اليوم الثانى من يوميا ت السائق

اليوم الثاني ...
وده يوم جديد من يوميات عمنا السواق إياه!!
يلا نشوف مين اللى هيركب معاه النهاردة ويا ترى ركاب ظراف ولاااااااااااااااااااااااااااااااااااا؟؟؟

أنا شايفة واحدة بتشاور عليه من بعيد ..تعالوا نعرف إيه حكايتها؟؟

الراكبة: تاكسي...تاكسي ثم تذكر المكان
السائق: أيوه اتفضلي..
الراكبة: تتوجه الى التاكس وتحمل في يديها قفص به عصفور شكله غريب وصغير جداً.
لحظة صمت؟؟ ثم تقول للسائق..ياه ع الحر والله أنا نازله غصب عني ؟؟؟!!!
السائق: مش خير إن شاء الله يا مدام؟؟؟؟؟
الراكبة: أصل عربيتي عطلانة وميشو ابني فضل يعيط ومش عاوز يتغدا !!!
السائق: ليه سلامته هو عيان ولا إيه؟؟؟
الراكبة : لا أبداً أصل العصفور بتاعه مات وصمم إني لازم أنزل وأشتري واحد شكله بالظبط !!!!!!!أعمل إيه بس ؟؟؟
السائق: وده بكام يا مدام ده شكله غريب اوى؟؟
الراكبة: حاجة مش مستهلة الدوشة اللي عاملها
180 جنيه!!!
السائق: بالقفص؟؟؟؟؟؟؟؟؟؟؟؟؟؟؟؟؟!!!!
الراكبة: تبتسم في استغراب
السائق: والله يا مدام أنا لو ابنى وعمل كده وهو طبعا ميقدرش يعمل كده.. وغضب ع الأكل أنا امسكوا ارميه من الشباك!!!وإن شا الله عنه ما طفح
الراكبة: وهى مندهشة..أيوه هنزل هنا ..ميرسى يا أسطى
السائق: العفو... وسلامى لميشو

وينصرف السائق وهو يردد((اللى يعيش ياما يشوف في الدنيا دي).

اللى معاه قرش محيره
يجيب حمام ويحمره

يا باشا اللى يلائى الدلع وميدلعش يبقى حرام عليه

وبعدين اكيد العصفور ده كان قريب ميشو علشان كده قالها تيجب واحد تانى زى اللى مات

وبعدين مش ميشو ده كلب

هو لية انتوا بتتريقوا على المدام وابنها
دلوقتى دية واحدة راحة تركب تاكسى وشاكلها نضيف يعنى الهانم معاها فلوس يعنى مش فارقة معاها ولا اية
وبعدين الانسان بيجيب الفلوس لية مش علشان يمتع بيها اولاده ونفسة
لو ضربنا مثلا يبقى المصيف اللى كلنا بنروحة كل سنة وبنصرف فية اكتر من 1500 جنية على اية فى الاخر على اربع خمس ايام ودة كلة لية على الرغم انك ممكن تكون مش لقى تاكل بقيت الشهر هى دية كمان مش منظرة ولا اية

عسل اوي يوميات السائق دي بس بجد الله يكون في عونه من الناس الي بيشوفها حاجه تخنق بجد الا العصفور ب 180 جنيه وابنه اسمه ميشو لا هيطلع راجل ميشو ده باين عليه من اسمه