Real Situations

اكيد كل واحد مننا حصلة موقف طريف وكوميدى وعمرة ماينساه فى حياتة واكيد كل مابيفتكرة بيفضل يضحك انا ليا مواقف كتير اوى مش هنساها ولما بفتكرها بفضل اضحك بصوت عالى لدرجة انى لو راكب ميكروباص بفضل اضحك والناس بتبص عليا
كل واحد فينا يكتب موقف كوميدى حصلة بجد وفالأخر هنعمل تصويت على اجمد 3 مواقف حصلوا لينا وانا اللى هابتدى
انا مرة بيعت لعميل منتج عندى والعميل دا انا عارفة بيجيلى على طوول وهو عميل اقل حاجة ممكن تتقال علية انه مغيبب ومهيس اخر حاجة المهم الراجل ده جة قللى انا عايز جهاز نقل اشارة للريسيفر فانا قلتلة حضرتك انا النوع اللى عندى دلوقتى مصنوع لامريكا فالارسال بتاعة مش هيبقى قوى هنا فمصر فمش هيشتغل بكفاءة 100/100 راح العميل دا قللى اوك هاتة اجربة ولو مشتغلش كويس ابقى ارجعهولك
انا قلتلة مفيش مشكلة يافندم حضرتك جربة ولو مشتغلش هاتهولى
المهم الراجل مششى وجالى على الساعة 10 بليل كدة وكان عندة زحمة فظيعة وكنت واقف فالشيفت لوحدى ومعايا واحد جديد لسة ميعرفش حاجة ومرة واحدة لقيتة داخل بيزعق انتوا حاجتكوا بايظة وانتوا شركة حرامية ميدينى جهاز ب 500 جنية بايظ طبعا انا اتصدمت وقلتلة دانا قايل لحضرتك انة مش هيشتغل بكفاءة ولو مشتغلشى رجعة قللى مليش دعو انا عايز فلوسى ولقيتة بيرميلى الشنطة اللى فيها الجهاز على الكاونتر قدامى بفتحها علشان ارجعله الجهاز لقيت فيها نص كيلو لحمة مفرومة بدل من كتر تهيسة جاب شنطة غير الشنطة طبعا انا اتصدمت والعملاء اللى كانوا واقفين اتصدموا رحت انا قلتلوا للاسف يافندم انا مش هقدر ارجعللك المنتج لانة واضح انك مجبتوش معاك اصلا راحت العملا ضحكوا وهو اتكسف وخلع من قدامى.....
ياللا الدور عليكواااا

انا لو منك كنت ضربته ب كيس اللحمه فى وشه

انا هحكيلكم على موقف كل لما افتكره بفتكر ايام حلوه وبقعد اضحك عليها ل تانى يوم

كان عندة واحد صاحبى (بدون ذكر اسماء) هو عارف نفسه كويس
كان بيذاكر عندى بالشهر وكنا بنام جمب بعض على اساس ان نومه هادى
وف يوم سهرت انا ونام هو
وكنا فى الشقه بتاعة المذاكره لوحدينا
لقيته قام من النوم فجأه وباصصلى قوى وعنيه حمرا وبيقولى ارجع ورا
افتكرته بيهرج ونفضتله
لقيته مصمم وعنيه كلها شر
قلت اتقى الشر وارجع
لقيته بيكرر الكلمه ارجع ورا
خدتها من قاصرها ورجعت تانى (بينى وبينك كنت مرعوب)
قالها كمان مره كنت خلاص انا ورايا الحيطه قلتله ارجع فين تانى
بصلى من فوق لتحت وكمل نومه
انا قلت بيهرج تانى يوم بحكيله لقيته بيحلفلى انه محسش بكل ده
قلقت منه وقلت بعد كده نذاكر فى الشقه اللى فيها اهلى بدل مايقتلنى وانا نايم
وفيوم صحيت بدرى وقاعد على الكمبيوتر لقيته صحى تانى وبصلى نفس البصه اللى كان باصصهالى قبل كده وبيقولى هات ال 75 قرش اللى على التليفزيون
قلتله التليفزيون مفيش فوقيه فلوس
بصلى تانى بقرف ونام
قلت خلاص هيه الحاله بتجيله مره واحده وبيهدى
مفيش دقيقتين ولقيته بينده عليا وماسك المخده من رقبتها وبيبصلها اكنه هيقتلها
وبيقولى مين ده
سكت**** زعقلى وقالى مين اللى نايم جمبى ده
وانا باصص للمخده وفاتح بقى ومتخيل نفسى انا لو كنت نايم جمبه كان حصل فيا ايه
رمى المخده على الارض ونام تانى
انا طبعا دخلت نمت فى الاوضه التانيه وقفلت على نفسى بالمفتاح
وتانى يوم كان بيذاكر لوحده في بيتهم

انا اددى مصطفى رقم واحد فالموقف هو مش كوميدى بس دا مرعب كمان دا لحد دلوقتى انا بجد ممسكتش نفسى من الضحك وانا بقراء الموضوع مع انى انا االبطل

انت فعلا يا يوسف كنت البطل
وانا كنت الدبلير اللى بيطلع عين امه وكان هيموت من الرعب

zaza كتب:

وكانت المقأجاة وجدت اصدقائى الاربعة اعدين بربطة المعلم

ويارب تكون عجبتكم

انا لو منك ادخل اددى كل واحد فيهم المين على وشة

uptil now mostafa still the winer

اكيد انا اللى لازم ابقى كسبان
بس انت كمان كسبان معايا يا يوسف
لانك بطل القصه اللى عيشتنى فى رعب

هههههههههههههههههههههههههههههههه تحفه يا يوسف والله انت وتيتو دويتو جميل اوى وبعدين انت الغلطان يا تيتو انك قاعدت تانى مع يوسف وهو نايم

ههههههههههههههههههههههههههههه انا مش قادره امسك نفسى من الضحك من اللى قاله تيتو على يوسف
عندك حق يا سندريلا

مصطفى ويوسف بسببكم بقيت مجنونة ، من كتر ما بضحك وانا بشوف الموضوع كل اللى بيعدى على المكتب بيبصلى كدا ومفيش غير تعبير واحد على وشهم ... دى مجنونة دى ولا اية !!!
بقى بس جامد الموقف ده بجد
وهحكلكم الموقف بتاعى انا عارفة ان انت الى هتكسب يا تيتو انت وجو يعنى مفيش منافس بعد الموقف بتاعكم
بس هقول وخلاص
" كان فى عندنا مؤتمر ، وكل الشركات المنافسة موجودة
وانا علشان مجال شغلى فى المبيعات الداخلية " يعنى جوه المكتب " فا بتكون فرصة حلوه ليه انى اشوف الدكاتره اللى عارفاهم بالاسم بس ،ومش هطول عليكم ...
كنت واقفة مع واحد من زمايلى وبسألة على مدير شركة منافسة لينا وبسالة علية باسمة وقعدت اقول فى الشركة وفى الراجل احلى كلام وانتو عارفين لما البنات بتفتح فى الرغى مبيسكتوش وزميلى يغمزلى يبصلى ، مفيش وانا مستمره . لحد ما قالى بصى روحى كلمى الدكتورة الفلانية بتنده عليكى وطبعا انتو عارفين مين الى كان واقف جامبى وسمع كلامى كلة حرف حرف .

هههههههههههههه موقف رهيب يا نوسة

كان شكلك عمال ازاى لما عرفتى ان

اللى كنتى بتتكلممى علية كان واقف جنبك

ربنا يكون فى عونك