انا مش عارفه اشغل الطابعه بتاعتى

انتوا بتقولوا ان هنا اللى عنده اى مشكله فى الجهاز بتاعه بتحلوها
انا بقى مش عارفه ازاى اشغل الطابعه بتاعتى
هيه نوعها hp 1018

تشغيلها سهل اقدر اقوله بس المتخصص عمرو شومان هو اللى يقدر يوضح ويفهمك ويمكن يعمل دليفرى كمان

اولا انا اسف للتاخير فى الرد عليكى يا ساره بالنسبه ل الطابعه 1018
وده لان عمرو شومان عنده ظروف مخلياه متأخر علينا اليومين دول
وان شاء الله هيكون معانا قريب
وانا بالنيابه عنه هشرحلك ازاى نعمل setup للطابعه

اولا أتأكدى ان كابل ال usb واصل بين الطابعه و جهاز الكمبيوتر
ثانيا أتأكدى من كابل ال power واصل بين الطابعه و مفتاح الكهرباء
ثالثا استخدام الاسطوانه الخاصه ب الطابعه وعلى فكره هيه لونها اخضر
هتلاقيها فتحت لوحدها اول ما تشغليها هتلاقى جوه setup
امشى ورا الخطوات ( التالى- التالى)
لحد ما يقولك طباعة صفحة اختبار
اتاكدى ان الورقه موجوده فى الطابعه
لو طبعت معاكى ورقه اختبار يبقى تمام
لو لسه فيه مشكله قوليلنا واحنا ممكن نبعتلك مهندس مختص لو المشكله فى الطابعه
المهم بس ماتزعليش من التاخير فى الرد عليكى

السلام عليكم
اولا انا بتأسف على تأخيري في الرد عليكي يا ساره بس ده غصب عني والله بس اوعدك ان اي سؤال تاني او اي شئ في الجهاز مش عايز يشتغل هرد عليكي فورا وانا اسف مره تانيه واوجه شكري الى مصطفى عصام لانه قام بالاعتذار والرد عليكي بالنيابه عني وشكرا ولو لسه الطابعه مش شغاله يا ريت تبعتيلي على الايميل المكتوب سواء ليه انا او مصطفى عصام او تسيبي رقم تليفونك في رساله خاصه بالضغط على اسمي في المنتدى وانا هتصل بيكي لو مش قادرين نحل المشكله على المنتدى

انا بحب اشكر ادارة المنتدى على اهتمامهم
وبشكر تيتو على اهتمامه وشرحه بالتفصيل
انا جبت اختى الكبيره ومشينا ورا الخطوات لحد ما صلحناها
ميرسى ليك يا تيتو
وميرسى ليك يا عمرو على اهتمامك
بصراحه انا كنت زعلانه علشان مش رديتوا عليا
بس انا كده خلاص مش زعلانه منكم