أهلاً بكم في يوم جديد من يوميات سائق تاكسي ....

المرة دي بقى رجل وسيدة مع بعض.
الرجل: تاكس... ثم يذكر المكان
السائق: اتفضلوا.
يدخل الرجل والسيدة لتاكس وبعد لحظات ...
يقول الرجل للسيدة ..أنا كان معايا ورقة ب100 جنيه انتى خديها؟؟؟؟
السيدة : أيوه خدها
الرجل: طب هاتيها!!
السيدة: اللي يدخل الشنطة مبيطلعش تانى!!
الرجل: دي بتاعة الشغل كنت هشتري بها بتاعة
السيدة: اللي بيدخل الشنطة مبيطلعش تاني!!
الرجل: طب خدي 20 حنيه وهاتى 80!!!
السيدة: اللي بيدخل الشنطة مبيطلعش تاني !!
الرجل: طب خدي 30 وهاتى 70
السيدة: منتش واخد حاجة!!!
يسكت الرجل بعد ذلك ثم تنزل السيدة من التاكس وهى تقول لزوجها...أنا رايحة عند أمي وأنت روح
الرجل: حاضر...مع السلامة خلى بالك من نفسك!!!!!!!!!!!
وتذهب السيدة وينطلق السائق بالرجل ...ثم يقول الرجل للسائق...دي الستات دي عاوزة ضرب النار...يا ساتر...لو ربنا يحرقهم...يا سلام
السائق: معلش ...معلش...كبر دماغك
وبعد لحظات ينزل الرجل من التاكس متوجه إلى منزله كما أمرته زوجته

هو دة مثال للرجل المصرى اللى عايز يحافظ على بيتة والست مراتة

هيه الدفعه الجديده اللى نازله من الرجاله نازله من غير دم ولا ايه
يعينى على الرجاله

انت عسل يا مؤمن والله بس هو زوج مطيع جدا لمراته مش بيحب يزعلها مش معنا كده انو مش راجل

ياسيدى ياسيدى عالرجاله
سمعت انهم بدءوا يستوردوا رجاله من الصين
اوعى يكون اللى ركب معاك مكتوب ورا قفاه
made in china

انا كلمتى مش ممكن تنزل الارض ابدا

جوزى

خلاص هتنزل المره ده بس المره الجايه مش ممكن ابدا


هى مش نزلت الارض ده نزلت تحت الارض