الترتيب الافكار والتمهل

من اهم حاجة فى المطبخ الترتيب يعنى لازم نكون مرتبين داخل المطبخ عشان نقدر نشتغل يعنى
مثلا لما نيجى ندخل عشان نعمل الاكل ولقينا المطبخ مش مرتب وكل حاجة فى كل مكان فى المطبخ
مش هيكون لينا نفس نشتغل فية صح ولا لا فلازم نرتب المطبخ الاول نضع كل حاجة فى مكانها
يعنى نشوف الاطباق المتسخة ونحطها فى الحوض عشان تتغسل وبعدين نفضى التربيزة الى هنشتغل
عليها ونمسحها كويس وبعدين نغسل الاطباق ولما نخلص هنحس براحة نفسية ان المكان بقا فاضى
ونقدر نشتغل فية ولما نشتغل نحاول نرتب افكارنا مش لازم نعمل كل حاجة فى وقت واحد عشان لو
عملنا كدة الحاجة مش هتطلع مظبوطة مننا فلازم نرتب افكارنا ونبتدى بالحاجة الى ممكن تاخد وقت
مننا وبعد كدة نبتدى بالحاجة السهلة وصدقونى لو رتبنا افكارنا الحاجة هتخلص مننا بسرعة وكمان مش هنكون تعبانين وطبعا مننساش واحنا شغالين نحافظ على نظافة المطبخ اول باول عشان لما نخلص منتعبش فى التنظيف
ولو جربتو هتعرفو انى بتكلم بجد ومش هتحسو بتعب خالص وجربو وقلولى النتيجة
وانا مستنى ردكم على الموضوع دا

على فكرة اهم حاجة فى البيت نضافة المطبخ

علشان لو المطبخ شكلة مش نضيف الكل هيقرف ياكل

وعلشان كدة دية اول حاجة انا بهتم على نضافتها

وبجد يا جماعة نصائح هايلة اوى ويا ريت

كل البنات تسمع كلام الشيف علشان كلامة صح

مرسى على النصائح دية يا احلى شيف فى الدنيا

مرسى جد ا ليكى واى حاجة عايزين تسالو فيها انا تحت امركم

فعلا يا مون لو المطبخ نظيف البيت كلو هيكون نظيف
وتحسي انك بتعملي كل حاجه بنفس ولا مديقه ولا اي حاجه
وزي ما قولت يا نانو لازم كل حاجه تنضف اول باول
ومرسي علي الموضوع الجامد والنصايح الجامدة دي
نتمني كل بنت تكون كدة لان النظافه عنوان البيت