القاموس اللغوي الجديد لبنات اليومين دول .........ركزوا ياشباب......

هذه كلمات مترجمة للغة البنات التي لا يفهمها إلا من جربها

نعم = لا

لا = نعم

ممكن = إستحالة

أنا آسفة = سامحنى على إللي هيحصل

أنا محتاجة موبيل جديد = هاتلي موبيل وإلا 000

القرار قرارك يا حبيبى = ورّينى كده هتعمل إيه ؟؟ وإبقى شوف

إعمل إلّي إنت عاوزه يا حبيبى = هتدفع الثمن غاااااالي

عاوزين نتناقش فى موضوع = عاوزة بس أعرفك أنا هعمل إيه

لا عادي أنا مش زعلانة = وحياتك لتشوف

إنت زى القمر النهاردة = إيه القرف ده ؟؟ يا شيخ روح إحلق دقنك

خليك رومانسي واطفي النور = نام بقى واتخمد زهقتني

أنا عاوزة شوية عفش فى البيت = أنا هغير عفش البيت كله

أنا باسمع صوت مزعج وأنا نايمة = إنت بتشخر وانت نايم يا لوووح

إنت بتحبني قد إيه يا حبيبى = أنا عملت مصيبة سوده النهاردة

أنا هاكون جاهزة فى دقيقة يا حياتي = إقلع هدومك واتفرج على الفيلم أنا قدامي ساعة

في حاجات لازم نتعلمها فى حياتنا = لازم تتعلم توافق على كل كلامى

إنت سامعنى يا حبيبى؟ = إنت أطرش مش بانادي عليك يابارد

إنت بتحبني يا حبيبي ؟ = ما انا عارفة !! إدفع بقى

لو عملت حاجة يا حبيبى لازم أعرف = أنا هطلع عينك لو عرفت عنك حاجة



[/color]

واضح ان حبيبتك دى مطلعه عينك
ده انت شايل منها قوى

وكتاب الله لو كنت اعرف ان الجواز بالمنظر ده ماكنت اتجوزت

مش كل البنات كده فى اللى كده وفى اللى العن واللى تخليك احسن واحد فى الدنيا

والله البنت دية ارق حاجة فى الدنيا ومفيش حاجة بتخليها وحشة او مزعجة غير المعاملة السيئه من الولد لو بجد الولد عرف ازاى يعامل البيت هيعرف ازاى يكسبها وبجد هيكون اسعد واحد فى الدنيا

على فكرة فكرة موضوعك جمدة وتشجع على ان الواحد ميتجوز

السلام عليكم
على فكره ديه مش قاعده يا جوده وبعدين صوابعك مش زي بعضها وفي اي مجال في الدنيا فيه الحلو وفيه الوحش ولا ايـــــــــه

يانهار ابيض دا انت بوظت صورت البنت خالص
حرام عليك مش علشان تجربه قاسيه مريت بيها تشوة صورتنا كدة
ياراجل دا احنا ملايكه حرام الظنون دي كلها
بس البنات كلها مش زي بعضها في اللي زي ما بتقول كدة
وفيه اللي كويسين جدا وبيعرفو يقدرو الناس اللي قدامهم صح
مستنيين الجديد بس متقلبش علينا كدة