معنى الصداقة العلمي

الصداقة هي علاقة اجتماعية بين شخصين أو أكثر على أساس المودة والتعاون بينهم, ويمكن تمييزها بثلاثة خصائص هي:
1- الاعتمادية المتبادلة التي تبرز من خلال تأثير كل طرف على مشاعر ومعتقدات وسلوك الطرف الآخر
2- الميل إلى المشاركة في نشاطات واهتمامات متنوعة مقارنة بالعلاقات السطحية التي تتركز في أغلب الأحوال حول موضوع أو نشاط واحد
3- قدرة كل طرف من أطراف العلاقة على استثارة انفعالات قوية في الطرف الآخر وهي خاصية مترتبة على الاعتمادية, إذ تعد الصداقة مصدرا لكثير من المشاعر الإيجابية السارة أو غير السارة


وفي التراث اليوناني يعرف أرسطو الصداقة بأنها حد وسط بين خلقين, فالصديق هو الشخص الذي يعرف كيف يكون مقبولا من الأخرين كما ينبغي, أما الشخص الذي يبالغ حتي يكون مقبولا من الجميع للدرجة التي تجعله لا بعارض أي شئ فهو المساير وعلى الضد فالشخص الذي لا يكترث بالقبول من الأخرين فهو الشرس والصعب في المعيشة ويضيف أرسطو إلى تعريف الصداقة إلى أنها عطف متبادل بين شخصين حيث يريد كل منهما الخير للأخر

ويميز أرسطو بين ثلاثة أنواع للصداقة وهي صداقة المنفعة وصداقة اللذة وصداقة الفضيلة, ويبين أن صداقة المنفعة هي صداقة عرضية تنقطع بأنقطاع الفائدة, أما صداقة اللذة فنتعقد وتنحل بسهولة بعد إشباع اللذة أو تغير طبيعتها, وأما صداقة الفضيلة فهي أفضل صداقة وتقوم على أساس تشابه الفضيلة وهي الأكثر بقاء ويعتقد أرسطو أن الصداقة أكمل ما تكون عندما تتوافر لها الأسس الثلاثة (المنفعة-اللذة-الفضيلة)

ومن التعريفات الحديثة للصداقة ان الصداقة علاقة اجتماعية وثيقة تقوم على مشاعر الحب والجاذبية المتبادلة بين شخصين أو أكثر, ويميزها عده خصائص منها: الدوام النسبي والاستقرار والتقارب العمري في معظم الحالات, مع

توافر قدر من التماثل فيما يتعلق بسمات الشخصية و القدرات والاهتمامات والظروف الاجتماعية .

يااريت كل واحد منا يحكي على موقف حصلو مع صديقو وأثر في وحس بقيمتو ((( على الشرط الصراحة )))

موضوع جميل جدا يا شذى
ولو بتتكلمى على الصداقه ف هقولك انك اكبر دليل على اهمية الصداقه
انك تكونى احد اصدقائى ده كتير بيخلينى مبسوط ويا رب يكون العرب كلهم اخوه واصدقاء
اما بالنسبه ل موقف واحد ل صديق
الكلام ده عايز منتدى كامل علشان احكى فيه
انا اصدقائى اثروا فى معظم قراراتى ودايما بينصحونى ودايما جمبى وبيشجعونى
اصدقائى هم مشرفين هذا المنتدى
اعتمدت عليهم انهم ينجحوا المنتدى وفعلا طلعوا رجاله وحسسونى بقيمتهم
وظهر منهم الابداع اللى كان محتاج حد يطلعوا

اللى يعرف معن الصداقه بجد يا شذا هيقدس العلاقه ده

الاصدقاء هم نعمه الحياه واللى ربنا بيحبه بيختار الصديق الصح

علاقه الصداقه من اسمي العلاقات وفي رايي هي اقوي من علاقه الحب لانها هي التي تدوم وبصراحه انا من اكتر المحبين لاصحابي وهما عارفين عني كده كويس ومقدرش اعيش من غيرهم لانهم اكتر الناس قريبين مني مشاكلي وهمومي فرحي وحزني كل مايخصني واتمني الصداقه ده تدوم للابد واتمنالهم الخير كلهم واشوفهم في احسن حال يارب ويوفقهم واقول لاصدقائي (احبكم في الله وارجو ان يحشرني الله مع من احببت في الجنه ان شاء الله )

موضووووووووووووع رااااااااااااائع كملن أرسطو من أفضل الفلاسفة في نظري بحب آراؤه في كل حاجة,,, وطبعا الصداقة زي ما قال الأخوة أسمى علاقة في الوجود وأنا في حياتي كام صديقة بس هما كل حياتي بجد وعمري ما هنساهم حتى لو فرقتنا الظروف وذكرياتنا مع بعض محتاجة كتب مش مجرد موقف أتمنى ليهم دايما الخير والسعادة ويوصلوا لكل اللي بيتمنوه ونتجمع على خير.... أشكرك على مجهودك

مش موقف واحد دول مواااااقف
اصدقائي الحقيقيين بيتعدو على الصوابع
بس افتكر كان في موقف ولا زال مأثر فيا لحد دلوقت ،، ان اعز صديقه ليا اتصلت بيا عشان تطمن عليا زي كل مره وانا كنت زعلانه لدرجه البكاء ، لقيتها سابت كل اهتمامتها وفضلت معايا طول الليل على التلفون عشان تعوض البعد الي بينا لحد ما اتأكدت ان نفسيتي اتحسنت ، بصراحه ده اعظم موقف ليها معايا
زائد الاتصال الارواح الي بيدهشني كتير لما ببقى عايزه اكلمها الاقيها تتصل ولما ابقى عايزه اقول حاجه تقولها قبلي
ربنا يخليها ليا وكل اصدقائي ده يتعملهم كل واحده تمثال من ذهب من كتر تقديري ليهم

بصراحه موضوعك جامد جدا
الاصدقاء دول زى ماقال علاء نعمه من عند ربنا
بس لازم نحسن اختيارهم
فى انتظار مواضيع احلى