سلطة بابا غنوج

المكونات:
ـــــــــــــــــــ
باذينجان
طحينة
عصير ليمون
ماء
ملح
ثوم مفروم
زيت
بقدونس مفروم

طريقة العمل:
ــــــــــــــــــــــــــ
نجيب الباذنجان ونغسلة كويس وبعدين نقطع الراس الخضراء بتاعتة وندخلة الفرن عشان يتشوى ويكون الفرن نار عالية
وبعدين لما يتشوى نطلعة ونسيبة لحد مايبرد ونقشرة
نجيب الطحينةونحط عليها عصير ليمون (لمونتين)ونحط المياة علية بس تكون مياة دافية ومتكونش كتير على حسب ماتحتاج ونقلب فيهم لحد مايكون زى العصير ننزل عليهم الملح والثوم المفروم ونقلبهم كويس ونحط شوية زيت ونقلب كويس
نروح جايبين الباذنجان ونفرمة كويس لحد ما يبقا زى العجينة ونزل علية الخليط الطحينة ونقلبهم كلهم مع بعض لحد ما يتمزجو ونروح جايبين طبق التقديم وونحط فية الخليط المطلوب ونرش علية من فوق البقدوني المفروم وشوية زيت وبكدة تكون جاهزة للاكل
وبالف هنا وشفا
الشيف نانو

احلى سلطة اصلا بس يا سلام بقى لو نحط شويه شطة...........



تقى اية جامدة موت بس بردوا تسلم ايدك يا احلى شيف

شكرا يا باشا
انا اتعلمت منك كتير مووت