؤاد نجم | |
|
alaapepo
مشرف ممتاز
عدد الرسائل : 739
العمر : 41
تاريخ التسجيل : 19/05/2008
| | موضوع: رد: تعيش مصر دايما في عز و جمال الجمعة نوفمبر 28, 2008 3:19 pm | |
| احمد فؤاد نجم
هو احمد وفعلا نجم | |
|
tito
مشرف ممتاز
عدد الرسائل : 858
العمر : 40
تاريخ التسجيل : 17/05/2008
| | موضوع: رد: تعيش مصر دايما في عز و جمال السبت نوفمبر 29, 2008 2:57 am | |
| | |
|
اسو
مشرف تحت التمرين
عدد الرسائل : 1273
تاريخ التسجيل : 19/06/2008
| | موضوع: رد: تعيش مصر دايما في عز و جمال الأحد نوفمبر 30, 2008 12:46 am | |
| | |
|
